RSS-подписка Вконтакте Вконтакте
» » » Рәшит Назаров исемендәге әҙәби бәйгегә рәхим итегеҙ!

01.06.2012 Рәшит Назаров исемендәге әҙәби бәйгегә рәхим итегеҙ!

«Йәшлек» гәзите йәштәрҙең талантын асыу һәм уларҙың ижади эштәрен халыҡҡа еткереү эшен эҙмә-эҙлекле һәм арымай-талмай башҡара. Рәшит Солтангәрәев исемендәге республика хикәйәләр конкурсы, Рәйес Түләк, Рәмил ҡол Дәүләт исемендәге республика әҙәби бәйгеләре быға асыҡ дәлил. Был конкурстарҙа ҡатнашҡан төплө ижадсылар ҙа, хис-тойғоларын түкмәй-сәсмәй аҡ ҡағыҙға төшөрөүселәр ҙә, яңы ҡәләмгә тотоноусылар ҙа – барыһы ла «Йәшлек»те дуҫы, серҙәше, фекерҙәше кеүек күрҙе һәм күрә. Һәм улар, ҡасан яңы бәйге асаһығыҙ, тип көн дә тиерлек хәлдәребеҙҙе белешеп тора.
Быйыл ҡыш Әбйәлилдә еңеүселәребеҙгә Рәмил ҡол Дәүләт исемендәге әҙәби премияларыбыҙҙы тапшырғанда, халыҡ шағиры, ил ағаһы Рауил Бикбай, «Йәшлек»тең, йәш таланттарҙы асып, уларға оло майҙан биреп, әҙәбиәткә ҙур өлөш индереүен һәм ҡабатланмаҫ талантлы шағир, яҙыусыларыбыҙ исемендәге премиялар булдырып, уларҙың исемен мәңгеләштереү йүнәлешендә лә эшебеҙҙе юғары баһалап, яңы тәҡдим индерҙе. Ул, бөйөк башҡорт шағиры, ҡыҫҡа ғына ижад ғүмерендә үлемһеҙ әҫәр­ҙәр яҙып өлгөргән, әҙәбиәт күгебеҙҙә яҡты йондоҙ-балҡыш булып мәңгелеккә ҡалған Рәшит Назаровтың да исемен мәңгеләштереүҙә, уның ижадына тағы ла иғтибар йүнәлтеүҙә лә оло эштәр башҡара алаһығыҙ, тигәйне.
Мөхәрририәт был тәҡдим буйынса фекер алышҡандан һуң 2012 – 2014 йылдарҙа «Йәшлек» Башҡортостан йәштәре гәзите, Башҡортостан Яҙыусылар союзы һәм Ауырғазы районы хакимиәте менән берлектә Рәшит Назаров исемендәге оло республика әҙәби конкурсы үткәрергә ҡарар итте.
Маҡсат бер – Рәшит Назаровтың исемен мәңгеләштереү һәм, әлбиттә, уның кеүек йәш сағыу таланттарҙы асыу, бөйөк шағир ижады һәм бөгөнгө тормошсан әҫәрҙәр аша башҡорт әҙәбиәтенә халыҡта һөйөү уятыу һәм тәрбиәләү.
Кемдәр ҡатнаша? 2012 йылдың июненән 2014 йылдың ноябренә тиклем гәзит битендә һәр ижадсының әҙәби әҫәр­ҙәре донъя күрәсәк. Башҡортостан Яҙыусылар союзы ағзалары ла, ағза булмағандар ҙа ҡатнашыу хоҡуғына эйә. Тик еңеүселәр айырым билдәләнәсәк.
Шарт. Бәйге ике әҙәби төрҙә барасаҡ: поэзияла һәм прозала. Хикәйәләр, шиғырҙар, нәҫерҙәр, новеллалар, поэмаларға һәм башҡа ҡыҫҡа жанр­ҙарға өҫтөнлөк биреләсәк. Темала ла сикләү юҡ. Бер генә сикләү – күләм. Тимәк, оҙон повесть, романдарға гәзит битендә урын табыуы ауыр буласаҡ. Ләкин лайыҡлы һәр әҫәр гәзиттең сайтына ҡуйыласаҡ. Башҡа баҫмаларҙа баҫыл­ған әҫәрҙәр премияға дәғүә итә алмай. Бер үк автор бер нисә жанрҙа әҫәрҙәрен тәҡдим итә ала.
Жюри. Абруйлы шағир-яҙыу­сылар, тәнҡитселәрҙән торған жюри: Рауил Бикбаев, Риф Мифтахов (поэзия), Әмир Әминев, Сабир Шәрипов (проза), Зәки Әлибаев, Рита Фәтҡуллина (тәнҡит) – Яҙыусылар союзы ағзалары һәм ағза булмағандар араһында ике әҙәби төрҙә өсәр урынды билдәләйәсәк, йәғни ун ике лауреат буласаҡ.
Бүләкләү. Премия 2014 йылдың ноябрендә, йәғни шағир­ҙың 70 йыллыҡ юбилейын билдәләгән көндәрҙә тантаналы тапшырыласаҡ. Еңеүселәргә төп бүләк – ноутбук.
Һүҙ аҙағында Рәшит Назаровтың бер нәҫерен тәҡдим итәйек:
«Донъяға кеше булып тыуған һәр кем үҙ иңендә ниндәйҙер йөк күтәреп барырға тейеш. Тормоштоң мәңгелек законы шундай. Берәүҙәр кемдәрҙеңдер бәхетен, шатлығын алып бара. Һис юғында ауырлығынан бил һығылып ҡуйырҙай өмөтөн йөкмәгән була кеше. Ләкин бер нәмә лә күтәреп барырға теләмәгәндәр ҙә бар ҙа баһа. Уларға тормош ҡағылмаймы әллә? Юҡ, юҡ! Уларҙың да иңендә йөк бар. Эйе, эйе... Үҙҙәренең ҡәбер ташын күтәреп бара улар».
Ә беҙ талант ҡәҙере, лайыҡлы киләсәк тигән татлы йөк күтәреп барырға булдыҡ. Бәйге башланды, рәхим итегеҙ!

