18.01.2011 Г. Шебаев – һаулыҡ һаҡлау министры

БР Президенты Рөстәм Хәмитов Указы менән Георгий Шебаев БР һаулыҡ һаҡлау министры итеп тәғәйенләнде.
Шебаев Георгий Анатольевич 1976 йылда Өфөлә тыуған. И. Сеченов исемендәге Мәскәү медицина академияһын тамамлаған. Медицина фәндәре кандидаты.
2010 йылдан ошо көнгә тиклем БР һаулыҡ һаҡлау министры урынбаҫары, министр вазифаһын башҡарыусы булып эшләгән.
Георгий Шебаев – Рәсәй иҡтисадын модернизациялау һәм технологик үҫтереү буйынса РФ Президенты ҡарамағындағы консультатив эшсе төркөм ағзаһы.