RSS-подписка Вконтакте Вконтакте
» » Урал батыр рухы һаҡлай, яҡлай башҡортон

06.03.2015 Урал батыр рухы һаҡлай, яҡлай башҡортон

йәки Ҡайт, ҡотом, ҡорайт, ҡотом!

Айҙың һуңғы көндәрендә февралдең сағыуыраҡ йы­лытҡан ҡояшы Байым ауылына йәм, нур, яңырыу өҫтәп, ғәжәйеп бер мөғжизә бүләк итте: районыбыҙ хал­ҡы билдәле сәсәниә Роза­лиә Солтангәрәеваның хал­ҡына ташлаған оранын күтәреп алды – мәшһүр "Урал батыр" эпосына ар­нал­ған тамаша үткәреп, күңелен бөтәйтте. Бындай мәртәбәле эш райондан-районға күсеп, бөтә Башҡортоста­ны­быҙҙы урап сығырға тейеш. Ә беҙҙең районда “Урал батыр” эпосына, тимәк, быуаттар төпкөлөнән килгән халҡым аҡылына, дан йырлау байымдар өлөшөнә эләкте.

Байым ауыл клубында йыйыл­ған халыҡ мәртәбәле ҡунаҡтар­ҙы – сәсәниә Розалиә Солтангә­рәеваны, район хакимиәтенең мәғлүмәт һәм аналитика бүлеге мөдире Лениза Сәғәҙиеваны, сәсәниәбеҙ Хәнифә Әүбәки­рованы, район ағинәйҙәре етәксеһе Роза Таһированы йыр-моң, ҡымыҙ, сәксәк менән ҡаршы алды. Мәҙәниәт йорто фойеһында Байым ауыл китапханаһы ойошторған күргәҙмәләр ҙә мәғлүмәткә бай, зауыҡлы ине. Батырыбыҙ рухы был башланғысты яҡлап йөрөтәлер: бөтә нәмә лә юш ҡына килеп торҙо, көн уртаһы булыуға ҡарамаҫтан, зал да шығырым тулы ине. “Күбәләк биҙәктәре” фольклор ансамбле инәйҙәре эпосты яттан һөйләп, тамашаны башлап ебәрҙе. Уларҙы бер-бер артлы балалар баҡсаһы тәрбиәләнеүселәре, мәктәп уҡыусылары, ауыл халҡы алмаштырҙы. Бер аҙҙан сәхнәгә Урал батыр үҙе күтәрелде. Уны Байым ауыл мәҙәниәт йорто директоры Марс Сәитғәлин кәүҙәләндерҙе. Шундай ғорур бәһлеүән, ил азаматы, ер атаһының үҙе халыҡҡа мөрәжәғәт итеүе тамашаның бәҫен тағы ла юғарыраҡ күтәрҙе. Улдарына, тимәк, бер үк ваҡытта башҡорт халҡының бөтә уландарына, әйткән һүҙҙәре берәүҙе лә битараф ҡалдырманы. Артабан хужалар атты ҡунаҡтарға туғар­ҙы. Лениза Сәғәҙиева олуғ эшебеҙгә район етәкселегенең фатихаһын ет­кер­ҙе, ағинәйҙәр исеменән Роза Таһирова сығыш яһаны. Районыбыҙ сәсәниәһе Хәнифә апай Әүбәкирова эпос­ты һөйләүселәр араһында иң беренселәрҙән булыуы менән билдәле. Был юлы ул Һомайҙың һүҙҙәрен бәйән итеп ишеттер­ҙе. Розалиә Солтангәрәева сәх­нә түренә сығып баҫҡас, залда ултырыусы халыҡ бер аҙға тын ҡалды. Тамашасыларҙы тәбрик иткәндән һуң, ул бөйөк “Урал батыр”ҙан Аҡбуҙат монологын көйләп ишеттерҙе.

