23.04.2013 Гөлнара ФӘХРЕТДИНОВА: «Хыялдар маҡсатҡа илтә»

Һеҙ һүрәттә күргән ҡыҙ бөтмәҫ-төкәнмәҫ ер аҫты хазиналары, тәбиғәт байлыҡтары, эшсән халҡы, таланттары менән дан тотҡан төбәктән булыр. Баймаҡ ҡалаһынан Гөлнара Фәхретдинова быйыл 11-се класты тамамлай.
«Хыялым – алдынғы ҡарашлы һәм үткер ҡәләмле билдәле журналист булыу. Шуға ла ошо йүнәлеш буйынса төплө белем алыуҙы маҡсат итеп ҡуйғанмын. Киләсәктә өмөттәрем аҡланһын өсөн бар көсөмдө һаласаҡмын», – ти Гөлнара.
Һәр ваҡыт йөҙөнән йылмайыу китмәгән, мөләйем, алсаҡ, дәртле, йыр-бейеүгә маһир, уҡыуҙа ла, мәктәп тормошонда ла әүҙем был һылыу киләсәктә үҙ ниәтенә ирешер һәм иленә кәрәкле кеше булыр, тормошта үҙ урынын табыр, тип ышанғы килә.

С. КЕЙЕКБИРҘИНА.