RSS-подписка Вконтакте Вконтакте
» » Ҡөрьән юлында берҙәм булырға

01.11.2013 Ҡөрьән юлында берҙәм булырға

Ҡөрьән юлында берҙәм булырғаМөхәммәт бәйғәмбәрҙең хәҙис-шәрифендә: «Мәсет төҙөүселәргә Аллаһы Тәғәлә йәннәт төҙөп ҡуйыр», – тип әйтелә. «Хәмзә хажи» мәрхәмәтлек фонды етәксеһе, «Хәмзә» мәсете имамы, меценат Хәмзә хажи Ғәлләмов төҙөткән мәсеттәрҙе һанай китһәң, уның эшлеклелегенә хайран ҡалаһың. Хатта билдәле эшҡыуарҙар араһында ла уға тиңләшеүселәр юҡтыр. Өфөлә мәҙрәсә, күркәм Никах йорто төҙөтһөнмө, Ҡөрьән Кәрим китабын башҡортсаға нәшер иттерһенме? Инде туғыҙынсы тиҫтәне ваҡлауына ҡарамаҫтан, ул һаман да хәрәкәттә, халҡы мәнфәғәтен ҡайғырта – әлеге мәлдә тыуған ере Белорет районының Асы ауылында тоҙло һыу менән менән дауаланырға килеүселәргә пансионат төҙөтә. Яңыраҡ Ҡариҙел районының Яҡуп ауылы халҡының да күптәнге теләген бойомға ашырҙы – бында Туймөхәмәт әүлиәнең элекке мәсете урынында Туймөхәмәт әүлиә мәсете үҙ ишектәрен асты.
Риүәйәттәр буйынса, бынан 200 йыл элек Туйыш ауылы кешеһе Туймөхәмәт ике ауыл араһында таштан мәсет төҙөргә хыяллана. Ниәтен тормошҡа ашырыу өсөн көндө төнгә ялғап, бишмәтенең итәгенә һалып, эргәләге Байҡы йылғаһынан таш ташый. Әммә эшен аҙағына еткерергә өлгөрә алмай, вафат була. Уның ҡайҙа ерләнеүе билдәле лә түгел. Оло яу үткән был ерҙәрҙә изге кешенең мәйетен фәрештәләр алып киткән, тип тә һөйләй­ҙәр. Туймөхәмәт әүлиәнең мәсет урыны әле лә бар, быуаттар үтһә лә, өйөлгән иман йорто стеналары емерелмәй һаҡланған. Туйыш, Яҡуп, Иҫке Аҡбүләк ауылдары халҡы күп серҙәр һаҡлаған был урынға килеп, олатайҙарының рухына аяттар уҡый, хәйер һала ине. Хатта күрше Свердловск, Пермь, Силәбе өлкәләренән дә ғибәҙәт ҡылыусылар килә. Бынан өс йыл элек яҡуптар, мәсет төҙөтөүҙә ярҙам итеүен һорап, Хәмзә хажи Ғәлләмовҡа мөрәжәғәт итә, Туймөхәмәт әүлиә мәсетенең тарихи изге ер булыуын һөйләй. Әүлиә мәсете эргәһендә иман йорто һалдырыуға һис икеләнмәйенсә тотона тарихты хөрмәт иткән, мәҙәниәтте аңлаған диндар меценат. Һөнәре буйынса архитектор булған хәҙрәт, ул мотлаҡ таштан булырға тейеш, тип иҫәпләй, иман йортоноң проектын эшләй һәм, күп тә үтмәй, 2010 йылда бинаның нигеҙе ҡорола. Яҡуп, күрше Туйыш, Иҫке Аҡбүләк ауылдары халҡы ғына түгел, райондың барлыҡ предприятиелары, эшҡыуарҙары ла ярҙамға килә изге эш ниәтләүсегә. Тиҙ генә ошо ауыл егеттәренән төҙөүселәр бригадаһы төҙөлә һәм улар таштан ғибәҙәт йортоноң стеналарын, манараһын күтәреп тә ҡуя. Оҙаҡҡа һуҙмай, ҡыйығы ла ябыла. Был мәсет кенә түгел, ә Туймөхәмәт әүлиә тарихи-мәҙәни дини комплексы булырға тейеш, тигән фекергә килә Хәмзә хажи. Элекке өйөлгән таштар урыны ла тимер рәшәткә менән кәртәләп алына һәм беседка кеүек көмбәҙ ҙә эшләнә. Мәсеткә ҡоҙоҡ ҡаҙғанда шуныһына хайран ҡалалар – унан бер ҙә генә бысраҡ, ҡомло һыу сыҡмай, ә саф шишмә һыуы урғыла.
– Һыуҙың сифатын, файҙалы үҙенсәлектәрен белеү өсөн тикшертергә бирҙек. Минераль һыу сығанағы ла булыуы ихтимал, – тигән фекерҙә Хәмзә хажи.
Тик таштан ғына төҙөлгән мәсеттең Баш­ҡортостанда аналогы юҡ, ул тәүгеләрҙән булып Ҡариҙел районында сафҡа инде. Зауыҡ менән биҙәлгән, иҙәне заманса йылылыҡ системаһы менән йылытылған мәсеткә яҡуптар йома намаҙҙарына йөрөйәсәк, бергәләп дини байрамдарҙы уҙғарасаҡ.
Мәсетте асыу тантанаһына ҡунаҡтар күп килде, изге теләктәр әйтелде, иман йортона инселәп бүләктәр тапшырылды. Ҡариҙел районы хакимиәте ҡариҙелдәрҙе мәсетле итеп һөйөндөргән Хәмзә хажиға арғымаҡ бүләк итте.
Хәҙер һәр көн намаҙға саҡырып яңғыраған аҙан тауышы күңелдәрҙе сафланырға саҡыра. «Әлхәмдулилла, яңғыраған изге доғалар менән ҡот-бәрәкәт ҡайтһын ауылыбыҙға», – ти яҡуптар.

