RSS-подписка facebook Вконтакте Вконтакте
» » Ә беҙҙең ауылда... 15 апрель

15.04.2016 Ә беҙҙең ауылда... 15 апрель

Ә беҙҙең ауылда... 15 апрель Был аҙнала беҙ Ғафури, Иглин райондарынан, Күмертау ҡалаһынан хәбәрҙәр ҡабул иттек.
Дуҫтар, һеҙҙең дә әйтер һүҙҙәрегеҙ, ауыл тормошонан матур яңылыҡтарығыҙ, теләк-тәҡдимдәрегеҙ барҙыр, моғайын – һөйләгеҙ. Беҙҙең менән бәйләнеш мөмкинлектәре киң. Телефон һандары: 8-965-923-20-00. Гәзитебеҙҙең электрон адресы: ye02@yandex.ru. “Бәйләнештә” селтәрендә – “Йәшлек” гәзите” төркөмө.

Рәсих АБДРАХМАНОВ,
Ғафури районы, Толпар ауылы:

– Быйыл ҡыш айырыуса ҡарлы булды. Юлдарҙы таҙартыу өсөн ҡар күп яуған йылда тынғыһыҙ көндәр башлана, өҫтәмә сығымдар ҙа талап ителәлер. Бигерәк тә таулы Толпар яҡтарына ҡеүәтле “К – 700”, “Т – 150” трактор­ҙарының бер тапҡыр ғына юл таҙартып килеп ҡайтыуына нисә литр яғыулыҡ яндырылыуын был ойошма хеҙмәткәрҙәре үҙҙәре генә беләлер. Шуға ҡарамаҫтан, райондың юл-ремонт идаралығы эшселәре ауылыбыҙға юлды даими таҙартып, киңәйтеп торҙо, урындағы халыҡ уларҙың эшенән бик ҡәнәғәт. Уларға рәхмәт белдерәбеҙ, киләсәктә эштәрендә уңыштар теләйбеҙ.
Беҙҙең яҡ таулы ғына түгел, урманлы төбәк тә һанала. Ағастар боролоштарҙа юлды яртылаш ҡаплай, шул сәбәпле юл билдәләрен дә күреп булмай. Толпар – Мәндем ауылдары араһындағы юлда киҫкен боролоштар ҙа күп. Моғайын, быйыл юл ойошмаһы етәкселеге быны күҙ уңынан ысҡындырмаҫ, берәй әмәлен табыр тигән өмөттә ҡалабыҙ.

Миләүшә ХӘСӘНОВА,
Иглин районы, Иглин ҡасабаһы:

– Мәғәфүр Хисмәтуллин – башҡорт музыка-театр сәнғәтендә тәрән эҙ ҡалдырған мәшһүр йырсы. Уның баһалап бөткөһөҙ ижад ҡомартҡыһын һаҡлау, йәш быуынға еткереү беҙҙең, яҡташтарының, изге бурысы. Шуға күрә ике йылға бер тапҡыр районыбыҙҙа М. Хис­мәтуллин исемендәге республика йырсылар конкурсы уҙғарыла. Быйыл 21 – 22 апрелдә ойоштороласаҡ сараға оло әҙерлек башланды ла инде. Яҙғы ярышта үҙенең талантын һынап ҡарарға теләүселәр көндән-көн арта бара, бының өсөн мәҙәниәт бүлегенә йәки район мәҙәниәт йортона мөрәжәғәт итәләр. Конкурс профессиональ һәм үҙешмәкәр категорияларҙа уҙасаҡ, гала-концерт менән тамамланасаҡ.

Ләлә ИҠБАЕВА, Күмертау ҡалаһы:
– Мин Ейәнсура районының Сирғол ауылында фитнес клубын асыуҙарына ҡыуандым. Төпкөл тип һаналған ауылда мәктәп ябылғайны. Уҡытыусылар аптырап ҡалмаған, мәктәп залына барлыҡ ауыл халҡын йәлеп итеп, спорт менән шөғөлләнә башлағандар. Педагогтар маладис, курсташым Гөлйөҙөм Рамазанова әйтеүенсә, “Кем 40-тан уҙған” тип аталған фитнес клубына халыҡ ҡыуанып, күнекмәләргә бик теләп йөрөй. Әйткәндәй, бындай залдар райондың бер нисә ауылында бар икән. Ауылдар спорт осрашыуҙары уҙғара, үҙ-ара ярыша. Бына бит, мәктәп ябылды тип, ҡул һелтәп ҡуймағандар, кемгәлер – эш, башҡаларға шөғөл һәм һаулыҡты нығытыу урындары булдырғандар!







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Юлаевсылар мәргәнлеген иҫбатланы

05.11.2019 - Яңылыҡтар таҫмаһы Юлаевсылар мәргәнлеген иҫбатланы


Силәбе командаһы Латвия белгесенән баш тартты

Мексика бокссыһы Ковалевты ауыр нокаутҡа ебәрҙе

"Зенит" клубы үҙенә Миранчуктарҙы  ҡоҙаламаҡсы

“Өфө” командаһы лидерҙан бер мәрәй тартып алды

Регби буйынса донъя чемпионы булып Көньяҡ Африка командаһы танылды

Рәсәйҙә легионерҙар кәмене

02.11.2019 - Яңылыҡтар таҫмаһы Рәсәйҙә легионерҙар кәмене


Аҡсаң булһа, бар ергә лә юл асыҡ...

02.11.2019 - Яңылыҡтар таҫмаһы Аҡсаң булһа, бар ергә лә юл асыҡ...


Черчесов тәрбиәләнеүселәренә ышана

01.11.2019 - Яңылыҡтар таҫмаһы Черчесов тәрбиәләнеүселәренә ышана


Яҡташыбыҙға Губерниев булды ни булманы ни, барыбер...

Лайыҡлы алмаш үҫеп килә

01.11.2019 - Яңылыҡтар таҫмаһы Лайыҡлы алмаш үҫеп килә


Юлаевсылар Көнбайыштан ике генә мәрәй менән ҡайтты

Арҙаҡлы яҡташтарыбыҙға арналды

31.10.2019 - Яңылыҡтар таҫмаһы Арҙаҡлы яҡташтарыбыҙға арналды


Башҡорт ҡымыҙы Аравия ярымутрауына китерме?

Өфө табиптары Сибайҙа күҙгә операция яһай

Саҡ туңып үлмәгән

31.10.2019 - Яңылыҡтар таҫмаһы Саҡ туңып үлмәгән


Өс аҙналыҡ үле сабыйын буш шешәләр араһынан табып алған

Йөрәктән-йөрәккә йылы өләшеп

31.10.2019 - Яңылыҡтар таҫмаһы Йөрәктән-йөрәккә йылы өләшеп


Рәсәйгә наркотиктар индереүсе төп ил ниндәй?

Зәйнетдиновтарҙың сираттағы еңеүе

31.10.2019 - Яңылыҡтар таҫмаһы Зәйнетдиновтарҙың сираттағы еңеүе


Билдәле биатлонсы ветерандарға ярҙам ҡулы һуҙҙы

Урманда 20 йыл элек үлгән кешенең  баш һөйәге ятҡан

Йәнә фажиғә, йәнә ҡорбан

31.10.2019 - Яңылыҡтар таҫмаһы Йәнә фажиғә, йәнә ҡорбан


«Өфө»ләргә саҡ ҡына тәжрибәлек етеңкерәмәне