22.01.2013 «Далан»дарҙы ҡар-бурандар ҙа өркөтмәй
Былтыр Артур Туҡтағолов, Миңзифа Исҡужина «Далан» төркөмө менән Магнитогорск ҡалаһының опера-балет театрында сығыш яһарға тейеш ине. Ләкин шул көндө ҡапыл көслө ҡар яуып, юлдар ҡапланды. Урал тауын аша сығыу ифрат ауырлыҡтар тыуҙырҙы. Билдәләнгән ваҡытҡа һатылған билеттар, ирекһеҙҙән, тамашасыларға кире ҡайтарылды. Шулай ҙа ҡайһы бер тамашасылар яратҡан артистарын көтөргә булды. Театр етәкселеге лә күренешкә ыңғай ҡараны. Концерт ике сәғәттән һуң, залда тик 60 тамашасы булыуына ҡарамаҫтан, башланды. Артистар, алыҫ һәм ауыр юлдан килһә лә, үҙҙәренең профессиональ оҫталығын күрһәтте, һағынылған йырҙары менән тыуған ерҙәренән ситтә йәшәгән кешеләрҙең күңелен күтәреп, йөрәктәренә юл таба белде. Дәртле халыҡ бейеүҙәре менән залда ултырған тамашасыларҙы бейетеп, йәшлек йылдарына ҡайтарҙы.
Магнитогорск тамашасылары исеменән «Далан» төркөмө артистарына ҙур рәхмәт белдерәбеҙ. Тамашасыларҙы ихтирам итеп, аҙ булыуҙарына ҡарамаҫтан, матур, йөкмәткеле сағыу концерт ҡуйыуҙарына сикһеҙ рәхмәтлебеҙ. Беҙгә улар һәр ваҡыт ҡәҙерле һәм көтөлгән ҡунаҡтар булып ҡалыр.
Х. Килсенбаева, А. Ильясова,
Ғ. Ғүмәрова, А. Мырҙағәлин.
Оҡшаш яңылыҡтар
15.08.2019 - Мәҙәниәт һәм сәнғәт Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”
20.04.2019 - Мәҙәниәт һәм сәнғәт Башҡортостандың атҡаҙанған артисы Лилиә РӘСҮЛЕВА: «Күңелем романтикаға тартыла»
