RSS-подписка facebook facebook Вконтакте Вконтакте
» » » «Бөтәһе лә һинең ҡулда»

19.04.2011 «Бөтәһе лә һинең ҡулда»

«Бөтәһе лә һинең ҡулда»Беҙ ауырыуҙарҙы бары тик дарыу­ҙар менән генә дауаларға күнеккәнбеҙ. Баш ауыртһа ла, аяҡтар һыҙлаһа ла, бил өҙөлһә лә, әлеге шул дарыу­ҙарға йәбешәбеҙ. Ауыртыуҙы баҫмай түгел, баҫа улар. Шул тиклем химик матдәләр ҡушып яһалғас, баҫмай ҡайҙа барһын. Тик аннотацияһындағы өҫтәмә йоғонтолар (побочные эффекты) тигән графаһына күҙ һалыуы ғына ҡурҡыныс. Бер ауырыуҙы дауалайым тип, йөҙ яңыһына юлығып ҡуймағайың.
«Нимәгә дарыуҙарҙы хурлап ултыра әле, әйтерһең, һауығыуҙың бүтән юлы бар?» – тиерһегеҙ. Бар. Һәм шул юлдарҙың береһе – массаж. Ә уның ниндәйе генә юҡ. Беҙ массажды арҡа, бил ауыртҡанда ғына ярҙам итә алған сара тип ҡарарға күнеккәнбеҙ. Баҡтиһәң, уның ярҙамында тире ауырыуҙарын, йөрәк сирҙәрен, тын алыу, нервы, эндокрин системалары ауырыуҙарын, енси ауырыуҙарҙы ла дауалап була икән. Әлбиттә, эшкә профессионалдар тотонһа ғына.
Ошо көндәрҙә республиканың массаж буйынса ысын белгестәрен асыҡлау өсөн студенттар араһында «Бөтәһе лә һинең ҡулда» тип аталған массаж конкурсы ойошторолдо. Ул быйыл өсөнсө тапҡыр үткәрелә. Тап ошонда йыйыла ла инде буласаҡ профессионалдар. Респуб­ликаның төрлө мөйөштәрендә уҡып йөрөүсе студенттар, шул иҫәптән медицина дәрестәре уҡытылған махсус мәктәп уҡыусылары ла бында үҙ көсөн һынап ҡарай ала. Әммә мәртәбәле республика конкурсына эләгеү өсөн тәүге тур һынауҙарын лайыҡлы үтеү мотлаҡ. Ә беренсе этап – бәйгеселәр­ҙең теоретик белемдәрен баһалау һәм классик массажды яһай белеүҙәрен күрһәтеү. Финалға 30 ҡатнашыу­сы үтте. Әгәр финал шул тиклем күп кешене йыя икән, тимәк, был кон­курс­тың, шул иҫәптән массаж сәнғәтенең үҫә барыуы тураһында һөйләй. Сәнғәт, тип әйтеүем юҡҡа түгел. Сөнки был эш, ысынлап та, ижади ҡараш талап итә. Һәр кеше менән айырым эшләй белергә, ниндәйҙер методикаға таянырға, ниндәй массаж төрөнөң пациентҡа нығыраҡ тура килеүен тойоп, һәр бер кешегә үҙенә күрә айырым программа төҙөргә кәрәк.
