21.05.2013 Николай Морозкин – Башҡорт дәүләт университеты ректоры
Үткән аҙнала Башҡорт дәүләт университеты ректорын һайлау буйынса конференция үткәйне. Унда йәшерен тауыш биреү барышында физика-математика фәндәре докторы, профессор, иҫәпләү математикаһы кафедраһы мөдире Николай Морозкин кандидатураһы өсөн 167 тауыш бирелде.
Николай Морозкин Н. Огарев исемендәге Мордовия дәүләт университетынан һуң Ленинград дәүләт университетының ғәмәли математика факультетында аспирантурала уҡыған. Артабан Мордовия дәүләт университетында эш башлап, 1983 йылдан Башҡорт дәүләт университетында эшләй.