23.04.2011 Наркотиктарға ҡаршы көрәш ҡыҙа
Башҡортостан Президенты Иркутскиҙа «Йәштәр араһында наркотиктар ҡулланыуға ҡаршы көрәште көсәйтеү саралары тураһында»ғы мәсьәләләр буйынса Рәсәй Федерацияһы Дәүләт Советы Президиумы ултырышында ҡатнашты.
Әйткәндәй, Башҡортостанда наркомания менән сирле һәм наркотиктар ҡулланыусы 9 мең самаһы кеше иҫәптә тора (100 мең халыҡҡа – 140 кеше). Рәсәй буйынса уртаса күрһәткес менән сағыштырғанда, был һан 1,7 тапҡырға түбәнерәк. Төбәктә илдәге бер нисә дәүләт реабилитация үҙәктәренең береһе эшләй. Быйыл республикала реабилитация койкалары иҫәбен 80-дән 300-гә тиклем арттырырға ҡарар ителгән.