RSS-подписка facebook Вконтакте Вконтакте
» » » Күңелендә уның моң йәшәне...

06.04.2016 Күңелендә уның моң йәшәне...

Күңелендә уның моң йәшәне...
Сибай ҡалаһында талантлы музыкант, композитор Юлай Моратовтың яҡты иҫтәлегенә арналған хәтер кисәһе үткәрелде

Фани донъяны күҙ асып йомған ара менән сағыштыралар. Ысынлап та, әллә ниҙәр көтөп, өмөт итеп, был донъяға мәңгелеккә килгән кеүек йәшәйбеҙ ҙә, ҡапыл ғына яҡын кешебеҙ, дуҫыбыҙ арабыҙҙан китеп барһа, үкенесле үткәндәргә ҡарап, уйға ҡалабыҙ, фәһем алыр­ға тырышабыҙ. Аҙаҡ тағы, онотолоп, донъя ҡыуа башлайбыҙ... Әллә күпме эш иртәгәгә ҡала, хыялдарҙы тормошҡа ашырырға ла ашыҡмайбыҙ.
Талантлы музыкант, композитор, уҡытыусы Юлай ағай Моратов, ғүмеренең ҡыҫҡа булырын белгәндәй, һәр бер көнөнөң, миҙгеленең ҡәҙерен белеп йәшәне, ижад итте. Ә ижадтан тыш, ул велосипедта сәйәхәткә сыҡты (ете йыл рәттән Сибайҙан – Өфөгә, Өфөнән Сибайға йөрөнө), фотоға төшөрөү менән мауыҡты, үҙебеҙҙә үҫкән дарыу үләндәрен өйрәнде. Хатта, Урал аръяғы баш ҡалаһында институт асылғанына шатланып, 46 йәшендә уҡырға инеп, музыка бүлеген уңышлы тамамлап, икенсе юғары белем дипломын яҡланы. Ә уның ярҙамсыллығы, киң күңеллелеге, изге йөрәге хаҡында әллә күпме легенда йөрөй. Көньяҡ Урал зонаһы райондарынан килеүсе байтаҡ студент дөйөм ятаҡтан урын алып өлгөрмәгән осраҡта, Моратов­тарҙың иркен йортонда йәшәп, белем алыу бәхетенә ирешә. Ә бит был йортта үҙҙәренең ун балаһы буй еткергән. Уҡырға килеүсе йәштәрҙең аҡсаһы булмағанда үҙҙәре кеҫәһенән биреүсе лә, ашарҙарына булмағанда үҙ ризығын бүлешеүсе лә улар була. Ҡыҫҡаһы, бер тиҫтә балалы Моратовтарҙы тағы ла бер нисә тиҫтә баланың ҡиәмәтлек ата-әсәһе тип атарға мөмкин. Күңе­лендә моң йәшәгән кеше генә бындай изгелектәргә бара алалыр ул.
18 мартта Сибай ҡалаһында ошо арҙаҡлы шәхесте ололап, хөрмәтләп, хәтер кисәһе үткәрелде. Арыҫлан Мөбәрәков исемендәге Сибай башҡорт дәүләт драма театры бинаһында аяҡ баҫыр урын юҡ ине: Юлай ағай­ҙан тере сағында күп изгелек күреүсе дуҫтары, хеҙмәттәштәре, уҡыусылары, йырҙарын үҙ итеүсе тамашасылары концертҡа ағылды. Хәтер кисәһен асып, Әғләметдин хәҙрәт Ғәзизов мәрхүм Юлай һәм Айһылыу Моратовтарҙың яҡты рухына Ҡөрьән аяттары бағышланы. Концертты ойоштороу­ҙа Башҡортостан мосолмандары Диниә назараты оло ярҙам күрһәтте. Йәштәр бүлеге рәйесе Айнур Арыҫланов үҙ сығышында йәш быуынды ижадҡа, матур юлға килтереүсе Юлай ағай кеүек шәхестәр­ҙең күберәк булыуын теләп, доға ҡылды.
Балалар ата-әсәләрҙән алған тәрбиәне, рухты, иманды ғүмер буйы үҙ күңелендә йөрөтә. Мора­товтарҙың татыу, ҙур ғаиләһендә үҫкән ун баланың һәр береһе махсус музыка мәктәбен тамамлаған. Күптәре тормоштарын сәнғәт ме­нән бәйләп, бөгөн төрлө мәҙәниәт ойошмаһында хеҙмәт юлын башлаған. Атанан күргән – уҡ юнған, тигән әйтемде иҫбатлап, сәхнәгә бер-бер артлы талантлы Моратов­тар сыҡты: Пермь ҡалаһында музыканан белем биреүсе Кәрим, Сибай сәнғәт колледжы уҡытыусыһы Мансур, балалар баҡсаһының музыка белгесе Зөлфиә, Фәйзи Ғәскәров исемендәге дәүләт академия халыҡ бейеүҙәре ансамбле музыканты Салауат, “Мираҫ” фольклор йыр һәм бейеү ансамбле солисы Сәлимә – барыһы ла аталары ижад иткән йырҙы башҡарҙы. Юлай ағай­ҙың йырҙарын башҡорт эстрадаһының йәш “йондоҙ”ҙары ла, данлыҡлы йырсылар ҙа берҙәй яратып башҡара. Концертта ҡатнашыусы һәр кем уға рәхмәт һүҙҙәрен йырҙары менән еткерҙе. Ҙур сәхнәлә тәүге аҙымдарын яһаусы Азат Исҡужин, Лилиә Сафина, Дилә Мөхәмәтйәрова, Зөбәйлә Ҡолом­бәтова, Гөлфирә Шәйбәкова, Гөл­фиә Хәләфетди­нова, билдәле йырсылар Йәғәфәр Нәҙершин, Фәнис Сирбаев, Гөлсөм Бикбулатова, Рәмил Туйсин, Илһам Шәймөхә­мәтов, Мәмдүҙә Илбә­кова, Хәлим Ситдиҡов, Динар Ласынов, Флера Шәрипова менән бер рәттән, оҫта сығыш яһаны. Концертты Баш­ҡортостандың һәм Татарстандың халыҡ артисы Иҙрис Ғәзиев композитор тураһындағы матур иҫтәлектәре һәм ул ижад иткән йырҙары менән тамамланы. Юлай Моратов­тың балалары концертты ойоштороусы Илшат Аб­драх­мановҡа, Рә­мил Сурағоловҡа, Нәсимә һәм Ильяс Сафиндарға, артистарға, йыр­­сыларға рәхмәт һүҙҙәрен еткерҙе.
Яҡты хәтирәләр менән моң­һоулан­ған күңелдәрҙе Юлай Моратовтың тормошсан, дәртле һәм үҙенсәлекле йыр-моңдары берсә иларға, берсә көлөргә мәжбүр итте. Концерт тамамланғас та тамашасылар бик оҙаҡ таралышмай, иҫтәлектәре менән бүлешеп, әнгәмә ҡорҙо. Билет һа­тыуҙан йыйылған аҡсаға Юлай Моратовҡа таҡтаташ асырға ҡарар ителде. Шулай уҡ концерт ваҡытында композиторҙың исемен мәңгеләштереү маҡсатында ҡала урамдарының береһенә уның исемен биреү һәм ике йылға бер тапҡыр үҙешмәкәр композиторҙар конкурсын ойоштороу тәҡдим ителде. Киләсәктә уларҙың да тормош­ҡа ашыуын күреү насип булһын.

