НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Страница 5

“Махсус репортаж”
Медиа // 2-12-2016, 11:30


“Махсус репортаж”“Бына һеҙ кем, журналисмы? Яҙаһығыҙ. Интервью алаһығыҙ. Ә минең ундай һәләтем юҡ. Мин – бур. Һәм мин дә үҙ эшемдә оҫта, талант. Төрмә – минең икенсе өйөм. Инәм дә сығам, инәм дә сығам…”
Енәйәтсе-рецидивист менән асыҡ һөйләшеү. Тапшы­рыуҙы тыңлаусылар уны хәтерләйҙер. Кеҫә бурҙарын то­тоу­ҙа ҡатнашҡаныбыҙҙы, хатта ҡулынан эләктереп, үҙен стенаға терәп ҡуйыуыбыҙҙы һөйләгәйнек инде һеҙгә. Беҙгә травматиканан атып ҡасҡан енәйәтсене ҡыуа төшөүебеҙҙе лә, хәйер һорауҙы бизнесҡа әйләндергән мафия хаҡында ла… Күп ул темалар. Негатив, тиһегеҙме? Юҡ, ысын тормош. Дәлилдәр. Журналист эҙләнеүе. Социаль-ижтимағи проблемалар. Бөгөн беҙгә нимә кәрәк? Ғәҙеллек. Биҙәлмәгән, бөҙрәләтелмәгән ваҡиғалар. Уларҙы асыҡлау юлы....

«Иҡтисад һәм донъя» йәки ялҡау бесәй булмайыҡ
Медиа // 18-11-2016, 14:20


«Иҡтисад һәм донъя» йәки ялҡау бесәй булмайыҡ
Иҡтисад – боронғо грек һүҙе. Мәғәнәһен беҙҙеңсәгә әйләндергәндә, «йорт хужалығын алып барыу» төшөнсәһен бирә. Хәҙерге заманда иҡтисадты башлыса аҡса менән бәйләп ҡарау ғәҙәткә ингән. Ә дөйөм алғанда, уның төп функцияһы – халыҡтың тормошо һәм эшмәкәрлеге өсөн кәрәк булған уңайлыҡтарҙы булдырыу. Сөнки иҡтисадһыҙ йәмғиәттең үҫешмәүе барыбыҙға ла яҡшы мәғлүм. Ана шулай ҡатмарлы, шул уҡ ваҡытта бик ябай ғына аңлатыр­ға мөмкин «Иҡтисад һәм донъя» тапшырыуының асылын. Берәүҙәр ауыл хужалығы өлкәһендә бәхетен һынап ҡарай: мал үрсетеп, ер эшкәртеп аҡса табырға өйрәнә. Икенселәре – төҙөлөштә, өсөнсөләре – интеллектуаль бизнеста, дүртенселәре башҡа йүнәлеш таба.
...

“Ике йондоҙ”
Медиа // 14-11-2016, 12:53


“Ике йондоҙ”Сентябрь айынан тәүге аҙымдарын башлаған "Ике йондоҙ" тапшырыуының хикмәте шунда – уны беҙ күнеккәнсә радио хеҙмәткәрҙәре түгел, ә студияға ҡунаҡ дәрәжәһендә килергә өйрәнгән билдәле шәхестәр үҙҙәре ойоштора! Башҡортостандың халыҡ артистары Рәмилә Сәлимгәрәева менән Риф Сәйфуллин – тапшырыуҙы башлап ебәреүселәр. Радио тыңлаусыларҙы ошо һуҡмаҡтарға, халыҡ теле менән әйткәндә, тап уларҙың еңел аяҡтары менән әйҙәнек....

