05.07.2013 Беҙҙең өйҙөң йәме
Илфат БИКМӘТОВ, 3 йәш.
Баймаҡ ҡалаһынан. Ул бик иғтибарлы һәм итәғәтле, зирәк бала. Һәр кем менән матур итеп һаулыҡ һораша, апай-ағайҙарына көн дә шылтыратып, хәлдәрен белешә. Башҡортса, русса, инглизсә унға тиклем һанай белә, компьютерҙа бик оҫта эшләй. Ҡартатай-ҡартәсәйҙәренә ҡунаҡҡа йөрөргә ярата.
Кәмилә ҠОЛМӘНБӘТОВА, 4 йәш.
Сибай ҡалаһында йәшәй. Ул беренсе ярҙамсыбыҙ! Йыр-бейеүгә бик оҫта, сәскәләргә һыу һибергә ярата. “Маша һәм айыу” йәнһүрәтен яратып ҡарай. Ҙурайғас, әсәйем кеүек үк табип булам, ти. Ҙур шатлығыбыҙ ул Кәмилә!
Әҙилә ЗӨЛҠӘРНӘЕВА, 2 йәш.
Күгәрсен районының Хоҙайбирҙин ауылынан. Әҙиләбеҙ, бәләкәс кенә булыуына ҡарамаҫтан, һәләтле һәм аҡыллы бала. Өйҙәге бар эштәрҙе һә тигәнсе үҙенсә эшләп тә ҡуя. Алтыныбыҙ − өйөбөҙҙөң йәме һәм нуры! 
Айлина ҒҮМӘРОВА, 3 йәш тә 11 ай.
Ул Бөрйән районының Яңы Мөсәт ауылында йәшәй. Ҡыҙыбыҙ бәләкәй генә булһа ла, беҙҙең менән ярты Рәсәйҙе ураны: Өфө, Екатеринбург, Новосибирск, Сахалин, Хабаровск, Владивосток, Курил утрауҙарында булды, самолетта ла осто, кәмәлә лә йөҙҙө, поезда ла йөрөнө. Айлинаның һәр бер асышына ҡыуанабыҙ, мөхәббәт емешебеҙҙе ныҡ яратабыҙ!