НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » “Самауыр янында”

“Самауыр янында”


“Самауыр янында”
Былтыр Мәскәүҙә үткән фестивалдә бер юлы 1800-гә яҡын кешене самауыр сәйе менән һыйлағандар. Был ваҡиға Гиннесс рекордтар китабында рәсми теркәлгән.
Меңәрләгән кешене самауыр янына “Юлдаш” радиоһы ла туплай. Мәскәү фестиваленән айырмалы, төшкө сәйгә йыйылыусылар һанына сикләүҙәр ҡуйылмай. Беҙҙең йырлы табында урын һәммәһенә лә етерлек. “Самауыр янында” проекты тыңлаусыларҙы йәнле ҡорға туплай, төрлө тема буйынса уй-фекерен етереү мөмкинлеге бирә. Тормош, йә­шәйеш, йәмғиәт, тәрбиә, әхлаҡ, кеше яҙмыштары, тә­биғәт, һаулыҡ, социаль мәсьәләләр – төшкө ҡорҙа күтәрелгән темалар төрлөлөгө менән айырылып тора. “Самауыр янына” ҡунаҡтар ҙа саҡырыла. Быйылғы тәүге осрашыу Башҡортос­тандың халыҡ артисы Фән Вәлиәхмәтов менән булды. Тыңлаусыларға яратҡан йырсылары, артистары, яҙыу­сылары менән әңгәмәләшеү, һорау яуҙырыу мөмкинлеге артабан да биреләсәк. “Са­мауыр янында” күрергә теләгән ҡунаҡтар исемлеген тыңлаусылар үҙҙәре лә тәҡдим итә ала. Беҙҙе “Бәй­лә­неш­тә” социаль селтәрендә эҙләгеҙ. Әйткәндәй, радионың асыҡ төркөмөндә тапшырыу­ҙар темаһы менән алдан таныштырып барабыҙ. Ошонда уҡ төрлө уйын, кон­курстар үткәрелә.
Хөрмәтле дуҫтар, быйылғы йылда ойоштороласаҡ ижади ярыштарҙың береһенә әҙерлекте әле үк башларға тәҡдим итәбеҙ. Ғаиләгеҙ менән самауырлы табында фотоһүрәткә төшөгөҙ. Ҡы­ҙыҡлы, үҙенсәлекле сюжетлы эш авторҙарына матур бүләктәр әҙерләйбеҙ. Алхәбәрҙәрҙе кү­ҙәтеп барығыҙ.

Гүзәл ЗАРИПОВА.

Сығыу ваҡыты 24-01-2018, 07:00 | Ҡаранылар: 139
|
  • “Самауыр янында”
  • «Юлдаш» радиоһы тәҡдим итә – «Ике йондоҙ»
  • «Самауыр янында» йыйылайыҡ
  • “Юлдаш” килен төшөрә
  • Донъяны башҡортса тыңлағыҙ!
  • Информация

    Комментировать статьи на сайте возможно только в течении 4 дней со дня публикации.


  • “Балалар менән эшләүе оҡшай”
  • Башҡорт википедияһы йәштәрҙе көтә!
  • Үәт, ҡыҙыҡ! (20.04.2018)
  • Ҡарғыш алма, алғыш ал!
  • Көнбағышлы пакет
  • Ҡурайсы, актер, йырсы, етәксе
  • Гимндар төрлө була…
  • Ураҙа айы мөбәрәк булһын!
  • Ишекте бикләгәндәр...
  • Ремонт эшләүселәргә кәңәштәр



  • Радио Юлдаш FM