RSS-подписка facebook facebook Вконтакте Вконтакте
» » » Ҡаһармандар хәтерләүгә лайыҡ

15.05.2012 Ҡаһармандар хәтерләүгә лайыҡ

Бөйөк Еңеүҙең 67-се таңын Әбйәлил районының Буранғол ауылы айырыуса тантаналы төҫ менән ҡаршы алды. Ауылға иртә менән төрлө тарафтарҙан машиналар ағылды, клуб янына байрамса кейенгән-яһанған халыҡ йыйылды. Уларҙың барыһын да ошо ауыл кейәүе, Асҡар үҙәк район дауаханаһы табип-хирургы Ренат Мәһәҙиев йыйҙы тиһәк тә, хата булмаҫ. Уның табиплығының бер ҡыҫылышы ла юҡ, әлбиттә. Ренат Таңатар улы – мауығыуы буйынса тыуған яҡ тарихын өйрәнеүсе. Ул һуңғы йылдарҙа шәжәрә байрамдарын ойоштороу, яҡташтарыбыҙҙың исемдәрен мәңгеләштереү йәһәтенән әүҙем эшләй. Уның хатта, ҡәрҙәшлек тамырҙарын юллап, Зәки Вәлидиҙең ҡыҙы Иҫәнбикә Туған менән осрашыуын иҫкә алмайынса булмай.
Был юлы иһә Ренат Мәһәҙиев 112-се Башҡорт атлы дивизияһы яугиры Ғәбсәләм Сабит улы Сабитовтың ҡәберенә һәйкәл ҡуйыуҙы ойошторҙо. Шунлыҡтан Еңеү митингыһы, ғәҙәттәгесә, клубта түгел, ә ауыл зыяратында башланды.
Буранғол ауылынан Сабитовтар ғаиләһендә биш ир бала булып, шуларҙың дүртәүһе һуғышҡа китә. Ғаффан менән Дәрислам яу яланында ятып ҡала, Ғәбсәләм менән Ғәбделбаҡыйға тыуған яҡтарына әйләнеп ҡайтып, балалар үҫтерергә насип була. Ғәбсәләм Сабитов һуғышта хәрби командир­ҙарҙы атта ташыусы булып хеҙмәт итә. Ундайҙарҙы коновод тип йөрөтәләр. Дәү кәүҙәле яҡташыбыҙ үҙен оҫта снайпер итеп тә таныта, ҡул көрәшендә лә һынатмай. Ғәбсәләм Сабит улы, дошмандар­ҙы ҡыуып, Берлинға тиклем барып етә. Һуғыштан ҡайтҡас, ғүмер буйы урмансы булып эшләй һәм 73 йәшендә вафат булып ҡала.
„Башҡорт атлы дивизияһына Әбйәлилдән 110 кеше алынып, шуларҙың 95-е, шул иҫәптән Ғәбсәләм Сабитов үҙ аттары менән һуғышҡа китә. Яҡташтарыбыҙҙың икәүһе – Таһир Күсимов менән Ғәбдрәүеф Дәүләтов Советтар Союзы Геройы исеменә лайыҡ була. Рауил ауылынан Әхмәт Ғәлимов ҡыҙыл Байраҡ ордены, ҡаҙмаштан Шәкирйән Хәсәнов, Асҡарҙан Әшираф Мөхитдинов, Хәлилдән Ғәйфулла Сарбаев, Буранғолдан Ғаффан Сабитов, Салауаттан Мофаззал Кәримов, Һәйетҡолдан Ғәйфулла Ғәбитов ҡыҙыл Йондоҙ ордены менән бүләкләнә. Йәш быуынды патриотик рухта тәрбиәләү маҡсатында кавалерист-яҡташтарыбыҙҙың исемдәрен мәңгеләштереү йәһәтенән эш башланыҡ. Быға тиклем Исхаҡ ауылы урамдарының береһенә дивизия һалдаты Хажиәхмәт Ишмырҙиндың исеме ҡушылғайны. Хәҙер район үҙәгенең яңы урамдарының береһенә 112-се Башҡорт атлы дивизияһы исемен биреүҙе юллайбыҙ”, – тине Ренат Таңатар улы үҙенең сығышында.
ҡәбер һәйкәлен эшләтеүҙе район хәрби комиссариаты үҙ өҫтөнә алған. Уны асыу хоҡуғы Сабитовтарҙың данлы нәҫеленең исемен лайыҡлы дауам иткән Рауил һәм Сәлим Сабитовтарға бирелде. Ауыл муллаһы Рәфҡәт Ғәбитов яуҙан ҡайтып, ошонда мәңгелек төйәген тапҡан яугирҙар рухына аят бағышланы.
Зыяратта һәм һуңынан ауыл клубында үткән митингыла бөтә ауыл халҡы ҡатнашты. Үкенескә күрә, Буранғол ауыл советына ҡараған биш ауылдың береһендә лә һуғыш ветераны ҡалмаған. Шулай ҙа сарала һуғыш йылдарында тылда йәнен-тәнен аямай хеҙмәт иткән һәм Еңеүгә үҙ өлөшөн индергән тыл ветерандары сығыш яһаны.
Буранғолдағы яҡты, һағышлы байрам мәктәп уҡыусылары тарафынан әҙерләнгән әҙәби-музыкаль композиция менән тамамланды.
„Бер кем дә, бер нәмә лә онотолмаған” тигән һүҙҙәрҙе раҫлап, 67 йыл үтһә лә, һуғыш һалдаттарының исемдәрен мәңгеләштереү йәһәтенән төрлө эштәр башҡарылып тора. Ошоларҙы күргән йәш быуын, бөгөнгө матур тормош ниндәй ауырлыҡтар аша яуланыуын аңлап, атай-олатайҙар хәтеренә тоғро ҡалыр, йөҙ йыл үтһә лә, Еңеү көнө халыҡтың иң оло байрамы булып һаҡланыр, тигән өмөт белдерә барыһы ла.

