14.03.2014 “Берҙәм Рәсәй”ҙә – яңы етәксе
“Берҙәм Рәсәй” сәйәси партияһының Башҡортостандағы төбәк бүлексәһе рәйесе булып торған Альберт Мифтаховты ғинуарҙа БР Президенты Хакимиәтенә эшкә тәғәйенләгәс, бүлексәгә яңы етәксе кәрәк булды. Партияның Генераль советы Президиумы ҡарары менән был вазифаға Рәмзил Ишһарин раҫланды.
Стәрлебаш районы егете, милләттәшебеҙ Рәмзил Ишһарин “Берҙәм Рәсәй”ҙә 2005 йылдан ағза булып тора, бер нисә йыл йәштәр менән эшләү буйынса баш белгес вазифаһын башҡарған, етәксе урынбаҫары, агитация-пропаганда бүлеге начальнигы булып эшләгән. Әлеге юғары вазифаға тәғәйенләнгәнсе, партия төҙөлөшө бүлеген етәкләгән.