07.02.2017 РӘШИТ НАЗАР Фекерҙәр һәм афоризмдар (3.02.2017)

Үлем юҡ, һәр ни
Мәңгелек, тимә.
Һыйһа ау эсенә,
Мәңгелек нимә?!
(“Ҡыр арып ял итә...”).

* * *
Үҫкән гөлдөң төҫө уңмай,
Дөрләп торған ялҡын туңмай.
(“Йәшә, көрәш. Һин бит йәшһең...”).

* * *
Үтелгән көндәргә ҡабат
Ҡайтыу ул – мөмкин түгел!
(“Мөмкин түгел”).

* * *
Хаким – хаким булып ҡала,
Ҡол һәр саҡ ҡол килеш үлә!..
(“Ғәйрәтле усаҡтың үлеме”).

* * *
Хаҡ һүҙ әйтһәң, бышылдау ҙа
Был донъяға ишетелә.
(“Дуҫым! Бушҡа тамаҡ ярма...”).

* * *
Хаҡлыҡ үлгән ерҙә – тормош үлә,
Тормош үлгән ерҙә Ваҡыт үлә...
(“Күпме генә елкенһә лә Ваҡыт...”).

* * *
Хаҡлыҡ хатта, хаҡлыҡ үҙе лә бит
Ялған хөкөмдәрҙән азат түгел.
(“Мин маҡтансыҡ түгел. Юлдарыма...”).

* * *
Халҡым менән тип һин, йөрәгем!
(“Йөҙөнә бәр”).

* * *
Хеҙмәт менән үҫһә генә кеше
Еңел атлай тормош юлында,
Һәм шул юлда ҡылған барлыҡ эше
Мисәтләнеп ҡала ҡулында.
(“Ҡулдар”).

* * *
Хистән фекер түгел, тыуа фекерҙән
хис, –
Сөнки, дуҫым, хис гел иҫке, фекер
– яңы.
(“Шағир”).

* * *
Хистәреңде юйып ташлар өсөн
Әллә күңел ҡара таҡтамы?
(“Онотор ҙа инем кеүек, дуҫтар...”).

* * *
Хыял, тормош – тигеҙ хоҡуҡлы.
(“Кисерегеҙ, таң хаҡында ине...”).

* * *
Һайға тарып туҡтай икән бер мәл
кәмә,
Йәш түккәнгә, диңгеҙ һыуы артыр,
тимә.
(“Һайға тарып туҡтай икән бер мәл кәмә...”)

* * *
Һалдат йәшәй ҡайыш эсендә,
Донъя иркен шуның өсөн дә!
(“Ике юллыҡтар”).

* * *
Һалдат ҡына ерҙә үлемһеҙ!
(“Һалдат бәхете”).

* * *
Һалдат – һалдат булмаҫ ине,
Йәшәһә еңел генә.
(“Төймә”).