16.04.2013 Стәрлетамаҡ театрында яңы етәксе
БР Мәҙәниәт министрлығының матбуғат хеҙмәтенән хәбәр итеүҙәренсә, Стәрлетамаҡ башҡорт дәүләт драма театры директоры итеп Ринат Ишмуллин тәғәйенләнгән.
Ринат Ишмуллин 1964 йылда Башҡортостандың Баймаҡ районының Фәйзулла ауылында тыуған. Юғары белемле - Башҡорт дәүләт университетын, Рәсәй театр сәнғәте академияһын тамамлаған. Хеҙмәт кенәгәһендә физкультура һәм хеҙмәт уҡытыусыһы, комсомол комитеты секретары, музей мөдире, йәштәр эштәре буйынса бүлек мөдире, мәҙәниәт йорто директоры булып эшләүе тураһында яҙмалар бар. Ринат Ишмуллин Сибай дәүләт филармонияһын, Мостай Кәрим исемендәге Милли йәштәр театрын да етәкләгән. Былтыр уға «Башҡортостан Республикаһының атҡаҙанған мәҙәниәт хеҙмәткәре» исеме бирелгән.