20.03.2019 Айгөл ЮНЫСОВА

Ул миңә бер туғанымдай яҡын. Ҡан тартмаһа ла йән тарта, тигәндәре ошо булалыр ул. Сәскә кеүек әхирәтемде эскерһеҙлеге, ябайлығы, иғтибарлы була белеүе өсөн яратам һәм хөрмәт итәм.

Айгөл – Хәйбулла ҡыҙы. Башҡорт дәүләт университетын тамамлаған. Әле ул баш ҡалабыҙҙың З.Биишева исемендәге 140-сы гимназияһында эшләй.

Күңеле менән матурлыҡҡа ғашиҡ, хисле, моңло әхирәтем шиғырҙар ижад итә, йырларға ярата.

“Ҡатын-ҡыҙҙың оло мәғәнәһе, ҙур бәхете әсә булыуҙа”, – ти ул. Яҡыныма, киләсәк көндәрең һин теләгәнсә булһын, ҡатын-ҡыҙ бәхете насип булһын, тип теләйем.