17.10.2014 Бер көндә – ике үлем

10 октябрҙә Белорет районының “Победа” крәҫтиән-фермер хужалығының ташландыҡ келәтендә 14 йәшлек ҡыҙ үҙ-үҙенә ҡул һалған. Түбә урҙаһында яулығы менән аҫылыныусының кәүҙәһен кешеләр табып алған.
Әүжән участка дауаханаһы медиктары был турала хоҡуҡ һаҡлаусыларға хәбәр иткән.
Алдан билдәле булыуынса, ҡыҙҙың дуҫы шул уҡ көндә үҙ-үҙенә ҡул һалған булған. Әлеге ваҡытта тәфтишселәр тикшереү үткәрә.