“Юлдаш” радиоһы яңы миҙгелдә
Медиа // 9-11-2016, 17:14


“Юлдаш” радиоһы яңы миҙгелдә
1 сентябрь. Салт аяҙ, матур кис. Салауат Юлаев һәйкәле янындағы майҙан. “Сәләм, студент!” байрамы. Алып барыусыларыбыҙ һәм эстрада “йондоҙҙары” ҡатнашлығында сағыу тамаша, күңелле уйындар, матур бүләктәр. Иҫегеҙгә төштөмө хәҙер? Эйе-эйе, эфирҙың яңы миҙгелен меңдәрсә тыңлаусыһын йыйып, өфөләргә ҙур байрам ойоштороп асыу – “Юлдаш” өсөн хәҙер изге йола. Ике ваҡиғаны тура килтереп, йырҙар тыңлап, рәхәтләнеп аралашып, халыҡҡа матур ял бүләк итеп, “Беҙ – бергә!” тигән девизыбыҙға тоғролоҡто тағы бер раҫланыҡ....

“Тормош навигаторы”быҙ һүнмәһен
Медиа // 14-10-2016, 12:15


“Тормош  навигаторы”быҙ  һүнмәһен Тормош тиктормош түгел, ти халыҡ. Ысынлап та, тормош юлынан һәр кемгә үҙ арбаһын тартып барырға тура килә. Бында тапалған ерҙән үтеүселәр ҙә, яңы һуҡмаҡтар ярыусылар ҙа бар. Әммә барыһын да, тормош юлы таҡырыраҡ, арбалар нығыраҡ булһын, тигән ышаныс-өмөттәр берләштерә. Йөктәр ҙә өҫтәлеп тора. Әҙәмдәр араһында юл саттарында баҙап ҡалғандар ҙа, һаҙлыҡҡа батып, арбаһын сығара алмай ултырғандар ҙа, туҡтауһыҙ йөк тартып барыуҙан ялҡып, арба өҫтөнә ултырып, тәгәрмәс тәгәрәгән яҡҡа барғандар ҙа етерлек... Һәр кемдең үҙ ҡиәфәте.
Тәүтормоштағы һымаҡ уҡ, кеше йәшәргә ынтыла. Әлбиттә, хәҙер йәшәргә тырышыу тигән төшөнсә аҙыҡ-түлек табыу, мәмерйәне йылытыуға ҡайтып ҡалмай, һәр замандың – үҙ талабы. Хоҡуҡи дәүләттә йәшәйбеҙ, ҡанун-нормаларҙы ла теүәл белергә кәрәк. Белем алыу, эш, карьера, ғаилә мөнәсәбәттәре, торлаҡ мәсьәләһе, көндән-көн киңерәк таралған интернет, сәләмәтлек, мутла­шыусылар һәм башҡаһы күп тормошобоҙҙа.
"Юлдаш" радиоһында һәр шишәмбе яңғыраған "Тормош сифаты" рубрикаһы ана шундай төрлө даирәгә ҡағылған темаларҙы үҙ эсенә ала. Бында яңы ҡанундарға бәйле мәсьәләләр тикшерелә, тормош-көнкүреш кимәлен күтәрер яңылыҡтар еткерелә, төрлө ҡатмарлы хәлдәрҙән сығыуға бәйле белгес кәңәштәре яңғырай. Ғөмүмән, тормош боролоштарында юғалып ҡалмаҫ өсөн, замансалап әйткәндә, "тормош навигаторы" тигәнерәк маҡсаттар ҡуйып әҙерләнә рубрикабыҙ. 18 октябрҙә, мәҫәлән, киҙеү, уның быйылғы төрө, һаҡланыу юлдары тураһында әңгәмә ҡорорбоҙ. Уны 11 сәғәт 15 минутта һәм кис 15 минуттан 9 тула тигәндә тыңлағыҙ.
Һәр шишәмбе радиобыҙ тулҡындарында яңғыраған "Тормош сифаты" сығарылышы тормош юлдарына яңы аяҡ баҫҡандарға, ярайһы тәжрибәле булып та, яңылыҡтар алдында баҙап ҡалғандарға, тыңлаусыларыбыҙҙың һәммәһенә үҙенә күрә бер маяҡ, юл күрһәткесе була алһа, бурысыбыҙ үтәлде, тип әйтә алабыҙ. Тормошобоҙ сифатлы булһын.
...

