RSS-подписка Вконтакте Вконтакте
» » ВӘҒӘҘӘЛӘР ҮТӘЛЕРМЕ?

12.03.2011 ВӘҒӘҘӘЛӘР ҮТӘЛЕРМЕ?

йәки Халыҡтың фекере Башҡортостан юлдаш телевидениеһының абруйын күтәрергә булышлыҡ итһен
Халыҡтың һүҙе – хаҡлыҡтың күҙе. Нимә генә тимәйек, донъяла ниндәй генә ваҡиғалар бармаһын, сиктәрҙән ашҡан үҙгәрештәр эшләнмәһен, халыҡ уларға һис кенә лә битараф түгел. Яңы етәксе килеп, Башҡортостан юлдаш телевидениеһына яңылыҡтар индерә башлағас, телевизор ҡараусылыр уның яңы форматына ҡарата үҙҙәренең фекерҙәрен белдерергә ашыҡты. БР Президенты Рөстәм Хәмитов та телевидение хеҙмәткәрҙәре менән осрашыуында, республикалағы бер­ҙән-бер төп милли телеканалда башҡортса тапшырыуҙарҙың аҙайыуын билдәләп, етеш­һеҙлектәрҙе бөтөрөргә ҡушҡайны. «Йәшлек» гәзитендә лә БСТ-ны «утҡа тотҡан» бер нисә тәнҡит мәҡәләһе донъя күрҙе. Уның буйынса шаңдауҙар күп булды – гәзит уҡыу­сыларыбыҙҙан тиҫтәнән ашыу хат алдыҡ. Барыһының дәғүәләре бер үк тиерлек: тамашасылар башҡортса тапшырыуҙарҙың кәмеүенә, ҡыҙыҡлы милли программалар булмауына дәғүә белдерә. Шуныһы иғтибар­ға лайыҡ: БСТ-лағы үҙгәрештәргә ситтә йәшәүсе милләттәштәребеҙ ҙә битараф ҡала алмаған. Мәскәү ҡалаһында йәшәүсе бер төркөм башҡорт зыялыһы: «Милләт­тәштәре­беҙҙең тормош-көнкүреше, уй-кисерештәре, мәҙәниәт, сәнғәт яңылыҡтары тураһында ишетеп-уҡып ҡына түгел, телевизорҙан да ҡарап күрә инек, хәҙер ундағы яңылыҡтар хайран ҡалдыра. Юғары кимәлдәге төплө тапшырыуҙар, башҡорт халҡын, уның телен, әҙәбиәтен, мәҙәниәтен яҡшы белгән, ярайһы уҡ тормош тәжрибәһе туплаған журналистарҙың эшен күрге килә», – тип яҙа.
Әбйәлил районының Яңы Балапан ауылынан бер төркөм пенсионер арҙаҡлы шәхестәр менән осраштырған, ябай ауыл халҡының да тормошо сағылыш тапҡан элекке БСТ-ны һағыныуы хаҡында яҙған. Буранғол ауылынан 19 кешенең имзаһы менән килгән хатта: «Нимә булды телевидениеға?» – тигән һорау ҡуйылған. Ташбулат ауылынан М. Нурғәлина: «Башҡор­тостан юлдаш телевидениеһы үҙ билдәләнешен онотмаһын, башҡортса телеканал булып ҡалһын», – тигән теләктәрен еткергән. Мәхмүт ауылынан Гөлсинә Ишмөхәмәтова ла, ябай халыҡ фекеренән сығып, эфирға сыҡҡан тапшырыу­ҙарға ҡарата үҙенең фекерҙәрен яҙып ебәргән. Әүҙемлегегеҙ, битараф булмауығыҙ өсөн рәхмәт һеҙгә, әбйәлилдәр!
Бөрйән районынан бер тамашасы (ҡыҙғанысҡа ҡаршы, хат аноним) күберәк башҡортса концерттар күрһәтеүҙе, «ҡурай» каналын кире тергеҙеүҙе һорай. Беҙҙең әүҙем авторыбыҙ, журналистика ветераны, Башҡор­тостандың атҡаҙанған мәҙәниәт хеҙмәткәре Ризван Хажиевтың да тәнҡите бик урынлы.
Хөрмәтле гәзит уҡыусыларыбыҙ, һеҙҙең барығыҙҙың да хаттары «Башҡортостан» телерадиокомпанияһы етәкселегенә ебәрелде. Телевидение етәкселәре үтенестәрегеҙгә ҡолаҡ һалыр, тип ышанабыҙ. Әле күптән түгел Бөтә донъя башҡорттары ҡоролтайы башҡарма комитеты ағзалары «түңәрәк өҫтәл» ойоштороп, унда телевидениеның генераль директоры Гүзәл Ибраһимованы саҡырып, яңыртылған каналдың халыҡтың ышанысын аҡламауына, башҡортса эфир­ҙың ҡыҫҡартылыуына һәм милли рухтағы тапшырыуҙарҙың кәмеүенә бәйле ризаһыҙлыҡ белдерҙе. Ул Башҡортостан зыялыларының фекер­ҙәрен иҫәпкә алыр, үҙенең вәғәҙәһендә торор, тип ышанабыҙ. Халыҡ һорағанда, беҙҙә генә түгел, сит өлкәләрҙә лә үҙ тамашасыларын тапҡан республикалағы берҙән-бер милли телеканалға ышаныс­ты аҡларға кәрәктер.

З. ЙӘҺҮҘИНА.










Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы