14.05.2011 Марат Мөлөков – БР Хөкүмәте Премьер-министры урынбаҫары
Башҡортостан Республикаһы Президенты Рөстәм Хәмитовтың Указы менән Башҡортостан Республикаһы Хөкүмәтенең Премьер-министры урынбаҫары итеп Мөлөков Марат Муса улы тәғәйенләнде.
Мөлөков Марат Муса улы 1974 йылдың 2 апрелендә Өфөлә тыуған. Юғары белемле – БДУ-ны, БДПУ-ны тамамлаған.
1999 – 2003 йылдарҙа – Өфө ҡалаһының Киров районы депутаты, артабан Пенсильвания штаты конгрессмены Майкл Дивндың ярҙамсыһы, «Херитедж» тикшеренеү үҙәгенең Рәсәй йүнәлешендәге етәксеһе ярҙамсыһы, «ҡала иҡтисады институты» фондының әйҙәүсе эксперты, Рәсәй Федерацияһы Хөкүмәте Рәйесе советнигы ярҙамсыһы, «Атом – инновациялар» үҙәге («Росатом»дың инновацион эшмәкәрлеге идаралығы үҙәге) директоры, 2009 йылдан ошо көнгә тиклем Техник физика һәм автоматлаштырыу ғилми-тикшеренеү институты («Росатом» ГК-һы) асыҡ акционерҙар йәмғиәте директоры булып эшләй.