09.05.2014 Йәмле йәйҙә йәйләүҙә

Йылы йәмле йәйҙә Йомабай, Йәмил, Йәдкәр, Йәүҙәт, йылға йырып йөрөгәндә, йәлт, йәйен йылтырап йылтланы. Йәмил йылымды йәйеп, йәтешләне.
Йыландай йылғыр йәйен йор йырғанаҡҡа йәшенде. Йомабай, Йәүҙәт йәйенде йылымға йүнәлтте. Йәйен йылымды йыртып йылтланғайны, Йәдкәрҙең йәтмәһенә йәнселеп, йәрәхәтләнде.
Йәштәр йәйенде йәлпелдәтеп, йөрәкһеп, йәйләүгә йүгер­ҙе. Йүгәнһеҙ йөрөгән йәш йылҡылар йәйенде йәлпелдәтеп йүгергән йәштәргә йызрай­ҙы.
Йәйләүҙе йәмләп, Йән­ғәленең йәштән йәрәшкән йәре Йәзилә, йырсы Йәнбәков йырлаған «Йәнбикә»не йырлай-йырлай, йәйенде йыйынға йәһәтләне. Йыраҡта йәшен йәшнәп йәнде йүнкетте, йәйғор йылы йылмайҙы.
Йәмил, Йомабай, йәйен йырт­ҡан йылымды йәһәтләп йүнәткәс, йәйен йәпләргә йәнә йылғаға йыйынды.
Йырында йәшәгән йолҡош йомран, йәштәрҙең йылғаға йәнә йүнәлеүҙәрен йөпләмәй, йыраҡтағы йүкәлектә йәшәгән йәнлектәргә йәүкәләргә йән-фарман йүгерҙе.
Йәнлектәр йәһәт кенә йыйылышып, йәйенгә йөрөгән йәштәрҙе йылғала йәшәгән йөҙйәшәр йыланға йәмғеһе йәнлектәр йөҙөнән йәүкәләүҙе йүгерек йомранға йөкмәтте.
Йонсоған йомран йылы йортонда йәйрәп йоҡларға йыйын­ғанда, йылғыр йәтсә йомранға йөҙйәшәр йыланға йомошто йәүкәләүҙе йәһәтләтеү йөҙөнән йәнлектәрҙән йомошсолоғон йөпләне.
Йүкәлектәге йәнлектәр йоҡ­лар­ға йыйынғанда, йонсоу, йол­ҡош йомран йомошто йомош­лар­ға йылғалағы йөҙйәшәр йы­ланға йүнәлде.

Ш. ИҘРИСОВ.
Ейәнсура районы,
Иҫәнғол ауылы.