Конкурсты БР Массаж яһаусылар ассоциацияһы ойошторҙо. Был ойошма, бер нисә йыл элек кенә үҙ эшен башлауға ҡарамаҫтан, сәләмәт тормошто пропагандалау, массажға ҡыҙыҡһыныу уятыу һәм уны үҫтереү буйынса күп эш башҡарған. Өсөнсө тапҡыр республика конкурсы үткәреүҙәре лә күп нәмә тураһында һөйләй. Әйткәндәй, ассоциация етәкселәренең үҙ эштәрендә шәп белгестәр икәне күренеп тора. Конкурс барған мәлдә ассоциация президенты Әнүәр Хантимеров һәр конкурсанттың эшенә баһа биреп, тамашасыларға аңлатып, теге йә был массаж төрөнөң серҙәрен асып йөрөнө. Финал бер генә конкурстан тора ине. Унда һәр ҡатнашыусы үҙенең методикаһын күрһәтергә бурыслы. Бишәр кешенән торған алты төркөмгә бүленеп, конкурсанттар моделдәргә ун бишәр минут массаж яһаны. Оҫталыҡтарын нисек кенә күрһәтмәне улар – бал менән дә, май менән дә һыланылар, массаждың төрлө йүнәлештәрен дә күрһәттеләр. Берәүҙәр тырышып массаж яһаған, икенселәр тулҡынланып үҙ сиратын көткән мәлдә Бәләбәйҙән килгән конкурсанттар – Алмас Аҡтуғанов һәм Олеся Скирда менән әңгәмәләшеп алдым. Уларға, Бәләбәй медицина колледжының иң һәйбәт студенттары булараҡ, республика конкурсында ҡатнашып ҡарарға тәҡдим иткәндәр. 5-се курста уҡып йөрөүсе студенттар шатланып ризалашҡан. Ярайһы уҡ тәжрибәләре лә бар. Колледжда һуңғы курста программа буйынса массаж дәрестәре инә икән. Әммә дәрестә үтелгән менән генә хушһынмай, махсус курс­ҡа йөрөп тә өйрәнә улар массаж серҙәрен. Ә массаж бит йәнең теләгәнсә һылап-һыйпау ғына түгел, үҙенең методикалары бар. Ауырыуҙың һыҙланыуҙарын баҫыу өсөн ҡайһы нөктәләргә массаж эшләргә икәнен һәйбәт белергә кәрәк. Шулай уҡ бөтөнләй массаж ярамаған кешеләр ҙә була. Ярҙам итәм тип, зыян ҡылып ҡуйырға ла ярамай. Киләсәктә эштәрен массаж менән бәйләргә теләгән Олеся менән Алмас быны һәйбәт аңлай. Улар конкурсҡа мануаль терапия элементтары менән классик массаж программаһы әҙерләп алып килгәйне.
Медицина өлкәһендә хеҙмәт итеүсе, массаж эшен һәйбәт аңлаған баһалама ағзалары төрлө критерий­ҙарға таянып массаж яһаусыларға билдәләр ҡуйҙы. Залға йыйылған тамашасылар араһында төрлө санаторий етәкселәре лә бар ине. Шуға ла конкурста еңеп сығыу кем өсөндөр эшкә урынлашыу мөмкинлеген дә асты.
Шулай итеп, конкурс аҙағына ла яҡынлашты. Бөрө, Стәрлетамаҡ, Бәләбәй, Туймазы, Белорет, Өфө бәйгеселәре үҙҙәрен тик һәйбәт яҡтан ғына күрһәтте. Әммә еңеү­селәр­һеҙ ҙә булмай – еңеүсе исеме Тимур Вәлиевҡа эләкте. Икенсе урынды Айнур Закирйәнов менән Тимур Ғиләжев бүлеште. Өсөнсө урынды иһә Эльвина Бәширова менән Нәсим Хоҙайғолов алды. Уларға ҡиммәтле бүләктәр һәм дипломдар тапшырылды. Бәйге тамамланды, әммә конкурсанттарҙың еңеүҙәре алда әле, туҡтауһыҙ камиллыҡҡа ынтылып, үҙ өҫтәрендә эшләүҙә.

