НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Страница 6

Иҡтисадсы булмаһағыҙ ҙа, уға битараф ҡалмағыҙ
Медиа // 26-03-2017, 13:47


Иҡтисадсы булмаһағыҙ ҙа,  уға битараф ҡалмағыҙ
Тапшырыу әҙерләгәндә ҡайһы бер етди генә әңгәмәселәр ауыҙынан ошондай сәйер һүҙҙәрҙе ишетергә тура килә: “Мин сәйәсәткә ҡыҫылмайым” йәки “Иҡтисад менән, ана, аҡыллы баштар шөғөлләнһен”.

Асылда, йәшәйеш ошо терминдарҙан тыш бара алмай бит. Тапшырыуҙың темаһы буйынса тура килгәс, иҡтисад төшөнсәһенә күберәк баҫым яһайыҡ. Һәр кеше аҡса эшләй, кибеткә барып, шул аҡсаһына ризыҡ йәки кейем ала. Шулай булғас, уны бизнесмендар йәки Кремлдә ултырғандар термины тип әйтеү мөмкинме?! Һуңғы ваҡыттағы тапшырыуҙарҙы иҫкә төшөрөп үткәндә, сәйәси иҡтисадҡа ла, социаль сәйәсәткә лә инеп киткеләнде. Мәҫәлән, тыңлаусыға “аутсорсинг” терминының мәғәнәһен аңлатып бирергә тырыштым. Мәктәп һәм балалар баҡсаларында туҡланыу, һаҡлау, йыйыштырыу, балаларҙы автобуста ташыу кеүек эштәрҙе мәғариф системаһынан башҡа предприятиеға күсереүҙең отошло һәм бик үк булмаған яҡтарын асып бирергә ынтылдыҡ. Улар ҙа – иҡтисад. Шул уҡ Белорет районының Сермән ауылында ябай егет спорт тренажерҙары заводы аса икән, был да иҡтисад.
Алда – яҙғы баҫыу эштәре. Тырматыу, ашлау, сәсеү... Фермерҙар менән ошо темаларға ла иғтибар итербеҙ. Милли һәм дини үҙенсәлектәр­ҙе файҙаланып аҡса эшләүселәр, кейем тегеүселәр менән тапшырыу ҙа ошо арала Һеҙгә барып етер, хөрмәтле тыңлаусыбыҙ.
“Иҡтисад һәм донъя” тапшырыуын һәр кесе йома һайын 10 сәғәт 11-се минутта (киске сәғәт 8 тула 25 минуттан – ҡабатлау) тыңлағыҙ.
Тапшырыуҙың яҙма вариантын беҙҙең рәсми сайтта ла тыңларға мөмкин. Адресы – yuldashfm.ru.

Бәйтулла ФӘТҠУЛЛИН....

Яңы тауыштар, яңы моңдар…
Медиа // 22-03-2017, 11:18


Яңы тауыштар,  яңы моңдар…
Әҙәм балаһының күңеле, булмышы йыр-моң менән һуғарылған. Күптәр тормошон ҙур сәхнә менән бәйләмәһә лә, матур йырлай, тауыштары иҫ киткес моңло. Арабыҙҙа үҙе өсөн генә йырлап йөрөгән бик һәләтле кешеләргә ҡарап, ни эшләп артист булманы икән, тип аптырайбыҙ. Иң халыҡсан радио ойоштор­ған “Юлдаш” йыры” конкурсы йәштәргә оло сәхнәгә старт булһа, өлкәндәргә йәшлек хыялдарын тормош­ҡа ашырырға ярҙам итә. Унда йыр-моңға ғашиҡ төрлө һөнәр эйәләре үҙҙәрен халыҡҡа танытыу мөмкинлеген ала. Йылдан-йыл конкурс популярлаша, проект үҫешә. Бәйгелә еңеүселәр онотолмай.
Уларҙың йырҙары радио тулҡындарында даими яңғырай. "Юлдаш" радиоһы хеҙмәткәрҙәре уларҙың артабанғы ижади үҫешен күҙәтеп бара. Яңы йырҙарын тәҡдим итә, тапшырыуҙарға, эфирҙан тыш үткәрелгән сараларға, акцияларға саҡыра.
...

“Ҡәҙерле кешемә”
Медиа // 14-03-2017, 09:59


“Ҡәҙерле кешемә”
Ҡәҙерле дуҫтар!
Беҙҙең халыҡҡа хис-тойғоларҙы йыр-моң аша әйтеп биреү хас. Сөнки тап йыр-моң аша күңел ҡылдарының иң нескәләрен сиртергә, йөрәктә булып та, телгә килеп етә алмағанды аңлатырға мөмкин.
...

