RSS-подписка Вконтакте Вконтакте
» » Айлыҡ тамам, эш дауам итә

05.04.2011 Айлыҡ тамам, эш дауам итә

«Газ-Сервис» асыҡ акционер­ҙар йәмғиәтенең бойороғона ярашлы, йәмғиәт филиалы – «Центргаз» ағымдағы йылдың 1 мартынан 31 мартына ҡәҙәр газ менән хәүефһеҙ файҙаланыу айлығы үткәрҙе. Был мөһим сара газ ҡорамалдары менән хәүефһеҙ файҙаланыу, халыҡ газ менән файҙаланғанда коммуналь-көнкүреш объекттарында, сәнәғәт һәм ауыл хужалығы предприятиеларында газ ҡулланғанда авария һәм бәхетһеҙлек осраҡтарын булдырмау маҡсатында һәм ойоштороу-техник саралар планына ярашлы ғәмәлгә ашырыла.

Тәүҙә предприятиеның газ хеҙмәте урынлашҡан райондар, муниципаль берәмектәр етәкселәре менән берлектә айлыҡты үткәреү буйынса күрһәтмәләр әҙерләнде һәм уға ведомство етәкселәре мотлаҡ йәлеп ителде. Айлыҡ саралары планына ярашлы, район эксплуатация хеҙмәттәре начальниктары йорттарҙағы газ йыһаздарын хеҙмәтләндереү буйынса слесарҙар менән уҡыуҙар үткәрҙе. Занятиеларҙа абоненттарға газ менән хәүефһеҙ файҙаланыу буйынса инструктаж үткәреү тәртибе һәм алымдары, йорттарҙағы газ йыһаздарын техник хеҙмәтләндереүгә абоненттар менән килешеүҙәр төҙөү йәһәтенән белемдәр яңыртылды. Йорттарҙағы газ йыһаздарын хеҙмәтләндереү службаһы райондарҙағы газ хеҙмәттәре менән берлектә ағымдағы йылдың ғинуар – февраль айҙарында газ менән тәьмин итеү туҡтатылған фатирҙарҙы тикшерҙе. Имен булмаған ғаиләләр, шулай уҡ, даими опекунһыҙ йәшәүсе физик мөмкинлектәре сикле граждандарҙың йорт һәм фатирҙары айырым контролгә алынды. «Центргаз» филиалы автомобилдәрендәге газ баллондары йыһаздарының төҙөклөгө һәм дөрөҫ файҙаланылыуы тикшерелде.
Филиалда хеҙмәтте һаҡлау ҡағиҙәләре үтәлешенә талаптар айырыуса юғары. Был осорҙа производство ҡорамалдары менән эш итеүгә, производство биналарында эш ҡағиҙәләрен теүәл үтәүгә, индивидуаль һаҡланыу сараларын дөрөҫ файҙаланыуға тағы ла етдиерәк иғтибар йүнәлтелде. Үҙәк авария-диспетчерлыҡ хеҙмәте бригадалары менән газ үткәргестәрҙә барлыҡҡа килеү ихтималлығы булған аварияларҙы локализациялау һәм бөтөрөү буйынса пландан тыш контроль-күнегеү күнекмәләре ойошторолдо. Авария-диспетчерлыҡ хеҙмәтенең маршрут карталары ер аҫты газ үткәргестәр хеҙмәтенең маршрут карталары менән сағыштырып тикшерелде. Район эксплуатация хеҙмәттәре етәкселәре торлаҡ йорттарҙа, коммуналь-көнкүреш объекттарында, ер аҫты газ үткәргестәрендә һәм уларҙың ҡорамалдарында газ йыһаздарын техник хеҙмәтләндереүҙең сифатын барланы.
Район, ҡала хакимиәттәрендә газдан дөрөҫ файҙаланыу, газ үткәргестәргә яҡын урындарҙа ер эштәрен дөрөҫ башҡарыу ҡағиҙәләрен үтәү буйынса төҙөлөш-монтаж ойошмалары, идара итеүсе компаниялар хеҙмәткәрҙәре менән кәңәшмәләр үтте. Ер аҫты газ үткәргестәренә 50 метр радиуста урынлашҡан күп фатирлы йорттар­ҙың подвалдарында контроль торбалар урынлаштырыу һәм газ үткәргестәрҙең һаҡлыҡ зоналарында гараждар булыуына һәм хужалыҡ төҙөлөштәренә юл ҡуймау өсөн хакимиәттәргә һәм йорт хужаларына иҫкәртеү ҡағыҙҙары тапшырылды. Шулай уҡ газ һәм газ ҡорамалдары менән хәүефһеҙ файҙаланыу буйынса халыҡҡа хәтернамәләр әҙерләп таратылды. Шундай уҡ маҡсатта мәктәптәргә, дауаханаларға, мәҙәниәт йорттарына таратыу өсөн биҙәкле плакаттар, ручкалар, балалар өсөн блокноттар эшләтелде. «Ар­хангельский вестник», «Благо­варские вести», «Панорама», «Иглинские вести», «Трудовая слава», «Авангард», «Красный ключ», «Родник» гәзиттәрендә газ менән хәүефһеҙ файҙаланыуҙы пропагандалаған мәҡәләләр донъя күрҙе. Шишмә һәм Благовар район телевидениеларында газ хәүефһеҙлеге хаҡында видеороликтар күрһәтелде. «Спутник FM» радиоһы буйынса тапшырыуҙар ҙа ошо маҡсатҡа йүнәлтелде. Мәктәп һәм һөнәрселек училищеларында уҡыусылар менән үткәрелгән саралар ҙа һөҙөмтәле булды. Газ хеҙмәте хеҙмәткәрҙәре уларҙа баллонлы газ менән дөрөҫ файҙаланыу, янғын­дар­ҙы булдырмау сараһын күреү, хәүефле осраҡтарҙа юғалып ҡалмау буйынса күнекмәләр, викториналар үткәрҙе. Викто­рина­ларҙа еңеүселәргә приздар тапшырылды.
Нуриман районының Красная Горка һәм Павловка интернат-мәктәбендә филиал хеҙмәткәрҙәренең балалар менән осрашыуҙары айырыуса йөкмәткеле булды. Осрашыуҙа балаларҙың рәсем конкурсында еңеүселәр бүләкләнде.
«Беҙ газ тураһында ниҙәр беләбеҙ?» тигән темаға балаларҙың рәсем конкурсын ойоштороу йәш быуынды эстетик тәрбиәләүгә, корпоратив мөнәсәбәттәр урынлаштырыуға, уларҙың ижади мөмкинлеген үҫтереүгә булышлыҡ итә.
Айлыҡ барышында «Центргаз»­дың газ хужалығын яҙғы ташҡын осоронда эшләүгә әҙерләү саралары ла ғәмәлгә ашырылды. Атап әйткәндә, газ көйләү пункттарының техник торошо, производство биналары тикшерелде, объект биналарының ҡыйыҡтары ҡарҙан таҙартылды, транспорт сараларының әҙерлеге ҡаралды; газ приборҙарын, газ һәм вентиляция каналдарын ҡарау һәм төҙөк тотоу буйынса йорт хужаларына, коммуналь-көнкүреш һәм сәнәғәт предприятиелары етәкселәренә ҡәтғи талаптар ҡуйылды.
Йомғаҡлап әйткәндә, газ менән хәүефһеҙ файҙаланыу айлығы барышында үткән һәр сара йәшәйешебеҙҙе уңайлы һәм имен итәсәк.