З. ЙӘҺҮҘИНА.
Автор фотоһы.










Оҡшаш яңылыҡтар



Төш һөйләү гонаһмы?

18.10.2019 - Иман Төш һөйләү гонаһмы?


Ауырып киткәндә уҡыла

Доға ҡабул булһын өсөн хәләл ризыҡ ашағыҙ

Ҡайғы-хәсрәттәргә сабыр итеп доға ҡылыу

Намаҙ уҡыуҙың әжере

13.09.2019 - Иман Намаҙ уҡыуҙың әжере


Бойоҡҡанда һәм борсолғанда уҡыла торған доға

Иҫерткес эсемлек эскәндең  доғаһы 40 көн буйына ҡабул булмаҫ

100 һумлыҡ сәфәр

30.08.2019 - Иман 100 һумлыҡ сәфәр


Фәһемле төштәр хаҡында

Изгелекте күберәк эшлә, Хоҙай сауабын бирер

Ҡорбан салыу – шәфҡәтлелек, мәрхәмәтлелек, рәхимлелек билдәһе

Мөғжизәле йомортҡа

09.08.2019 - Иман Мөғжизәле йомортҡа


Күҙ тейгәндә уҡыла торған доғалар

Кешене изге ғәмәлдәре ҡотҡара

Зөлхизә айында намаҙ ваҡыты

Көнсөлдәрҙән Хоҙайға һыйынығыҙ

Саҙаҡа бәләнән һаҡлар

Йөрәк бәйләнеше

19.07.2019 - Иман Йөрәк бәйләнеше


Зөлҡәғиҙә айында намаҙ ваҡыты

Күҙ тейгәндә уҡыла торған доғалар

Ураҙа тотоу – изге ғәмәл...

Өйрәнәйек доғалар!

04.06.2019 - Иман Өйрәнәйек доғалар!


Хоҙай ураҙаларыбыҙҙы ҡабул итһен!

Ғәйет намаҙы нисек уҡыла?