04.09.2012 Башҡорт теле уҡытыусыһы – Бөтә Рәсәй конкурсы еңеүсеһе
Республиканың башҡорт теле уҡытыусылары йылдан-йыл үҙҙәрен Бөтә Рәсәй кимәлендә таныта бара.
Күптән түгел «Башҡорт теле һәм әҙәбиәте йыл уҡытыусыһы – 2012» төбәк-ара конкурсы еңеүсеһе, Ишембай ҡалаһының 8-се мәктәбе уҡытыусыһы Рифат Әйүпов туған тел уҡытыусыларының Бөтә Рәсәй конкурсында илдең төрлө төбәктәренән килгән 29 уҡытыусы араһынан «Уҡытыусы-тикшеренеүсе» номинацияһында еңеү яулап, дөйөм иҫәптә 3-сө урынға лайыҡ булды.