20.09.2011 Инвестиция проекттары ҡаралды
Республикала өҫтөнлөклө инвестиция проекттарына булышлыҡ итеү буйынса Хөкүмәт комиссияһы төҙөлгәйне, кисә уның тәүге ултырышы үтте. Сараны БР Хөкүмәте Премьер-министры урынбаҫары − сәнәғәт һәм инновация сәйәсәте министры Марат Мөлөков алып барҙы.
Хөкүмәт комиссияһы проекттарҙы ҡарап, республика иҡтисадына инвестициялар йәлеп итеүҙе, проекттарҙы бойомға ашырыуҙы маҡсат итеп ҡуя. Комиссия өҫтөнлөклө проекттарҙы билдәләй, ергә бәйле мәсьәләләрҙе хәл итә һәм тормошҡа ашырыласаҡ проекттар өсөн инженер-транспорт инфраструктураһы үҫешен күҙаллай. Шулай уҡ бында инвестор менән республика хөкүмәте килешеүе буйынса тейешле эштәр алып барыла. Проекттар кварталға бер ҡаралырға тейеш.