29.03.2013 Әҫәрҙәре ҡалды…
Кисә атаҡлы башҡорт драматургы, Башҡортостандың халыҡ яҙыусыһы Нәжиб Асанбаев (Николай Васильевич Асанбаев) вафат булды.
Нәжиб Асанбаев 1921 йылдың 7 ноябрендә Баҡалы районының Ахман ауылында урта хәлле крәҫтиән ғаиләһендә тыуған.
Мәктәпте тамамлағас, Өфө финанс-экономика техникумында белем ала, Башҡорт дәүләт педагогия институтына уҡырға инә, ләкин уны тамамларға насип булмай, армияға алына. Бөйөк Ватан һуғышы яуҙарын үтә.
Нәжиб Асанбаевтың әҫәрҙәре күтәрелгән проблемаларҙың актуаллеге, конфликттың үткерлеге һәм жанр төрлөлөгө менән айырыла. Уның байтаҡ әҫәре Башҡорт дәүләт академия драма театры, Сибай, Салауат, Ырымбур, Әлмәт театрҙарында ҡуйылды һәм бөгөн дә уңыш менән бара.
Әҙиптең арабыҙҙан китеүе – республика өсөн ҙур юғалтыу.
Оҡшаш яңылыҡтар
