06.04.2016 Припять - йәштәр ҡалаһы (Чернобыль АЭС-ындағы фажиғәгә - 30 йыл)
1970 йылда нигеҙ һалынған Припять ҡалаһы Чернобыль АЭС-ының эйәрсене (город-спутник) тип һаналған. Бындай типтағы ҡалалар миҫалы тип Тольяттины (ВАЗ эйәрсене), Яр Саллыны (КамАЗ), һәм Башҡортостандағы Ағиҙелде (Башҡорт АЭС-ы) тип әйтергә мөмкин.
Припять станцияның янында төҙөлгән һәм уға туранан ике саҡрым булған. Шәхси сектор юҡ - туранан-тура күп ҡатлы йорттар. Бар Советтар Союзынан йыйылған 134 милләтле 50 меңгә яҡын кеше йәшәгән. Йыл һайын бында меңгә яҡын бала тыуған.
Әйтергә кәрәк, ҡала Припять йылғаһы исемен йөрөтһә лә, станция Чернобыль атамаһын алған. АЭС-тан 12 саҡрымда Чернобыль тигән ҡасаба бар. Ул бик боронғо, ҙур тарихҡа эйә.
Чернобыль ҡасабаһы менән Припять ҡалаһы Украина ССР-ының Киев өлкәһенең Чернобыль районына кергән. Район исеме станцияға бирелгән дә инде. Әле был админстратив берәмек бөтөрөлгән һәм Иванков районы составына индерелгән.
Оҡшаш яңылыҡтар