Рәхимә МУСИНА.
Әбйәлил районы.







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Өҫтәлгән комментарийҙар




Оҡшаш яңылыҡтар



Олатай иҫтәлеге

22.06.2018 - Бөйөк Еңеүгә 71 йыл » Әҙәбиәт Олатай иҫтәлеге


Әсләм шишмәһе

26.05.2018 - Бөйөк Еңеүгә 71 йыл Әсләм шишмәһе


Ҡайҙа ғына бармай, ниҙәр күрмәй...

09.05.2018 - Бөйөк Еңеүгә 71 йыл Ҡайҙа ғына бармай, ниҙәр күрмәй...


«Үлемһеҙ полк»  саҡыра

03.05.2018 - Яңылыҡтар таҫмаһы » Бөйөк Еңеүгә 71 йыл «Үлемһеҙ полк» саҡыра


Исеме ташҡа уйып яҙылған

27.06.2016 - Бөйөк Еңеүгә 71 йыл Исеме ташҡа уйып яҙылған


Яҙмыштарында – ил  тарихы

20.05.2016 - Бөйөк Еңеүгә 71 йыл Яҙмыштарында – ил тарихы


“Хәтер –  мәңгелек”

13.05.2016 - Бөйөк Еңеүгә 71 йыл » Мәҙәниәт һәм сәнғәт “Хәтер – мәңгелек”


"Һуғыш балалары - тарих яралары"

12.05.2016 - Бөйөк Еңеүгә 71 йыл "Һуғыш балалары - тарих яралары"


Журналистар картуф ултыртты

12.05.2016 - Бөйөк Еңеүгә 71 йыл Журналистар картуф ултыртты


Иң бөйөк көндө көтә Йәнгир улы Рәис

10.05.2016 - Бөйөк Еңеүгә 71 йыл Иң бөйөк көндө көтә Йәнгир улы Рәис


Журналистар уларҙы онотмай

10.05.2016 - Бөйөк Еңеүгә 71 йыл Журналистар уларҙы онотмай


Һуңғы өмөтөгөҙ һүнмәһен!

10.05.2016 - Бөйөк Еңеүгә 71 йыл » Махсус биттәр Һуңғы өмөтөгөҙ һүнмәһен!


"Беҙ күрмәнек һуғышты, һәм бер ҡасан да күрмәҫбеҙ тип ышанабыҙ..."

Брянск өлкәһендә 1943 йылда һәләк булған башҡорт кавалеристары һәм саңғысылары исемдәре мәғлүм булды

«Миңлеғәле  Шайморатовҡа –  Герой исеме!»

06.02.2016 - Бөйөк Еңеүгә 71 йыл » Йәмғиәт «Миңлеғәле Шайморатовҡа – Герой исеме!»


Ҡарт яугирҙы әле лә  ил яҙмышы борсой

16.01.2016 - Бөйөк Еңеүгә 71 йыл Ҡарт яугирҙы әле лә ил яҙмышы борсой


Батыр үҙе үлһә лә,  исеме йәшәй

08.01.2016 - Бөйөк Еңеүгә 71 йыл Батыр үҙе үлһә лә, исеме йәшәй


Бәхетле Шаһиғәли

25.09.2015 - Бөйөк Еңеүгә 71 йыл Бәхетле Шаһиғәли


Күңелдең ике ҡанаты:  береһе йыр булһа, икенсеһе – бейеү

24.07.2015 - Бөйөк Еңеүгә 71 йыл » Махсус биттәр Күңелдең ике ҡанаты: береһе йыр булһа, икенсеһе – бейеү


Геройҙың батырлығы  онотолмай

19.06.2015 - Бөйөк Еңеүгә 71 йыл Геройҙың батырлығы онотолмай


Ул антифашист ине…

19.06.2015 - Бөйөк Еңеүгә 71 йыл Ул антифашист ине…


Нәҫел ағасының ете тармағын мәңгегә йотҡан һуғыш…

Быуаттарға балҡыр дан!

15.05.2015 - Бөйөк Еңеүгә 71 йыл Быуаттарға балҡыр дан!


«Беҙҙең мөхәббәтте һуғыш та, ауырлыҡтар ҙа еңә алманы»