Ғәлиә САБИРОВА.










Оҡшаш яңылыҡтар



Дымдан һаҡлау өсөн

08.12.2017 - Яңылыҡтар архивы Дымдан һаҡлау өсөн


Ҡалған ризыҡты нимә эшләтергә?

30.10.2017 - Яңылыҡтар архивы Ҡалған ризыҡты нимә эшләтергә?


Сәскәләр ҙә өшөй инде…

15.10.2017 - Яңылыҡтар архивы Сәскәләр ҙә өшөй инде…


Үҙең эшләгән арзаныраҡ та, файҙалыраҡ та

Улар – ауылымдың ғорурлығы

22.05.2015 - Яңылыҡтар архивы Улар – ауылымдың ғорурлығы


"Йәшлек" йондоҙнамәһе

09.01.2015 - Яңылыҡтар архивы "Йәшлек" йондоҙнамәһе


Йылҡы йылын оҙатып

27.12.2014 - Яңылыҡтар архивы Йылҡы йылын оҙатып


Декабрь айы

21.11.2014 - Яңылыҡтар архивы Декабрь айы


Үҙ шөғөлөн тапҡандар бәхетле

14.11.2014 - Яңылыҡтар архивы Үҙ шөғөлөн тапҡандар бәхетле


Еребеҙ даны, халҡыбыҙ ғорурлығы

14.11.2014 - Яңылыҡтар архивы Еребеҙ даны, халҡыбыҙ ғорурлығы


Ҡолас йәйә “Ҡуңыр буға”

14.11.2014 - Яңылыҡтар архивы Ҡолас йәйә “Ҡуңыр буға”


Хеҙмәте менән хөрмәт яулаған

07.11.2014 - Яңылыҡтар архивы Хеҙмәте менән хөрмәт яулаған


Сермәндә үҙенсәлекле завод бар

07.11.2014 - Яңылыҡтар архивы Сермәндә үҙенсәлекле завод бар


Бөгөнгө тормоштан ҡәнәғәтһегеҙме?

07.11.2014 - Яңылыҡтар архивы Бөгөнгө тормоштан ҡәнәғәтһегеҙме?


Халыҡҡа хеҙмәт итә

07.11.2014 - Яңылыҡтар архивы Халыҡҡа хеҙмәт итә


“Йәшлек”тәр боҙло һыуҙан ҡурҡманы

02.09.2014 - Яңылыҡтар таҫмаһы » Яңылыҡтар архивы “Йәшлек”тәр боҙло һыуҙан ҡурҡманы


Ә һин башыңа чип ҡуйҙыңмы?

30.05.2014 - Яңылыҡтар архивы Ә һин башыңа чип ҡуйҙыңмы?


ЙӘЙ БИК ҠОРО БУЛАСАҠ,  ТИҘӘР…

30.05.2014 - Яңылыҡтар архивы ЙӘЙ БИК ҠОРО БУЛАСАҠ, ТИҘӘР…


Халыҡ кәсептәре – байманлыҡ сере

30.05.2014 - Яңылыҡтар архивы Халыҡ кәсептәре – байманлыҡ сере


Июнь

30.05.2014 - Яңылыҡтар архивы Июнь


Алтын үҙебеҙгә лә ҡамасауламаҫ ине…

23.05.2014 - Яңылыҡтар архивы Алтын үҙебеҙгә лә ҡамасауламаҫ ине…


Эшләгән – тешләгән

02.05.2014 - Яңылыҡтар архивы Эшләгән – тешләгән


Май байрамдарында нисек ял итәһегеҙ?

02.05.2014 - Яңылыҡтар архивы Май байрамдарында нисек ял итәһегеҙ?


“Ныҡлы ғаилә нигеҙе – бер-береңде аңлауҙа”