Гөлнур ЮЛДАШЕВА.

Күңелендә уның моң йәшәне...







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



Йәннәт диңгеҙендә йөҙәһеңме, ӘСӘЙ?

Ер ҡуйыны сер һәм хәтер һаҡлай…

Атай менән үткәргән һуңғы көн

Оло Тәләктәге фажиғәгә – 30 йыл

Фәрештә ҡанаты ҡағылған затлы йән

Таң атҡан мәл

04.04.2019 - Хәтер Таң атҡан мәл


Онотмаҫ уны иле

27.03.2019 - Хәтер Онотмаҫ уны иле


Баязит байҙың яҙмышы

23.03.2019 - Хәтер Баязит байҙың яҙмышы


«Уны оноторға хаҡыбыҙ юҡ!»

Хәтер – мәңгелек

17.02.2019 - Хәтер Хәтер – мәңгелек


Ҡот осҡос 872 көн

27.01.2019 - Хәтер Ҡот осҡос 872 көн


Тетрәндергес яҙмыштар

Һүнгән йондоҙ яҡтыһы

28.06.2018 - Хәтер Һүнгән йондоҙ яҡтыһы


“Күңелле ваҡиғалар иҫкә төштө”

Беҙ һәр ваҡыт әҙер инек

Алтын тауышлы “зәңгәр экран” батшаһы

Аҡһаҡалдан  алтын һүҙ ҡала

Уңалырмы күңел яралары?

Күңеле лә, үҙе лә,  йырҙары ла матур ине

Көткән көтөп ала алмаҫ, Ҡалған ҡыуып етә алмаҫ...

Бар ғүмере  яҡшы киноға торошло

Йылдар үткән һайын абруйы арта ғына

Халҡым, тип йәшәүсе ғалим

“Донъялар имен торһон...”

06.04.2016 - Хәтер » Яңылыҡтар таҫмаһы “Донъялар имен торһон...”