НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Тапшырыуҙарҙы бергәләп әҙерләйек

Тапшырыуҙарҙы бергәләп әҙерләйек


Тапшырыуҙарҙы бергәләп әҙерләйек
Сәләм, дуҫтар! Мин – Наҙгөл Сәлихова, «Тамыр» каналының йәш хәбәрсеһе. «Юлдаш» радиоһында «Тау-тау хәбәр» тапшырыуын әҙерләп алып барам. Алып барыусы булыу ҙур хыялым ине, маҡсатыма ирешә алыуым менән сикһеҙ бәхетлемен.

«Тау-тау хәбәр» – балалар, үҫмерҙәр, студенттар өсөн шәп, ҡыҙыҡлы яңылыҡтар менән тулы булған тапшырыу. Беҙ унда тыңлаусыларыбыҙға Ер шарындағы ваҡиғаларҙы, ил хәбәрҙәрен, Башҡортостан яңылыҡтарын еткерәбеҙ. Тапшырыуыбыҙ һәр аҙнаның дүшәмбеһендә киске сәғәт 8-се 15 минутта тура эфирға сыға. Шулай уҡ һеҙ ҙә беҙгә шылтыратып, шәп яңылыҡтарығыҙҙы һөйләй алаһығыҙ. Сөнки беҙ тура эфирҙа эшләйбеҙ. Әйткәндәй, тура эфирҙан һуң гел дәртләнеп, ҡанатланып ҡайтам һәм сираттағы тапшырыуҙы ашҡынып көтәм, сөнки тыңлаусылар менән аралашыуҙан илһам алам. Был эш менән шөғөлләнеүем үҙемә бик оҡшай.
Мин яратып эшләгән «Тау-тау хәбәр» тапшырыуынан тыш, «Юлдаш» радиоһында «Тамыр»ҙар әҙерләгән «Зирәк», «Күпер», «Һөнәрсе менән өйрәнсек», «Кластан тыш», «Иләү» тапшырыуҙары бар.
Яңы миҙгелдә был тапшырыуҙарҙың эфирға сығыу көндәрендә үҙгәрештәр булды. «Тау-тау хәбәр», һәр ваҡыттағыса, дүшәмбелә һигеҙенсе ун биш минутта сыҡһа, шишәмбелә бер аҙнала «Зирәк» радиоуйынында ҡатнашһағыҙ, киләһе шишәмбелә рәхәтләнеп «Күпер» тапшырыуын тыңлай, унда барған ҡыҙыҡлы әңгәмәлә ҡатнаша алаһығыҙ. Кесе йомала иһә бер аҙнала «Һөнәрсе менән Өйрәнсек» тапшырыуын тыңлап, һөнәрҙәр тураһында белһәгеҙ, икенсе аҙнаһында «Кластан тыш» тапшырыуы геройҙары менән танышырһығыҙ. Ә инде «Иләү» тапшырыуы, һәр ваҡыттағыса, кискеһен, 15 минуттан 9 тула тигәндә бәләкәстәрҙе йоҡларға оҙата. Ошо көндәрҙә беҙҙе тыңларға, тура эфирҙа барған тапшырыуҙарҙа ҡатнашырға онотмағыҙ!
«Юлдаш» студияһындағы тура эфир телефоны: 285-77-85.
Дуҫтарым! Әгәр ҙә хыялдарығыҙ тормошҡа ашһын тиһәгеҙ, маҡсат ҡуйып, уға ирешергә тырышығыҙ! Минең һымаҡ!

Сығыу ваҡыты 25-10-2018, 06:00 | Ҡаранылар: 99
|
  • "Юлдаш"та - яңы миҙгел!
  • «Тамыр»лы «Юлдаш»
  • «Юлдаш»та «Тамыр» гөрләй
  • «Юлдаш»та «Тамыр» һөйләй
  • Йәш "Юлдаш"тарыбыҙ күңеленә һалынған "Күпер"
  • Информация

    Комментировать статьи на сайте возможно только в течении 4 дней со дня публикации.


    Борьба с коррупцией

    [/aviable]

  • Логотибы яман, шыр хаталы булһа ла «Башҡортостан гүзәле-2018» матурлыҡ конкурсы тамамланды
  • Мең дә бер кисәнән кәм түгел (Булған хәл)
  • Ҡолаҡ һал! Дарыу урынына – һуттар
  • «Ғүмер буйы иремә рәнйеп йәшәйем»
  • Әлиә БАТРАЕВА, 19 йәш,
  • «Киндер - сюрприз» һораған Рамаҙанға — конструктор
  • Яңы йыл тамашаһына иң яҡшы сценарийҙы кем яҙыр?
  • Кәүсәриә
  • Ял итергә барһағыҙ
  • Рухлы ла ул, маҡсатлы ла



  • Радио Юлдаш FM