RSS-подписка facebook facebook Вконтакте Вконтакте
» » Аҡса гөлө сәләмәтлек өсөн дә файҙалы

20.09.2018 Аҡса гөлө сәләмәтлек өсөн дә файҙалы

Аҡса гөлө  сәләмәтлек өсөн дә файҙалы
Был гөлдөң төрлөһө бар. Әммә иң киң билдәлеһе – йыуан ботаҡлы һәм ҡалын ғына япраҡлыһы. Гөл үҫтерергә яратыусыларҙың өйөндә уны йыш осратырға мөмкин. Русса атамаһы –“толстянка”, шулай уҡ “крассула”, “жирянка” тип тә йөрөтәләр.
Ағас гөлө йортта йәшәүселәрҙең сәләмәтлегенә бик һиҙгер. Кемдер ауырыһа, ул һулый башлай, япраҡтарын ҡоя, әйтерһең дә, кире энергияны үҙенә һура. Ауырыу һауығыу менән гөл дә шәбәйеп китә.
Гөлдө күптәр, матди хәлде яҡшыртырға ыңғай тәьҫир итмәҫме, тип үҫтерә. Ә бына шифаһы хаҡында хәбәрҙар түгел. Йәл, ә ул шифалы үҙенсәлектәре буйынса алоэнан бер ҙә ҡалышмай. Бактерияларға, вирустарға һәм ялҡынһыныуға ҡаршы тороу үҙенсәлегенә эйә. Бөгөн беҙ уның дауалау көсөнә туҡталып үтәйек.

Ирен осоноуынан (герпестан)
Гөлдөң бер нисә япрағының һутын һығып алырға. Зарарланған урынға 30 минут һайын һөртөргә. Йә булмаһа мамыҡты һутына манып алып, ауыртҡан урынға ябып, йәбештереп ҡуйырға.

Ангина һәм тонзиллиттан

10 япраҡтың һутын һығып алып, 200 мл һыуға ҡушырға һәм көнөнә 3 – 5 тапҡыр тамаҡты сайҡатырға.

Ашҡаҙан һәм бөйән сей яраһынан
Иртәнсәк ашарҙан бер сәғәт алда ике япрағын яҡшы итеп сәйнәп ашарға.

Пиелонефрит, циститтан
5 япрағын ваҡлап, 220 мл ҡайнар һыу ҡойоп, бер сәғәт төнәтергә. Һуңынан һөҙөп, көнөнә өс тапҡыр ашарҙан 15 минут алда берәр ҡалаҡ эсергә.

Артрит, артроздан

10 – 15 япраҡтың һутын һығып, йоҡлар алдынан һыҙлаған быуындарҙы ыуырға.

Геморройҙан
Уртаға ҡырҡылған япраҡты ябырға, шунда уҡ ярҙам итә.

Янған, тартылған, ауыртҡан урындарға, яраларға
Япраҡтарының иҙмәһен ябып, нығытып бәйләп ҡуйырға. Кипкән һайын яңыртып бәйләргә.

Иғтибар! Был гөлдөң составында мышаяҡ күп, шунлыҡтан унан әҙерләнгән дарыуҙарҙы күп эсергә ярамай.







Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Бала менән беренсе етди һөйләшеү

10.12.2018 - Һаулыҡ һаҡлау Бала менән беренсе етди һөйләшеү


Сәстәр нимә тураһында һөйләй?

08.12.2018 - Һаулыҡ һаҡлау Сәстәр нимә тураһында һөйләй?


Гайморитты дауалайбыҙ

07.12.2018 - Һаулыҡ һаҡлау Гайморитты дауалайбыҙ


Файҙалы эсемлектәр

06.12.2018 - Һаулыҡ һаҡлау Файҙалы эсемлектәр


Юл япрағы

04.12.2018 - Һаулыҡ һаҡлау Юл япрағы


Дәфнә дауаһы

01.12.2018 - Һаулыҡ һаҡлау Дәфнә дауаһы


Йүтәлдән ҡотол

30.11.2018 - Һаулыҡ һаҡлау Йүтәлдән ҡотол