RSS-подписка facebook Вконтакте Вконтакте
» » Өс һөйләм менән

22.03.2011 Өс һөйләм менән

Баш ҡаланың берҙәм дежур-диспетчер системаһы БР буйынса Эске эштәр министрлығы хеҙмәткәрҙәре файҙаланған «Хәүефһеҙ ҡала» видеокүҙәтеү системаһына тоташтырылды. Хәҙер Ғәҙәттән тыш хәлдәр министрлығы Өфө урамдарын һәм объекттарын реаль ваҡыт режимында күҙәтә, бөтөн ҡала буйынса урынлаштырылған камераларға төшөрөлгән мәғлүмәт тәүлек әйләнәһенә эшләгән мониторҙарға тапшырыла. Әлеге система ялған шылтыратыуҙарға иғтибар бирмәй, производство, кеше ресурстарын бушҡа сарыф итмәү мөмкинлеге бирә.

Башҡортостан йәштәре «Рәсәйҙең милли байлығы» конкурсының һуңғы турына үтте. Республиканан бәйгенең йомғаҡлау этабында 20-нән ашыу студент һәм уҡыусы сығыш яһаясаҡ. Презентация 1 апрелдә үтәсәк.

Мәскәүҙә үткән сираттағы китап күргәҙмәһендә Рәсәйҙең иң ҙур китап нәшерселәре билдәләнде. Был исемлеккә, «ЭКСМО», «Дрофа», «Просвещение», «АСТ» кеүек билдәле нәшриәттәр менән бер рәттән, З. Биишева исемендәге «Китап» нәшриәте лә инде. Ул китап сығарыу, тираж буйынса милли нәшриәттәрҙең барыһын да уҙҙырған.

«Башҡортостан» киностудияһы директоры Айбулат Юнысов менән компьютер графикаһы һәм анимация буйынса рәссам Таңсулпан Бураҡаева Халыҡ-ара төрки мәҙәниәте ойошмаһы (ТӨРКСОЙ) ағзаһы илдәренең Кинематографистар советы ултырышында ҡатнаша. Ул ошо көндәр­ҙә Төркиәнең баш ҡалаһында XXII Анкара халыҡ-ара кинофес­тивале сиктәрендә үтә. Ултырышта ҡатнашыусылар берлектәге кино һәм кинопрокат селтәре баҙарын формалаштырыу, кинофестивалдәр ойоштороу һәм бергәләп кинофильмдар төшөрөү мәсьәләләрен тикшерәсәк.

Республикала медицина һәм фармацевтика сәнәғәтен үҫтереү программаһы булдырыласаҡ. Ул медицина фәнен, фармацевтика эшмәкәрлеген һәм дауалау ҡорамалдарын етештереүҙе үҫтереүҙе маҡсат итеп ҡуя. Был үҙебеҙҙә етештерелгән дарыуҙарҙы һатыу­ға күберәк сығарыу мөмкинлеген бирәсәк.

БР Профсоюздар федерацияһы Башҡортостандың юғары уҡыу йорттары студенттары араһында «Студент яҙы – 2011» фестиваленең иң яҡшы символына конкурс иғлан итте. Быйылғы «Студенттар яҙы» символына әйләнәсәк һын 35 – 40 сантиметр бейеклектә булырға тейеш. Конкурс эштәре 8 апрелгә тиклем ҡабул ителә.

Телефон аферистары кешеләргә «һөжүм»ен дауам итә. Баш ҡалала үҙен хоҡуҡ һаҡлау хеҙмәткәре тип танытҡан ир һикһән йәшлек әбейгә, улығыҙ бер нисә кеше һәләк булған аварияла ғәйепләнә, уны төрмәгә ултыртмаҫ өсөн аҡса кәрәк, тип мөрәжәғәт итә. 150 мең һум аҡсаһын уға тотторғандан һуң ғына әбей улына шылтыратырға ҡарар итә, ә был ваҡытта енәйәтсенән елдәр иҫкән була.

Предприятиелар һәм ойошмалар араһында «Эшсе ҡатын-ҡыҙ – 2011» республика конкурсы үтте. Финалға өс тиҫтәгә яҡын гүзәл зат араһынан ун бере генә һайлап алынды. Ике сәғәт ярым барған марафонда Өфөнөң 21-се дауаханаһы эндокринологы Жанна Бәлхийә­рова еңеүсе тип табылды.

Р. КҮСЕМХАНОВА әҙерләне.







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Ялған паспорт менән – кредит

Китәләр...

23.10.2019 - Йәмғиәт Китәләр...


Юлдарҙа "Бурыслы" операцияһы башланды

Фотоларҙа – тарих

16.09.2019 - Йәмғиәт Фотоларҙа – тарих


Суд приставтарына һорауҙарығыҙ булһа…

"Ҡыҙыу линия" эшен дауам итә

08.09.2019 - Яңылыҡтар таҫмаһы » Йәмғиәт "Ҡыҙыу линия" эшен дауам итә


Һайлауҙа алған беләҙектәрегеҙҙең файҙаһын күрегеҙ

08.09.2019 - Яңылыҡтар таҫмаһы » Йәмғиәт Һайлауҙа алған беләҙектәрегеҙҙең файҙаһын күрегеҙ


Кишер һабағы менән помидор маринадлау

"Йәшлек" гәзите БР Башлығы грантына лайыҡ булды!

Генерал Шайморатовҡа һәйкәл ниндәй булырға тейеш?

«Һыу хатаны ғәфү итмәй!»

25.07.2019 - Йәмғиәт «Һыу хатаны ғәфү итмәй!»


Аҙыҡ-түлекте ташлау –  яҙыҡ эш

Ҡартлыҡты артҡа сигендереп

Радий Хәбиров юл ҡағиҙәләрен өс тапҡыр боҙоусыларҙы руль артына ебәрмәҫкә тәҡдим итте

«Росгосцирк» Өфө циркын тергеҙеүгә 1 млрд һум һалырға планлаштыра

Өйҙөң йәме – бала менән

08.07.2019 - Йәмғиәт Өйҙөң йәме – бала менән


Бабич ҡалҡты һәйкәл булып!

V Бөтә донъя башҡорттары  ҡоролтайының программаһы 28 – 29 июнь, 2019 йыл

Башҡортлоҡ

28.06.2019 - Йәмғиәт Башҡортлоҡ


Яҙһа - яҙа ла ҡуя!

14.06.2019 - Йәмғиәт Яҙһа - яҙа ла ҡуя!


Лайыҡлылар билдәләнде һәм бүләкләнде!

Ижадсының бай мираҫына урын табылырмы?

Юлда яңғыҙың түгел!

28.05.2019 - Йәмғиәт Юлда яңғыҙың түгел!


Янғынға ҡаршы көрәштә  ялҡын ҡабынды йөрәктә