09.04.2011 «Дуҫтар китабы»
З. Биишева исемендәге «Китап» нәшриәте күрше төбәктәр – Татарстан, Сыуашстан һәм Мари Иле Республикалары менән китап продукцияһы өлкәһендә үҙ-ара алмашыу тураһында килешеү төҙөнө.
Ошо көндәрҙә Башҡортостан «Башҡорт китаптары йорто» нәшриәте магазинында ошо республикаларҙың китап кәштәләре асылды. Күрше төбәктәрҙә сығарылған китаптар араһында Татарстандың күренекле рәссамы Евгений Канаевтың «Непридуманные истории» фотоальбомы айырым урынды биләй. Э. Колчеваның «Детская энциклопедия», «Реки Вселенной» китаптары, «Блюда чувашской кухни», мари һәм сыуаш халыҡ әкиәттәре, рус-мари һүҙлеге, балалар китаптары һәм нәфис әҙәбиәт, этник тарих һәм традицион мәҙәниәт буйынса китаптар һәр кешегә оҡшаясаҡ.
Китаптар менән алмашыу һөҙөмтәһендә күрше республикалар башҡорт әҙәбиәте менән дә таныша аласаҡ.