18.05.2016 Өмөтбай ололары йәштәргә фәһем бирә
Баймаҡ районының Өмөтбай ауылында экологик өмәләр дауам итә. Кисә, 18 майҙа ауылыбыҙҙың муллаһы Таштимер Ҡотлогилдиндең Һаҡмар буйында, Фирғәт Хөснитдиновтың кәртәләп алған баҡсаһында ағас ултыртып йөрөгәнен күреп, Зөлфиә менән мин ярҙамға килдек. Таштимер ағай ултыртҡан ағастарға һыу һиптек, сүп-сарҙы алдыҡ. Ҡыҙы Венера Өфө яғынан алып ҡайтҡан ағастар Өмөтбай еренә ерегер тип уйлайбыҙ. Ҡайһы берәүҙәр экологик өмәне эш урынын, өй эргәһен таҙартыу тип белһәләр ҙә, ләкин оло кешенең ошолай йөрөүе күптәргә өлгө.
Хөрмәтле ҡатын-ҡыҙҙар! Ошо арала мәсеттең эсенә обой йәбештерергә йыйынабыҙ, барығыҙҙы ла көтөп ҡалабыҙ.
"Йәшлек" гәзите хеҙмәткәрҙәре һеҙҙе лә өмәгә саҡырабыҙ, килергә һүҙ биргәйнегеҙ.
Оҡшаш яңылыҡтар