“Китап донъяһы”
Медиа // 7-10-2016, 13:42


“Китап донъяһы”
«Китапһыҙ өй – тәҙрәһеҙ бүлмә», «Китап уҡымаған әҙәм – сәскә атмаған үлән» кеүек ҡанатлы һүҙҙәрҙе халыҡ телендә йыш ишетәбеҙ.

Ысынлап та, күңелең теләгән әҫәр йәнгә рухи аҙыҡ бирә. Шуға ла үткән йыл беҙҙең каналда «Китап донъяһы» тигән рубрика асылғайны. Халыҡ һорауы бу­йынса быйыл уның күләме ҙурайтылды һәм тапшырыу айына ике тап­ҡыр сығасаҡ. Әле эфир­ҙа Шәйехзада Бабич исемендәге республика йәштәр премияһы лауреаты, Башҡортос­тан­дың атҡаҙанған матбуғат һәм киң мәғлүмәт хеҙмәткәре Фәрзәнә Аҡбу­латованың китаптарына күҙәтеү яһалды. Уның әҙә­би майҙанда эре аҙымдар яһауы – «Яҙы­лып бөтмәгән китап», «Янған аттар» романдары – киң ҡатлам уҡыусылар күңеленә хуш килде. Әҙәбиәтсе Гөлфирә Гә­рәева: «Бөгөнгө прозаиктарыбыҙ Т. Ғи­ниәтул­лин, Н. Мусин, Т. Ға­рипова, Ә. Әминев, Р. Камал, Г. Ғиззәтуллина һ.б. араһында Фәрзәнә Аҡбулатова – иң йәше. Әҙибәнең ижады өлгөрөп еткән, быуынға ултырған, тормошҡа ҡарашы осҡорланған, йәшәйеште фәлсәфәүи күҙлектән тороп байҡау, баһалау юғарылығына күтәрелгән мәле. Ки­ләсәктә лә милли прозабыҙ кимәлен билдәләр­ҙәй аҫыл әҫәрҙәр яҙырына өмөтөбөҙ ҙур», – тигән фекерен белдер­ҙе. Әҙибәнең күңел көмбәҙендә тарихи роман баҙлай.
Йылайыр районында йәшәп, әүҙем ижад итеүсе Зөлфирә Ҡаҙаҡ­баеваның гәлсәр күңелендә «Мәрхәмәтле бул­һын яҙмыш» тип аталған өсөнсө китабы өлгөрҙө. Уға, шулай уҡ башҡа прозаиктарҙың сағыу әҫәрҙәренә лә тиҙ арала байҡау булыр.
Шағирә Таңһылыу Ҡарамышева бер-бер артлы ике китабы менән шатландырҙы. Үҙе әйтмешләй, береһе – «Мәң­гелек сәфәр» – аҡыл менән, икенсеһе – «Көҙ йәйе» – йөрәк менән яҙылған. Ысынлап та, тәүгеһендә, исеменән үк күренеүенсә, кеше йә­ненең мәңгелеге, бәндәнең күктәрҙән бирелгән асылы тик изгелеккә, яҡшылыҡҡа ҡоролған булыуы раҫлана. Уҡыу­сылар был китаптың тормошта юғалып ҡалмаусылар, көслө рухлылар өсөн тәғәйен булыуын күреп ҡыуаныр, тигән өмөттәбеҙ. Ә «Көҙ йә­йе»ндә әбейҙәр сыуа­ғына бәрәбәр яҡты кисерештәр өҫтөнлөк итеүе, китап көтөлмәгән поэтик табыштарға ифрат бай булыуы хаҡында һөйләрбеҙ.
Шулай уҡ драматургиябыҙҙағы яңы исемдәр, әҙәби-эстетик за­уыҡ менән һуғарылған пьесалар ҙа күҙ уңында булыр.
Китап яратҡан кешене тормош ҡытыршылыҡтары, төрлө проблемалар ҡурҡытмай. Киреһенсә, сәм уята, йәшәү һуҡмаҡтарын табырға өйрәтә, еңеүгә илһамландыра. Башҡорт, рус, донъя әҙә­биәте классиктарының әҫәрҙәре хаҡында йыл әйләнәһе хәбәрҙар булырға теләһәгеҙ, «Ки­тап донъяһы»на рәхим итегеҙ, дуҫтар!
Әнисә Муллағолова....

