12.02.2011 Йәш ғалимдарға – Рәсәй Президенты гранты
Республиканың алты йәш ғалимы – Рәсәй Фәндәр академияһы Өфө ғилми үҙәгенең Биохимия һәм генетика институтынан Юлиә Вахитова, БДУ-нан фән докторы Вадим Захаров, Рәсәй Фәндәр академияһы Өфө ғилми үҙәгенең Органик химия институтынан фән кандидаты Вадим Минғәлиев, БДУ-нан фән кандидаттары Сергей Шаулов менән Рәсүл Зиннәтуллин, Өфө дәүләт авиация техник университетынан фән кандидаты Александр Кишалов ошо юғары наградаға лайыҡ булды.
Йәш таланттар араһында конкурс Рәсәйҙең йәш ғалимдарына ярҙам күрһәтеү маҡсатынан ойошторола. Грант өҫтөнлөклө йүнәлешле фән, технологиялар һәм техника буйынса фундаменталь һәм ғилми-ғәмәли тикшеренеүҙәр үткәреүгә сығымдарҙы финанслау маҡсатында ике йылға бүленә. Фән докторҙары өсөн грант күләме – 1 миллион һум, фән кандидаттары өсөн 600 мең һум тәшкил итә.