30.04.2013 Үәт, ҡыҙыҡ!

– Бер килограмм һөт бирегеҙ әле.
– Беҙ һөттө килолап һатмайбыҙ.
– Улайһа, ярты метр бирегеҙ.

* * *
– Кисә, аҫтағы күршеләремде һыуға батырҙым, – тип маҡтанып һөйләй бер егет хеҙмәттәштәренә. – Төнө буйы эй аҡырыштылар, эй талаштылар…. айырылышырҙар, моғайын.

* * *
Бер ханым кибеткә килеп инә лә һатыусыға:
– Улымды бер кило ҡара емеш алырға ебәргәйнем. Ҡайтҡас, үлсәп ҡараһам, 700 грамм ғына булды. Ниңә улай алдашаһығыҙ? – ти. Һатыусы, иҫе лә китмәй:
– Һеҙ, бәлки, емеште генә үлсәгәнһегеҙҙер, улығыҙҙы ла үлсәп ҡарарға ине, – тигән.

* * *
– Инсаф, яңы етәксе тураһында нимә әйтә алаһың?
– Йомро кругозорлы кеше.
– Дөрөҫ самалайһың. Мин дә уны күреү менән тупҡа оҡшаттым.

* * *
Ҡараңғы төндә ғазраил бер ирҙе уята ла:
– Мин һинең йәнеңде алырға килдем, – ти. Ир йоҡо аралаш ҡатынына:
– Йәнем, ана, һине алырға килгәндәр.

* * *
Бер енәйәтсе – икенсеһенә:
– Хөкөм ҡарарын уҡығанда ни өсөн баҫып тораһың?
– Ҡарар уҡылғандан һуң бик оҙаҡ ултырырға тура килгәнгә.

* * *
– Шундай бәләкәй генә баланы ни өсөн шул тиклем бейек карауат­ҡа ятҡыраһығыҙ?
– Йоҡлап китһәк, йығылып төшкәне яҡшыраҡ ишетелһен өсөн.

* * *
Рәсәй олигархтары һәм чиновниктары балаларын Кипр менән ҡурҡыта.

* * *
Дүшәмбенән алып йомаға тиклем балаларҙы иртән бик иртә уятҡан өсөн шәмбе һәм йәкшәмбе көндәрендә улар беҙҙән үс ала.

* * *
Мин шуны бер нисек тә аңламайым: ни өсөн хәҙер бөтәһе лә юғары белем алырға теләй икән? Бына, мәҫәлән, беҙҙең офиста 25 кеше эшләй, шуларҙың тик икәүһе – йыйыштырыусы һәм курьер егет кенә юғары белемгә эйә.