“Юлдаш” тәҡдим итә: “Телһөйәр”
Медиа // 23-09-2016, 13:43


“Юлдаш” тәҡдим итә: “Телһөйәр”
"Юлдаш" радиоһы тулҡындарында донъя күргән "Телһөйәр" рубрикаһы туған башҡорт телен яратыусы, үҙ телендә аралашыусы, уны тағы ла нығыраҡ өйрәнергә, тел байлығын арттырырға теләүсе тыңлаусы өсөн әҙерләнә.
Көндәлек тормошта башҡорт телендә аралашҡан, яҙышҡан кеше лә ул байлыҡты үтә лә самалы ҡуллана. Аҡыл эйәләренә тиң зыялыларыбыҙ төҙөгән һүҙлектәрҙә лә туған телебеҙ хазинаһының бик аҙ өлөшө теркәлгән. Ә ни тиклем гүзәл, тәрән, моңло ул беҙҙең тел! Башҡа телдәрҙә булмаған мәғәнәле һүҙҙәре күпме уның! Ә ни тиклем яңғырашлы был һүҙҙәр! Ошо һүҙҙәр тулы­һынса телмәребеҙгә инеп, һөйләшебеҙҙә ҡулланылып, яҙған мәҡәләләребеҙҙә, тапшырыу­ҙарыбыҙҙа яңғыраһасы. Улар­ҙың күбеһе телмәрҙән бөтөнләй төшөп ҡалған, ҡайһылары айырым төбәктәрҙәге һөйләштәрҙә генә осрай йәки иҫкергән иҫәпләнә, онотолғандары ла бар. һуңғы йылдарҙа күп һүҙ телмәребеҙгә кире ҡайтарылды, әлбиттә, руссанан тәржемәләрен ҡуллана башланыҡ. Был исемлекте тағы ла киңәйтеү, тап үҙебеҙҙең һүҙҙәрҙе телмәргә индереү маҡсатында эшләнгән сығарылыштарыбыҙҙа һүҙҙәр аңлатмаһы өсөн З. Ураҡсин етәкселегендә төҙөлгән "Башҡортса-русса һүҙлек" ҡулланыла.
Тапшырыуҙы тыңлап барыусылар үҙҙәре үк, ҡабатлауға бер аҙ ваҡыт бүлгәндә, һүҙҙәр тупланмаһының артыуын, үҙ телен белмәүселәрҙә туған телде өйрәнеү теләге тыуыуын, киң ҡулланышта булмаған, хаҡһыҙ онотол­ған һүҙҙәргә, һүҙбәйләнештәргә ҡыҙыҡһыныу барлыҡҡа килеүен белдерә.
Һөйләгәндәребеҙ урынлы, телмәребеҙ бай, һүҙебеҙ татлы булһын, милләттәштәр.
"Телһөйәр" рубрикаһын "Юл­даш" тулҡындарында һәр дүшәмбе 9 сәғәт 17 минутта һәм 20 сәғәт 45 минутта тыңлай алаһығыҙ.
“Юлдаш” тәҡдим итә: “Телһөйәр”...

“Толпар” ҡуя ҡанат
Медиа // 22-09-2016, 13:30


“Толпар” ҡуя ҡанат
Яңыраҡ Ейәнсура районының Иҫәнғол ауылында "Толпар" III республика балалар һәм үҫмерҙәр теле-кинофестивале шаулап-гөрләп үтеп китте. Фестиваль барышында, конкурста ҡатнашыусы фильмдарҙы ҙур экранда күрһәтеү, уларға баһа биреүҙән тыш, билдәле режиссерҙарҙың фильмдарын ҡарау, телевидение, кино йүнәлештәре буйынса оҫталыҡ дәрестәре уҙғарылды.

