29.01.2011 Элекке Премьер-министр – «Электрозавод» йәмғиәтенең тулы хоҡуҡлы вәкиле
Башҡортостан Республикаһы Хөкүмәтенең элекке Премьер-министры Рафаэль Байдәүләтов «Электрозавод» асыҡ акционерҙар йәмғиәтенең тулы хоҡуҡлы вәкиле итеп тәғәйенләнде. Ул бөтә кимәлдәге власть структуралары алдында компанияның мәнфәғәттәрен яҡлаясаҡ.
БР Хөкүмәтенең элекке Рәйесе менән «Электрозавод» йәмғиәте күптән хеҙмәттәшлек итә. Рафаэль Ибраһим улының туранан-тура ҡатнашлығында был компания Башҡортостанда Европалағы иң ҙур трансформатор производствоһы – Өфө трансформатор заводын төҙөй һәм электротехник продукция сығарыуҙы тәьмин итеүсе «Электроаппарат» заводын яңырта башланы.