25.01.2013 Сочи – 2014-кә билет – мең һумдан 40 мең һумғаса
“Известия” гәзитенә алда беҙҙе көтәсәк ғәләмәт ҙур сара – Сочиҙа 2014 йылда үтәсәк Олимпиадаға билеттар хаҡы тураһында мәғлүмәт килеп эләккән.
Иң ҡиммәт билет 40 мең һумға торош итә. Уны ир-егеттәр араһында хоккей буйынса “алтын”ға уйнағандарын ҡарауға инер өсөн тәҡдим итмәкселәр. Бик шәп урындыр инде ул. Ғөмүмән, ул матчҡа билеттың иң арзаны ете мең һум буласаҡ, имеш. Бронза миҙалға дәғүәселәр уйынына билетты 4 – 23 мең һум итерҙәр, моғайын. ҡыйбат ярыштар рәтенә фигуралы шыуыу ҙа инә, уға билеттар − 1,5 – 23 мең һум. Арзан билеттарҙы сана, бобслей, саңғы буйынса ике алышты ҡарауға алырға мөмкин. Иң арзан билет – мең һумлыҡ.
Рәсәй уйындарының теүәл генә билет хаҡы февраль башында иғлан ителәсәк.
“Рәсәй тауышы”
радиостанцияһы сайтынан
Айсын АҡБУЛАТОВА әҙерләне.