Конкурста Санкт-Петербург, Өфө, Стәрлетамаҡ, Бәләбәй, Сибай ҡалаларынан һәм Әбйәлил, Ейәнсура, Баймаҡ райондарынан 20 йәше тулмаған мәктәп уҡыусылары, студенттар ҡатнашты. "Иң яҡшы ҡыҫҡа метражлы фильм" номинацияһында еңеүсе тип Иҫәнғол ҡыҙы Алена Козлова төшөргән "Үҫмер ғүмере" фильмы, ә төп ролде башҡарыусы Рәфил Әйүпов иң яҡшы ир-егет ролен башҡарыусы тип танылды. Нәфис фильмдар араһында Әбйәлил районының Байым ауылы ҡыҙы Илмира Илна­зарованың "Сауап" фильмына етеүсе булманы. Шулай уҡ ошо фильмда уйнаусы Айым Илғыуатова ҡатын-ҡыҙ ролен иң яҡшы башҡарыусы тип табылды. "Иң шәп документаль фильм" тип Өфө ҡалаһынан Зәриә Моратованың "Рәми Ғарипов" фильмы табылһа, анимацион фильмдар араһында Бәләбәй ҡалаһының башҡорт гимназия-интернаты уҡыусылары төшөргән "Миру – мир" фильмы еңеү яуланы. Өсөнсө йыл "Иң шәп оператор" номинацияһында еңеү яулаусы Ейәнсура районы ҡыҙы Диана Ейәнғолова быйыл "Айлу" фильмы өсөн "Иң яҡшы режиссер" исеменә лә лайыҡ булды. Сценарий буйынса "иң-иң"е тип Стәрлетамаҡ ҡалаһының "В центре" студияһының "Ысын сценарий" фильмы билдәләнде. Ә "Иң шәп идея" өсөн Өфө ҡалаһынан "Идея" киностудияһы бүләкләнде. "Тамыр" балалар һәм үҫмерҙәр телеканалының махсус призы менән Стәрлетамаҡ ҡалаһының "В центре" студияһы "Телепорт" фильмы өсөн бүләкләнде, Катрина Дүшәнбаева "Ысын сценарий" фильмында төп ролдә уйнаусы Анатолий Самковҡа студияла шөғөлләнеү өсөн 15 мең һумлыҡ сертификат тапшырҙы.
Жюри ағзалары булараҡ, "Тамыр" телеканалы режиссеры, алып барыусы Ләйсән Мәзитова, Башҡортостандың Кинематографистар союзы ағзаһы Катрина Дүшәнбаева, популяр йырсы, актриса Лиана Хәбибуллина, билдәле журналист һәм прозаик Фәрзәнә Аҡбулатова, Башҡортостандың атҡаҙанған мәҙәниәт хеҙмәткәре, драматург Сәрүәр Сурина, Ейәнсура районы музейы директоры Гөлшат Дүшәнбаева саҡырылды. Фестивалде "Ар­ҡайым-продакшн" студияһы Ейәнсура районы хакимиәтенең мәҙәниәт, мәғариф бүлектәре, район мәҙәниәт йорто ярҙамы менән ойошторҙо.

Гөлнур ҠЫУАТОВА.

Фекерҙәр


Рәфис ҠУЙБАҒАРОВ, фестиваль етәксеһе:
– Йылдан-йыл фестивалдә ҡатнашыу­сылар, ҡунаҡтар, волонтерҙар һаны арта, тик аҡса проблемаһы һаман да шул уҡ кимәлдә ҡала. Аҡса иң мөһиме түгел, ләкин унһыҙ бер нәмә лә эшләп булмай, ҡыҙғанысҡа ҡаршы.
Фестивалде ойоштороп ебәреүемдең төп сәбәптәренең береһе – Башҡор­тостанда медиа-ижадтың, кинематографияның һүлпән үҫешеүе. Балаларҙа киноға, телевидениеға ҡарата ҡыҙыҡһыныу уятып, киләсәктә уларҙың профессия һайлауына булышлыҡ итеү, профессиональ кадрҙарҙы арттырыу, яҡшы сифатлы милли киноның күләмен һәм кимәлен күбәйтеү – төп маҡсаттарымдың береһе.

