RSS-подписка Вконтакте Вконтакте
» » Егеттәрсә бәхәс, «эйе» лә «юҡ» тимәҫкә, «Сертауыш» һәм башҡаһы

19.09.2018 Егеттәрсә бәхәс, «эйе» лә «юҡ» тимәҫкә, «Сертауыш» һәм башҡаһы

Егеттәрсә  бәхәс, «эйе» лә «юҡ» тимәҫкә, «Сертауыш» һәм башҡаһы
Һәр миҙгелдең үҙ йыры булған кеүек, йырлы радио ла миҙгелдәр менән йәшәй. «Юлдаш»тың эфиры тулҡын булып бер өҙлөкһөҙ ағыла, шуға күрә ундағы үҙгәрештәр ҙә күҙгә, ә дөрөҫөрәге, ҡолаҡҡа артыҡ салынып бармай. Шулай ҙа, сентябрь башынан «Юлдаш» яңыса эшләй, шул иҫәптән иртәнге уятҡыс тапшырыуҙа. Алып барыусылар сафтары үҙгәрешһеҙ ҡалды, халыҡты шул уҡ Филүс, Йәмил һәм Ғәзиз уята. Яңылыҡтар иһә башлыса уйындарға һәм тапшырыу барышындағы сәхифәләргә ҡағыла. Мәҫәлән, шишәмбе көнө егеттәр «Әйтмә һүҙ» уйынында тыңлаусыларҙы иғтибар көсөн һынап ҡарарға саҡыра. Уның шарттары ябай кеүек: ни бары алып барыусылар менән бер минут аралашып, «эйе», «юҡ», «аҡ» һәм «ҡара» тигән һүҙҙәрҙе әйтмәҫкә, ымлыҡтарҙы ысҡындырмаҫҡа. Ысынында иһә, тәжрибә күрһәтеүенсә, был бер минутлыҡ әңгәмәнең аҙағына күптәр етә алмай.

Көндәлек уйындарҙан башҡа, «Иртәнсәккәй тороп» тапшырыуының командаһы тыңлаусылар өсөн дауамлы уйын да әҙерләне. Уның исеме – «Сертауыш» һәм ул есеменә тап килә. Егеттәр эфирҙа һәм интернетта билдәһеҙ тауышты тыңлап ҡарарға ла, уның сығанағын билдәләргә тәҡдим итә. «Юлдаш»тың «Бәй­ләнештә» социаль селтәрҙәге төркөмөндә дөрөҫ һәм теүәл яуап еткергән тыңлаусы бүләк ала.
Ҡомарлы уйындар яҡшыға килтермәй, әммә пари – ысын ир-егеттәр уйыны. «Иртәнсәккәй тороп» егеттәре лә көн һайын үҙенсә бәхәс ҡора. Ул бәхәс башланған көндөң теге йәки был ваҡиғаһына, көтөлгән күренешенә ҡағыла. Әгәр алып барыусы фаразында яңылыша икән, мәрәй ала. Аҙна дауамында иң күп мәрәй йыйған алып барыусы тыңлаусылар еткергән наказды башҡара. Тәүге аҙнала, мәҫәлән, яза Ғәзизгә эләкте. Уға чили боросон ашарға тура килде. Әйткәндәй, «Әгәр ҙә мәгәр» тип аталған был сәхифәнең видеояҙмаларын шулай уҡ «Юлдаш»тың рәсми төркөмөндә табырға мөмкин.
... Көҙҙө күптәр төшөнкөлөк һәм бушлыҡ миҙгеле тип белһә лә, «Юлдаш» радиоһында ул яҙға тиң. Сөнки тыңлаусыларҙы йырҙарҙың да, тапшырыуҙарҙың да яңырыуы көтә. Эфирҙағы ваҡытыбыҙ ғына үҙгәрешһеҙ ҡала: өс егет һәр иртә етенән унға тиклем яҡшы кәйефтә уята, күңелле әңгәмәләр, уйын-көлкө менән көндө ыңғайға көйләй!
«Юлдаш»тың интернеттағы адресы http://www.yuldashfm.ru/, тура эфир телефоны 285-77-85. Көнөгөҙҙө «Юлдаш» менән башлағыҙ!










Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы