08.02.2011 Хоҡуҡ тәртибе нығытыла

Республика йортонда БР Президенты Рөстәм Хәмитов рөйеслегендә республикала хоҡуҡ тәртибен тәьмин итеү буйынса даими эшләүсе координация кәңәшмәһе ултырышы булды.
Унда 2011 йылға Башҡортостанда хоҡуҡ тәртибен тәьмин итеү эшенең комплекслы планы раҫланды. Ул экстремизмды һәм миграция өлкәһендә кире күренештәрҙе иҫкәртеү, коррупцияға ҡаршы тороу, енәйәттәрҙе, бәлиғ булмағандарҙың хоҡуҡ боҙоуын һәм наркоманияны иҫкәртеү йәһәтенән саралар үткәреүҙе күҙ уңында тота.