Атайым тураһында һөйләгеҙ
Медиа // 6-03-2017, 11:15


Атайым тураһында һөйләгеҙ
Атайҙың әйткәндәре һәр ваҡыт хәтерҙә. Бала саҡта аңлап та, баһалап та етмәгән һүҙҙәрҙең мәғәнәһенә йылдар үткән һайын нығыраҡ төшөнәһең. “Юлдаш” радиоһында өсөнсө йыл рәттән эфирға сыға килгән “Атайым тураһында һөйләгеҙ” тапшырыуы ла атайҙар васыяты, атай­ҙар аманаты, атайҙар тәрбиәһе тураһында. Беҙҙең аранан киткән, үҙенән һуң яҡты эҙ, күркәм эштәр ҡалдырған, атаһының ғына түгел, тотош милләтенең улы булған уҙамандар программа геройҙары итеп һайлана....

Пирамида кеүек күп ҡырлы
Медиа // 28-02-2017, 08:30


Пирамида кеүек күп ҡырлы
Пирамиданы һәр кем күҙ алдына килтерәлер. Юҡ-юҡ, Мысырға тартмай әле күңел. Миҫал өсөн генә. Пирамиданы бер яғынан тороп ҡараһаҡ, нимә күрәбеҙ?

Әлбиттә, өсмөйөш. Ә туп-тура, өҫтөнән? Шаҡмаҡ, квадрат, тиерһегеҙ. Дөрөҫ тә һымаҡ, тик пирамида тигәндәренең шаҡмаҡ та, өсмөйөш тә түгел икәнлеген беләбеҙ. Тимәк, реаль картинаны күҙ алдына баҫтырыу өсөн ана шул пирамиданы бер тапҡыр булһа ла әйләнеп сығырға кәрәк....

«Юлдаш» йыры – 2017» яңы йырсыларҙы көтә
Медиа // 20-02-2017, 14:13


 «Юлдаш» йыры – 2017» яңы йырсыларҙы көтә
«Юлдаш» йыры» баштан уҡ ҡатнашыусыларының үҙенсәлекле, күп яҡлы булыуҙары менән йәлеп итте. Теш табибы Нәғим Ғәлин, Тольяттиҙан инженер Хәтижә Ғиниәтова, зоотехник Фәрит Йосопов, төҙөүсе Дилбәр Нурғәлиев ҡына ни тора! Тағы ла инженерҙар, эшҡыуарҙар, балта оҫталары, уҡытыусылар, ашнаҡсылар, спортсылар, юристар һ.б. Улар тәүге аҙымдарын тап «Юлдаш» йыры»нда яһап, ҡанат нығытты.
...

Халҡыбыҙҙың аҫыл йыр мираҫын еткереүсе “Хазина”
Медиа // 6-02-2017, 12:10


Халҡыбыҙҙың  аҫыл йыр мираҫын еткереүсе “Хазина”
Тәүлек әйләнәһе эшләгән “Юлдаш”тың эфир йөкмәткеһенең күп өлөшөн төрлө йүнәлештәге йыр-моң биләй. Заманса тел менән әйткәндә, музыкаль контенттың үҙенсәлеге уның төрлөлөгө менән билдәләнә. Халыҡ йырҙары ла, классик һәм инструменталь көйҙәр ҙә, йәштәр зауығына тура килгән рок һәм поп, дискотека музыкаһы, заманса стилдәге йырҙар, урта быуын күңеленә яҡын ретро көй-моңдар ҙа бар. Бөгөн һүҙ халыҡ йырҙары тураһында....

“Юлдаш” килен төшөрә
Медиа // 2-02-2017, 11:03


“Юлдаш” килен төшөрә“Юлдаш” радиоһында әлегә тиклем ишетелмәгән һәм күрелмәгән ваҡиға – беҙ килен төшөрәбеҙ! Геройҙарыбыҙ – Лира һәм Азат. Улар бер-береһен бала саҡтан яҡшы белә. Икеһенең дә олатай-өләсәйҙәре Мәләүез районының Аптраҡ ауылында йәшәй. Улар янына ял итергә ҡайтып йөрөгән йәштәр дуҫлашып китә, дуҫлыҡ хистәре оло мөхәббәткә әүерелә. Күмертау ҡалаһы ҡыҙы Лира Мөҡсимова әле Өфө авиация техник университеты студенты, 4-се курста белем ала. Мәләүез егете Азат Һөйәрғолов иһә “Газпромнефте­химсалауат” ойошмаһында машинист булып эшләй. Йәштәрҙең яратҡан шөғөлдәре, уртаҡ ҡыҙыҡһыныуҙары күп. Шул иҫәптән улар радио тыңларға ла ярата. Шуға ла Азат яратҡан радиоһы үткәргән концертта һөйгәненә өйләнешергә тәҡдим яһарға була ла инде. Былтыр үткән “ЮлдашХит” концертында уның сәхнәнән әйтелгән: “Лира, мин киләсәк тормошомдо һинең менән бәйләргә теләйем. Миңә кейәүгә сығырға ризаһыңмы?” – тигән һүҙҙәре бар тамашасыны аптыратты ла, һоҡландырҙы ла. Һәр хәлдә, концертҡа килеүселәр егеттең ҡыйыулығын, кейәүгә сығыу тәҡдименең үҙенсәлекле булыуын баһаланы. Лира ла бындай тәҡдимдән баш тарта алманы. Ғашиҡтар көнөндә “Юлдаш” ра­диоһы тура эфирҙа уларҙы ҡауыштырырға һәм туй үткәрергә ниәтләй. “Бәйләнештә” социаль селтәрендәге “Юлдаш” радиоһының асыҡ төркөмөндә Азаттың Лираға тәҡдим яһаған мәлен мәңгеләштергән видеояҙма 7 мең “лайк” йыйһа, тура эфирҙа йәш­тәр­ҙе өйләндерәсәкбеҙ. Йәштәргә бәхет теләп, уларға “лайк”тар ҡуйығыҙ. Тулы мәғлүмәт “Юлдаш” радиоһының “Бәйләнештә” социаль селтәрендә.

