19.04.2013 Йомортҡа-йортта йәшәр инегеҙме?
Бөгөнгө торлаҡһыҙлыҡ заманында, бәлки, табылыр ҙа ине шундай өй һалырға теләүселәр.
Мәскәүҙең сәнғәт паркына ҡуйылған ул йомортҡа-йорт. Яҡташтарыбыҙ – Өфө егеттәре Тимур Арыҫланов менән Алексей Мельников ижады.
“Ҡалалар” Бөтә Рәсәй фестивале сигендә ойошторолған “Микродом” тип аталған проектта 126 эштән 21-е финалға үткән дә, араларында беҙҙең егеттәрҙең дә “йомортҡа”һы булған. Трансформер-өй – вертикаль торошта эш өҫтәле булған бүлмә, ә горизонталь хәлдә карауатты хасил итә, тағы бер яҡҡа әйләндерһәң, зал була икән. Йортҡа ике кеше һыя.
Хаҡы 40 мең һумдан саҡ ҡына артығыраҡҡа төшкән, буғай. Шәпме, ә?!
Айсын АҠБУЛАТОВА.