Фәрзәнә АҠБУЛАТОВА, журналист һәм яҙыусы, жюри ағзаһы:
– Фестивалде йыл да ҡалдырмаҫҡа тырышам, сөнки кино сәнғәтендә үҙен һынап ҡараусы йәш быуын менән осрашыу онотолмаҫ тәьҫораттар ҡалдыра. Улар ижадсы булып һынлана, үҙҙәренең ҡыҙыҡһыныуҙарын, уй-ниәттәрен, ынтылыштарын ижад аша еткерә. Йәштәр, үҫмерҙәр ниндәйҙер проблема күтәрә, шатлығын һөйләй йәки йылмайырға саҡыра икән, был тормош үҙе түгелме ни? Улар менән ҡуша беҙ ҙә кино тигән оло донъяны гиҙәбеҙ, араларынан киләсәктә бына тигән режиссерҙар, операторҙар үҫеп сығыр тигән өмөт бар. Конкурста ҡатнаш­ҡан һәр кем кино юлын һайламаҫ, ләкин улар фекерләргә, йәмғиәттә үҙ мөнәсәбәтен сағылдырырға өйрәнә. Был бик һәйбәт!
...

Күҙ етмәгән ергә һүҙ етә
Медиа // 16-09-2016, 11:55


Күҙ етмәгән ергә һүҙ етә
«Башҡортостан» телерадиокомпанияһының «Юлдаш» һәм «Ашҡаҙар» каналдары үҙҙәренең даими тыңлаусыларына яҡшы таныш булған күренекле публицист һәм журналист Марсель Ҡотлоғәлләмовтың радио фондында һаҡланған тапшырыуҙарынан төҙөлгән аудиодиск әҙерләне. Унда авторҙың иҡтисад, сәйәсәт, социаль тормош, әхлаҡ, мәҙәниәт кеүек ғәйәт мөһим өлкәләргә ҡағылышлы йөҙҙәрсә тапшырыуының бер нисә тиҫтәһен генә индерә алдыҡ....

«Сәләм, студент!»
Медиа // 9-09-2016, 14:35


«Сәләм, студент!»«Юлдаш» радиоһы – 15 йыл эфирҙа. Ошо ваҡыт арауығында FM – 105.5 тулҡындарында ниндәй генә тапшырыуҙар үтмәне, ниндәй генә проекттар тыңлаусыға еткерелмәне! Быйыл да яңы миҙгелдән яңы тапшырыуҙар, матур йырҙар үҙ тыңлаусыһын һөйөндөрә. Ә «Сәләм, студент!» – коллективтың йәмәғәт эштәрендә лә әүҙем ҡатнашыуын иҫбатлаусы дәлил. Быйыл да ул Өфөнөң Киров районы хакимиәте менән берлектә уҙғарылды.
...


  • Исемең матур, кемдәр ҡушҡан, Һине күреп кем туйған…
  • Дилә ИШБАЕВА.
  • “Кеше үлемендә минең дә ғәйебем бар...”
  • Ҡалған ризыҡты нимә эшләтергә?
  • Үҙҙәре «һауын»ға әйләнеп бара...
  • Үәт, ҡыҙыҡ! (3.11.2017)
  • Донъяһына күрә түрәһе
  • Ләйсән Ҡаразбаева хәбәр итә:
  • Бала тәрбиәләүсе ғаиләләр өсөн ташламалар һәм пособиелар
  • Кешегә исем бүләк итәләр



  • Радио Юлдаш FM