13.09.2016 Йондоҙнамә (12 - 18 сентябрь)
Ылаҡ (22.12 – 20.01)
Был аралағы аралашыуҙар һәм осрашыуҙар файҙалы булыр. Кеше йомоштары менән артыҡ күп булышаһығыҙ кеүек. Үҙ мәсьәләләрегеҙ тураһында ла онотмағыҙ. Йомала өмөтлө тәҡдим алыуығыҙ бар.
һыуғояр (21.01 – 19.02)
Төп иғтибарығыҙҙы үҙегеҙгә, төҫ-башығыҙға бирһәгеҙ, дөрөҫ булыр. Һаулығығыҙҙы бер аҙ нығытыр өсөн мөмкинлек табырға тырышығыҙ. Артабан алға барыу өсөн нимәнәндер баш тартырға тура килер.
Балыҡ (20.02 – 20.03)
Осор яңы эштәрҙе башлау өсөн бигүк бармай. Башлағандарын тамамлағыҙ. Был арала күптәр яңы килем сығанағын таба алыр. Әллә ни ҙур булмаһа ла унан баш тартмағыҙ. Йомала мөһим хәбәр ишетерһегеҙ.
Ҡуҙы (21.03 – 20.04)
Һеҙҙең өсөн оҙайлы уңышлы һәм тыныс мәл башланыр. Ҙур эштәр эшләнгән кеүек, ҡалғандарын тормош үҙе хәл итер. Кесе йомала һәйбәт килем алыуығыҙ бик ихтимал. Шәмбеләге ығы-зығыға иғтибар итмәгеҙ.
Буға (21.04 – 21.05)
Төп эшегеҙҙә һиҙелерлек уңыштарға өлгәшеүегеҙ бик мөмкин. Яҡындарығыҙҙан һәр саҡ ярҙам булыр. Быға үҙегеҙҙе кешеләр араһында тота белеүегеҙ булышлыҡ итер. Кесе йомала өмөтлө осрашыу көтөлә.
Игеҙәктәр (22.05 – 21.06)
Ҡәҙимге аҙна. Шулай ҙа аҡса етмәүе ҡайһы ваҡыт эсегеҙҙе бошорор. Бурысҡа ла алырға тура килер, бәлки. Кесе йомала аралашыуҙа көсөргәнешлек һиҙелер. Үҙегеҙҙе мөмкин тиклем тыныс тоторға тырышығыҙ.
Ҡыҫала (22.06 – 23.07)
Йондоҙҙар үҙегеҙгә бер аҙ ял бирергә кәңәш итә. Өҫ-башығыҙҙы мөмкин тиклем яңыртығыҙ. Күңелегеҙгә ятҡан эштәр менән генә булышырға тырышығыҙ. Иңегеҙгә күпте алмағыҙ. Донъяның ыңғай яҡҡа үҙгәргәнен бик тиҙ күрерһегеҙ.
Арыҫлан (24.07 – 23.08)
Осорҙоң һәйбәт килеүе көтөлә. Осрап торған мәсьәләләр еңел сиселер, туҡтап торған эштәрегеҙҙе лә урынынан ҡуҙғатып ебәрерһегеҙ. Был арала һатып алған әйберҙәр ҙә мотлаҡ бәрәкәтле буласаҡ. Иң өмөтлө көндәрегеҙ – шаршамбы һәм шәмбе.
Ҡыҙ (24.08 – 23.09)
Әлегә хәл ителмәгән мәсьәләләр бер аҙ борсоп торор. Шаршамбыла һеҙгә ниндәйҙер һынау аша үтергә тура килер. Үҙегеҙҙе тыныс һәм ышаныслы тотһағыҙ, барыһы ла һәйбәт үтер.
Үлсәү (24.09 – 23.10)
Был арала ҡайһы бер ваҡиғаларға һәм кешеләргә ҡарашығыҙ үҙгәрер. Артабан яҡындағыларға ҡарата талапсаныраҡ булығыҙ. Аҙна барышында мөһим эштәр менән шөғөлләнерһегеҙ. Аҙаҡтан бынан ҡәнәғәтлек тә кисерерһегеҙ.
Саян (24.10 – 22.11)
Һуңғы аралағы тырышлығығыҙ тейешле баһа алыр. Икенсе яҡтан, хаталарығыҙҙың ҡиммәткә төшөүе мөмкин. Шишәмбеләге ваҡ мәшәҡәттәргә иғтибар бирмәгеҙ, бер аҙҙан барыһы ла онотолор. Был арала элекке дуҫтарығыҙҙың береһе үҙе хаҡында иҫкә төшөрөр.
Уҡсы (23.11 – 21.12)
Аҙна барышында ҡайһы бер мөһим һорауҙарға яуап таба алырһығыҙ. Элегерәк тыуған ҡайһы бер уй-маҡсаттарығыҙҙы тормошҡа ашыра башларһығыҙ һымаҡ. Оло йәштәге яҡын туғанығыҙ биргән кәңәшкә мотлаҡ ҡолаҡ һалығыҙ.