15.06.2017 "Ураҙа - изге ғәмәл"

Уны тотор өсөн һаулыҡ һәм көслө рух кәрәк

Көндәрҙең һалҡын тороуына зарланыусылар көндән-көн йышая. Ысынлап та, йәй миҙгеленең тәүге аҙнаһы тамамланды, ә беҙ йылы ҡояш нурҙарына зар-интизар булып көн итәбеҙ. Ә шулай ҙа һалҡынса, бер аҙ ямғырлы көндәр изге Рамаҙан айында ураҙа тотоу сылар өсөн бик тә ҡулайлы. 19 сәғәт буйы ашауҙан тыйылыусыларға эҫе көн торошо ауырға тура килер ине.
Аллаға шөкөр, ислам тәғлимәттәре буйынса йәшәүселәр, ураҙа тотоусылар йылдан-йыл арта бара. Эстрада «йондоҙ»ҙары ла был изге ғәмәлгә битараф түгел.