Сәсәниәбеҙ ташҡа баҫылған рухи хазиналарыбыҙ – китаптар бүләк итте. Байым ауыл мәҙәниәт йорто, ауыл китапханаһы, урта мәктәбе, сараны уҙғарырға ярҙам итеүсе ҡайһы бер айырым кешеләр ғалимә ҡулынан бүләк алыу бәхетенә иреште. Башҡорт халҡы борон-борондан бер ергә күмәкләп йыйыл­ғанда теләк теләү, ҡот ҡайтарыу кеүек йолаларын үтәмәйенсә таралышмаған. Был юлы ла ҡағиҙәнән ситкә тайпылманыҡ – ауыл мәҙәниәт һарайының көмбәҙҙәрен яңғыратып, ҡот ҡайтарыу йолаһын атҡарҙыҡ. Йәшә­һен халҡым, илебеҙ имен булһын, телебеҙ бөтмәһен, рухыбыҙ зәғифләнмәһен, тип теләктәр теләнек.

Мәрзиә ЮЛАМАНОВА.

Әбйәлил районы,
Байым ауылы.










Оҡшаш яңылыҡтар



Ҡыяр күп булһын тиһәң

17.03.2023 - Махсус биттәр Ҡыяр күп булһын тиһәң


Ҡарағатҡа иртә яҙҙан һыу һибегеҙ

17.03.2023 - Махсус биттәр Ҡарағатҡа иртә яҙҙан һыу һибегеҙ


Ағасығыҙ туңмағанмы?

17.03.2023 - Махсус биттәр Ағасығыҙ туңмағанмы?


Кибеттә нисек алдайҙар?

17.03.2023 - Махсус биттәр Кибеттә нисек алдайҙар?


Баҡсасыға –  ярҙамға

17.03.2023 - Махсус биттәр Баҡсасыға – ярҙамға


Күренештәр

17.03.2023 - Махсус биттәр Күренештәр


Кәбеҫтәне ҡара бөрсә  баҫһа, нимә эшләргә?

Ҡыяр ауырымаһын тиһәгеҙ…

17.03.2023 - Махсус биттәр Ҡыяр ауырымаһын тиһәгеҙ…


Ах, был ҡоротҡостар…

17.03.2023 - Махсус биттәр Ах, был ҡоротҡостар…


Витаминлы йәйғор – смузи

17.03.2023 - Махсус биттәр Витаминлы йәйғор – смузи


Сейәнең емештәре  ниңә ҡойола?

17.03.2023 - Махсус биттәр Сейәнең емештәре ниңә ҡойола?


Йәйҙең тәме – банкаларҙа

17.03.2023 - Махсус биттәр Йәйҙең тәме – банкаларҙа


Телеңде йоторлоҡ!

17.03.2023 - Махсус биттәр Телеңде йоторлоҡ!


Ҡарбузды ла белеп ашайыҡ

17.03.2023 - Махсус биттәр Ҡарбузды ла белеп ашайыҡ


Телеңде йоторлоҡ! Йәшелсәнән ашамлыҡтар

Ҡул сәғәте оҙаҡ йөрөһөн тиһәгеҙ…

17.03.2023 - Махсус биттәр Ҡул сәғәте оҙаҡ йөрөһөн тиһәгеҙ…


Телеңде йоторлоҡ! Тултырылған сөгөлдөр һәм чипсы

Алма ҡағы

17.03.2023 - Махсус биттәр Алма ҡағы


Ниндәй автомат кер йыуыу машинаһы алырға?

Хужабикәгә кәңәш: бәшмәк ризыҡтары

"Йондоҙло табын" - Светлана НАСИРОВА-СӨЛӘЙМӘНОВА

Телеңде йоторлоҡ! Борщ. Баклажанлы салат.

Йондоҙнамә (14-20 октябрь)

14.10.2019 - Махсус биттәр Йондоҙнамә (14-20 октябрь)


«Милкең һатылмаһын тиһәң, бурыстарыңдан ваҡытында ҡотол»