Гүзәл ЗАРИПОВА....

“Сәләмәт булайыҡ” йәғни сирҙе дауалауға ҡарағанда иҫкәртеү отошло!
Медиа // 23-01-2017, 12:24


“Сәләмәт булайыҡ” йәғни сирҙе дауалауға ҡарағанда иҫкәртеү отошло!
Һаулыҡ – ҙур байлыҡ, тип бушҡа әйтмәйҙәр. Уны һатып алып та, бүләк итеп тә булмай. Һау-сәләмәт булыу иң элек кешенең үҙенә бәйле. Ә һалҡын тейеүҙе, киҙеүҙе алдан иҫкәртеп буламы? Ошо һәм сәләмәтлеккә ҡағылышлы башҡа мәсьәләләрҙе күҙ уңында тотоп, тыңлаусыларыбыҙҙы сәләмәтлек серҙәре менән таныштырыу, уларға табип-белгес кәңәштәрен еткереү, сирҙәр­ҙе иҫкәртеү маҡсатында "Юлдаш" радиоһында "Сәләмәт булайыҡ" проекты ойошторолдо. Ул эфир тулҡындарына йома көн "Иртәнсәккәй тороп" проектында сыға, тулыраҡ тапшырыу булып һәр икенсе дүшәмбе көндөҙгө 11 сәғәт 15 минутта һәм киске 8 сәғәт 15 минутта донъя күрә.
Һаулығыбыҙҙы нисек кенә һаҡлар­ға тырышһаҡ та, барыбер табиптарға һәм аҙым һайын теҙелеп торған дарыуханаларға мөрәжәғәт итмәйенсә йәшәй алмайбыҙ. Дарыуҙарға көндән-көн хаҡтар арта, уларҙың арзан аналогтары бармы? Ниндәй дарыуҙарға өҫтөнлөк бирергә? Киҙеүҙе ни өсөн табиптар антибиотиктар менән дауаларға кәңәш итмәй? Сығарылыштарҙа ошондай көнүҙәк мәсьәләләр күтәрелеп, өлкәне яҡшы белгән табиптар ярҙамында бергәләп яуаптар эҙләйбеҙ. Төшөнкөлөккә бирелеүҙән, стрестан һәм хәүефләнеүҙән дарыу төймәһе йәки башҡа дауа ярҙамында ғына түгел, ә күңелде күтәрерлек, йылылыҡ өҫтәүсе төрлө ысулдар менән дә ҡотолорға мөмкин. Сырхауҙың сәбәбе – хәрәкәт һәм кәрәкле витаминдар етмәү. "Сәләмәт булайыҡ" рубрикаһының алдағы сығарылыштарында ошо хаҡта ла ишетербеҙ.
Әҙәм балаһы сирләгәндә генә һаулыҡтың иң ҙур байлыҡ икәнен хәтергә төшөрөүсән. Табип сирҙе дауалай, ә сәләмәтлекте һәр кем үҙе булдыра. Сәләмәт кеше – матур кеше. Әгәр инде күңелебеҙ "ауырый" икән – тәнебеҙ ҙә интегә. Һәр яҡлап сәләмәт булайыҡ! Һеҙҙән һорауҙар менән хаттар көтәбеҙ. Тапшырыуҙарҙы uldashfm.ru адресы буйынса беҙҙең рәсми сайтта ла тыңларға мөмкин.
Сәриә Рамазанова.
...

“Зирәк”, йәғни белемлене көтә бүләк
Медиа // 17-01-2017, 16:23


“Зирәк”, йәғни белемлене көтә бүләк
Бына инде күп йылдар “Юлдаш” тулҡындарында “Тамыр” студияһының “Зирәк” уйыны елә һәм йомробаш малай менән ҡыҙҙарға бүләктәрен өләшә....


  • “Балалар менән эшләүе оҡшай”
  • Башҡорт википедияһы йәштәрҙе көтә!
  • Үәт, ҡыҙыҡ! (20.04.2018)
  • Ҡарғыш алма, алғыш ал!
  • Көнбағышлы пакет
  • Ҡурайсы, актер, йырсы, етәксе
  • Гимндар төрлө була…
  • Ураҙа айы мөбәрәк булһын!
  • Ишекте бикләгәндәр...
  • Ремонт эшләүселәргә кәңәштәр



  • Радио Юлдаш FM