«Йәшлек» гәзите » Әҙәбиәт » Үәт, ҡыҙыҡ! (18.08.2017)



21.08.2017 Үәт, ҡыҙыҡ! (18.08.2017)

Үәт, ҡыҙыҡ! (18.08.2017)
Ейәне өләсәһенән ҡыҙыҡ­һына:
– Өләсәй, ниңә “Класташтар”­ҙан сығып киттең ул?
– Эй, класташтар ҡалманы, кисә һуңғыһы гүр эйәһе булды.

* * *
– Әйт, ҡайҙа йөрөнөң?
– Эштә тотҡарланырға тура килде, ҡәҙерлем.
– Алдашма!
– Ярай, алдашмайынса яуап бирәм: эштә тотҡарланырға тура килде, аждаһа!

* * *
– Әйтегеҙсе, ҡаза күреүсе, ирегеҙ ҡултыҡ таяҡтарында ғына йөрөй бит, һеҙҙе нисек туҡмай алды һуң?
– Ул ваҡытта ул ҡултыҡ таяҡтарында түгел ине...
* * *
Ғаиләлә беренсе бала тыуһа, кейемдәрен һыуҙы ҡайнатып, кер һабыны менән генә йыуабыҙ, яҡшы итеп үтекләйбеҙ.
Ғаиләлә икенсе бала тыуһа, яҡшылап йыуабыҙ, ҡайһы саҡта үтекләп тә ебәрәбеҙ, иң мөһиме, бесәйҙең һауытынан ашап ҡуйма­һын.
Ғаиләлә өсөнсө бала тыуһа, бесәйҙең һауытындағыны ашаһа, быныһы инде бесәйҙең проблемаһы!

* * *
Буранбай менән Илһам олатаһы янына умарталыҡҡа килде. Бабай, үҙ алдына һөйләнеп: “Урман ситендәге умарталарыма айыу майы һөрт­кәндәр”, – тип көрһөндө. Ма­лай­ҙар: “Ниңә уны һөртәләр икән?” – тип аптырап торғанда бер бал ҡорто “безләп” килеп, Илһам­дың танауына ҡаҙауын ултыртты. Ауыртыуға түҙә алмаған малай: “Олатай, миңә лә айыу майы һөрт әле тиҙерәк, бәлки, улар беҙҙе саға алмай, шыуып төшөр”, – тип ҡысҡырҙы.

* * *
Бер ир балыҡ ҡармаҡлай. Эргәһенә икенсеһе килә лә һорай:
– Бөгөн һыу нисек, яҡшымы?
– Бик һәйбәт! – ти тегенеһе. – Балыҡтың хатта сыҡҡыһы ла килмәй!






Сайтҡa күcергәБаҫып cығарырға