Мөхәрририәт.










Оҡшаш яңылыҡтар



Бүләк тапшырылды. Ә конкурс дауам итә

03.06.2016 - Конкурстар » Йәмғиәт Бүләк тапшырылды. Ә конкурс дауам итә


Финат ЗАМАНОВТЫ оло еңеүе менән ҡотлайбыҙ!

30.05.2016 - Конкурстар » Йәмғиәт Финат ЗАМАНОВТЫ оло еңеүе менән ҡотлайбыҙ!


Тотоп һөйөрлөк кенә!

30.05.2016 - Конкурстар » "Ҡәйнәм-ҡайным - алтын ҡаҙнам" Тотоп һөйөрлөк кенә!


Дыуан ҡыҙы Айһылыу Шәрипованы оло еңеүе менән  ҡотлайбыҙ!

Тарихымды онотмам, тамырымды ҡоротмам

26.05.2016 - Конкурстар » Йәмғиәт Тарихымды онотмам, тамырымды ҡоротмам


Ололарҙы ололайыҡ,  кеселәрҙе кеселәйек!

26.05.2016 - Конкурстар » Йәмғиәт Ололарҙы ололайыҡ, кеселәрҙе кеселәйек!


Башҡорт киноһы үҫешһен

26.05.2016 - Конкурстар » Йәмғиәт Башҡорт киноһы үҫешһен


Телебеҙҙән оялмайыҡ!

26.05.2016 - Конкурстар » Йәмғиәт Телебеҙҙән оялмайыҡ!


“Ерҙә кеше йәшәй икән, теле лә йәшәй…”

26.05.2016 - Конкурстар » Йәмғиәт “Ерҙә кеше йәшәй икән, теле лә йәшәй…”


Мин сәләмәт тормош яҡлы!

26.05.2016 - Конкурстар » Йәмғиәт Мин сәләмәт тормош яҡлы!


Әгәр ҙә Салауат Юлаев тере булһа...

26.05.2016 - Конкурстар » Йәмғиәт Әгәр ҙә Салауат Юлаев тере булһа...


Үҙебеҙ һайлаған юл

26.05.2016 - Конкурстар » Йәмғиәт Үҙебеҙ һайлаған юл


Гәзитебеҙҙең 20-се һанында сыҡҡан балалар һәм уларҙың дуҫтары

23.05.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 20-се һанында сыҡҡан балалар һәм уларҙың дуҫтары


Тамырҙарымда башҡорт ҡаны аҡҡаны менән ғорурланам

Улар алдында баш эйәбеҙ

13.05.2016 - Конкурстар » Йәмғиәт Улар алдында баш эйәбеҙ


Гәзитебеҙҙең 19-се һанында сыҡҡан балалар һәм уларҙың дуҫтары

13.05.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 19-се һанында сыҡҡан балалар һәм уларҙың дуҫтары


Мин – россиянмын!

10.05.2016 - Конкурстар » Йәмғиәт Мин – россиянмын!


Гәзитебеҙҙең 17-се һанында сыҡҡан балалар һәм уларҙың дуҫтары

29.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 17-се һанында сыҡҡан балалар һәм уларҙың дуҫтары


Гәзитебеҙҙең 16-се һанында сыҡҡан балалар һәм уларҙың дуҫтары

25.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 16-се һанында сыҡҡан балалар һәм уларҙың дуҫтары


Гөлнур Зиннәтова - еңеүсе!

19.04.2016 - Конкурстар » Йәшлек гүзәле Гөлнур Зиннәтова - еңеүсе!


Гәзитебеҙҙең 15-се һанында сыҡҡан балалар һәм уларҙың дуҫтары

15.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 15-се һанында сыҡҡан балалар һәм уларҙың дуҫтары


Кешеләрҙең тәнен генә түгел, күңелен дә дауалаясаҡ ҡыҙ

Гәзитебеҙҙең 14-се һанында сыҡҡан балалар һәм уларҙың дуҫтары

08.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 14-се һанында сыҡҡан балалар һәм уларҙың дуҫтары


Һылыу ҙа, һәләтле лә беҙҙең башҡорт ҡыҙҙары!