29.12.2018 Ҡара риелторға тарыма
Республикала сираттағы ҡара риелторҙар бандаһы хөкөм көтә.
Дүрт Нефтекама ҡалаһы һәм бер Краснокама районы кешеләренән торған 30 – 37 йәшлек ирҙәр РФ Енәйәт кодексының өс статьяһы буйынса ғәйепләнә.
Улар 2014 – 2017 йылдарҙа хужаларҙың фатирын тартып алыу, автостраховкалау өлкәһендә ялған юл-транспорт хәлдәрен теркәү кеүек эштәр менән шөғөлләнгән.
Енәйәтселәр Нефтекамала эскеселәрҙе, яңғыҙ ҡалған ҡарт-ҡороно һәм ауыр тормош хәленә ҡалыусыларҙы эҙләп тапҡан. Коммуналь хеҙмәттәр өсөн бурыслыларға, фатирығыҙҙы тартып аласаҡтар, тип янағандар. Артабан фатир хужаларының, йәнәһе, хәленә инеп һатыу – һатып алыу тураһында ялған килешеү төҙөгәндәр. Һөҙөмтәлә, ҡорбандарын насар фатирға һәм бүлмәгә күсереп, уларҙы көсләп алкоголь менән һыйлаған. Ҡара риелторҙарҙың «ярҙамынан» баш тартыусыларҙы ҡурҡытҡандар, законһыҙ рәүештә коммуналь хеҙмәттәрен һүндергәндәр.
Оҡшаш яңылыҡтар
