11.04.2016 “Рыжий лес” феномены (Чернобыль АЭС-ындағы фажиғәгә - 30 йыл)
Авария һөҙөмтәһендә емерек реактор өҫтөнән көнсығышҡа ҡарай һәм станция янындағы ҡарағай урманы ҡаты нурланышҡа дусар була. 10 квадрат саҡрым майҙандағы ҡарағайлыҡ йәшелдән ҡыҙғылт-һары төҫкә инеп ҡыуара. “Рыжий лес” тип атайҙар уны.
Яҙ мәле, апрель аҙағы – ағастарҙың шәп үҫкән, йоҡонан уянған мәле. Радиация тиҙ бүленгән күҙәнәктәрҙе үлтерә һәм шуға ла ҡарағайҙар айырыуса ныҡ бирешкән.
Шаһиттар белдереүенсә, апрель аҙаҡтарында үлгән ағастар төндә яҡтылыҡ бүлеп сығарған. 1986 йәйендә “Рыжий лес”тың ағастарын бысалар һәм ИМР инженер юл һалыу машиналары менән бер урынға – обваловкалы траншеяларға өйөп күмәләр. Урман аша юл үтә һәм бында радиация кимәле бик юғары була, ҡоро ҡарағайҙарҙың янып китеү хәүефе лә булған. Был иһә икенсегә реактор шартлау менән бәрәбәр булыр ине.
Әлеге ваҡытта “Рыжий лес” урынында ултыртылған үҫентеләрҙән яңынан ҡарағайҙар үҫеп килә. Урман аша тик юлдан ғына хәрәкәт итергә рөхсәт ителә, туранан үтергә ярамай – көслө радиация. 
Оҡшаш яңылыҡтар