Руфина ДӘҮЛӘТОВА.
Юлай КӘРИМОВ фотолары.







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Бүләк тапшырылды. Ә конкурс дауам итә

03.06.2016 - Конкурстар » Йәмғиәт Бүләк тапшырылды. Ә конкурс дауам итә


Финат ЗАМАНОВТЫ оло еңеүе менән ҡотлайбыҙ!

30.05.2016 - Конкурстар » Йәмғиәт Финат ЗАМАНОВТЫ оло еңеүе менән ҡотлайбыҙ!


Тотоп һөйөрлөк кенә!

30.05.2016 - Конкурстар » "Ҡәйнәм-ҡайным - алтын ҡаҙнам" Тотоп һөйөрлөк кенә!


Дыуан ҡыҙы Айһылыу Шәрипованы оло еңеүе менән  ҡотлайбыҙ!

Тарихымды онотмам, тамырымды ҡоротмам

26.05.2016 - Конкурстар » Йәмғиәт Тарихымды онотмам, тамырымды ҡоротмам


Ололарҙы ололайыҡ,  кеселәрҙе кеселәйек!

26.05.2016 - Конкурстар » Йәмғиәт Ололарҙы ололайыҡ, кеселәрҙе кеселәйек!


Башҡорт киноһы үҫешһен

26.05.2016 - Конкурстар » Йәмғиәт Башҡорт киноһы үҫешһен


Телебеҙҙән оялмайыҡ!

26.05.2016 - Конкурстар » Йәмғиәт Телебеҙҙән оялмайыҡ!


“Ерҙә кеше йәшәй икән, теле лә йәшәй…”

26.05.2016 - Конкурстар » Йәмғиәт “Ерҙә кеше йәшәй икән, теле лә йәшәй…”


Мин сәләмәт тормош яҡлы!

26.05.2016 - Конкурстар » Йәмғиәт Мин сәләмәт тормош яҡлы!


Әгәр ҙә Салауат Юлаев тере булһа...

26.05.2016 - Конкурстар » Йәмғиәт Әгәр ҙә Салауат Юлаев тере булһа...


Үҙебеҙ һайлаған юл

26.05.2016 - Конкурстар » Йәмғиәт Үҙебеҙ һайлаған юл


Гәзитебеҙҙең 20-се һанында сыҡҡан балалар һәм уларҙың дуҫтары

23.05.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 20-се һанында сыҡҡан балалар һәм уларҙың дуҫтары


Тамырҙарымда башҡорт ҡаны аҡҡаны менән ғорурланам

Улар алдында баш эйәбеҙ

13.05.2016 - Конкурстар » Йәмғиәт Улар алдында баш эйәбеҙ


Гәзитебеҙҙең 19-се һанында сыҡҡан балалар һәм уларҙың дуҫтары

13.05.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 19-се һанында сыҡҡан балалар һәм уларҙың дуҫтары


Мин – россиянмын!

10.05.2016 - Конкурстар » Йәмғиәт Мин – россиянмын!


Гәзитебеҙҙең 17-се һанында сыҡҡан балалар һәм уларҙың дуҫтары

29.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 17-се һанында сыҡҡан балалар һәм уларҙың дуҫтары


Гәзитебеҙҙең 16-се һанында сыҡҡан балалар һәм уларҙың дуҫтары

25.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 16-се һанында сыҡҡан балалар һәм уларҙың дуҫтары


Гөлнур Зиннәтова - еңеүсе!

19.04.2016 - Конкурстар » Йәшлек гүзәле Гөлнур Зиннәтова - еңеүсе!


Гәзитебеҙҙең 15-се һанында сыҡҡан балалар һәм уларҙың дуҫтары

15.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 15-се һанында сыҡҡан балалар һәм уларҙың дуҫтары


Кешеләрҙең тәнен генә түгел, күңелен дә дауалаясаҡ ҡыҙ

Гәзитебеҙҙең 14-се һанында сыҡҡан балалар һәм уларҙың дуҫтары

08.04.2016 - Конкурстар » "Ҡәйнәм-ҡайным - алтын ҡаҙнам" Гәзитебеҙҙең 14-се һанында сыҡҡан балалар һәм уларҙың дуҫтары


Һылыу ҙа, һәләтле лә беҙҙең башҡорт ҡыҙҙары!