RSS-подписка Вконтакте Вконтакте
» » “Юлдаш” та – Яңы йыл

10.01.2018 “Юлдаш” та – Яңы йыл

“Юлдаш” та – Яңы йыл
йәғни “Үткәндәрҙе барлап, Яңы йылға ҡарап…”
Йыл һайын декабрь аҙағында “Юлдаш” радиоһы коллективы радио тыңлаусыларға мөғжизәле һәм тылсымлы байрам әҙерләй.
28 декабрь иртәһе…
“Юлдаш”та байрам, “Үткәндәрҙе барлап, Яңы йылға ҡарап…” исемле яңы йыл марафоны үҙ эшен башланы. Серле һәм мөғжизәле эфир тулҡындары… Шыл­тыратыуҙар, ҡотлауҙар, ҡыҙыҡлы уйындар, Ҡыш бабай һәм Ҡарһылыуҙан бүләктәр – барыһы ла күптән әҙер. Эйе, юлдаштарыбыҙ ҙа әҙер ине. Улар марафон көнөн оло түҙемһеҙлек менән көттө. “Алмаш-тилмәш” проектының һөҙөмтәһе билдәле булып, ат уйнатыуҙарын ишеткәс тә, “Юлдаш” төркөмөнә хәбәрҙәр яуа башланы ғына. Уларҙың һаны-иҫәбе лә юҡ, 68 меңдән ашыу кеше “Бәйләнештә” селтәрендәге төркөмгә инде.
Көн дауамында барған эфирҙа “Юл­даш”тың алып барыусылары ат эйәһен эҙләүҙәре хаҡында иҫкәртеп барҙы. Шарттар ябай – “Юлдаш”ты тыңлап, “Бәйләнештә” селтәрендәге яҙманы үҙ сәхифәңә беркетеп ҡуйырға кәрәк ине. Махсус программа буйынса улар араһынан автоматик рәүештә бер исем һайланды. Уйынға, йәғни атҡа дәғүә итеүсе юлдаштарыбыҙҙың һаны 3823 булһа, шуларҙың 2360-ы был мәғлүмәтте үҙенә беркетеп, бәхетле минуттарҙы көттө. “Яңы йылды көткән ваҡытта мөғжизәгә ышанырға кәрәк, әҙәм балаһын өмөт, ышаныс йәшәтә”, – ти “Юлдаш” хеҙмәткәрҙәре лә.
Әйткәндәй, сентябрь айында “Юлдаш” радиоһы “Алмаш-тилмәш” проектын иғлан итте. Иртәнге эфирҙы алып барған егеттәр – Филүс, Йәмил һәм Ғәзиз ҡулдан-ҡулға тапшырылған әйберҙәр сылбырын ручканан башланы. Тыңлаусылар интернетта тәҡдимдәрен яһаны. “Юлдаш” яҙыулы ручкаға Айнур Күскилдин эйә булды, ә проектҡа ул фитнес-беләҙеген ҡалдырҙы. Шулай итеп, алмашыуҙар ҡуласаһы әйләнә башланы. Һәм, ниһайәт, ул атҡа ла барып етте. Уны Хәйбулла районы фермеры Урал Таймаҫов электр көтөүсегә алмаштырҙы. Бына шулай “Юлдаш”тар атлы булды. Был уйын ябай булһа ла, көсөргәнешле барҙы. Ат хужаһы 21 сәғәт 30 минуттан һуң билдәле булды. Ул – Ейәнсура районының Бикбирҙе ауылынан Әминә Исхаҡова. Еңеүсене ихлас күңелдән ҡотлайбыҙ!
Атыбыҙ төп бүләк булһа, был көндө эфир­ҙа үткән башҡа уйындарҙа ла һәр кем ҡатнашып, “Юлдаш” радиоһының бүләген ота алды, үҙенең яҡындарын Яңы йыл байрамы менән тәбрикләне. Ә ҡала буйлап сәфәргә сыҡҡан “Юлдаш” Ҡыш бабайы һәм Ҡарһылыуы радио тыңлаусы дуҫтарыбыҙ, улар араһында билдәле шәхестәр – Башҡортостандың халыҡ артисы, мәшһүр диктор-ветераныбыҙ Лира Фәйзуллина, Башҡортостандың халыҡ яҙыусыһы Ноғман Мусин, М. Аҡмулла исемендәге Башҡорт дәүләт педагогия университеты ректоры Рәил Әсәҙуллинға байрам бүләген өләште. Шулай уҡ Ҡыш бабай һәм Ҡарһылыу Өфө ҡалаһының Ирекмәндәр ойошмаһы менән Черниковка биҫтәһендә урынлашҡан республика балалар һәм үҫмерҙәр социаль приютына инеп, балаларға байрам кәйефе, күңел йылыһы өләште.
Серле, мөғжизәле Яңы йыл марафонының һәр сәғәтендәге ҡунаҡтар үҙҙәренең йыл уңыштары тураһында һөйләне, яңы йыл ҡотлауҙарын еткерҙе. Улар араһында 2017 йылда төрлө өлкәлә уңыш ҡаҙанған билдәле замандаштарыбыҙ, көнитмешебеҙҙә күптәрҙе борсоған актуаль һорау­ҙар­ға яуап бирерлек белгестәр ҙә булды. Моңло, байрам йырҙары менән үрелеп барған эфирыбыҙ кисен дәртле бейеү көйҙәре менән дауам итте. Был марафон бар тыңлаусыларыбыҙға бер йылға етерлек дәрт-көс өҫтәп, мөғжизәгә ышанғанда, ерҙә дуҫлыҡ-татыулыҡ, берҙәмлек булғанда, килер йылдар ҙа мөбәрәк булыр, тигән изге хис-тойғолар уятты.
Сәриә РАМАЗАНОВА.










Оҡшаш яңылыҡтар



«Бер ваҡытта ла бер кемгә лә оҡшарға тырышманым»

«Төрлө сағым була минең дә...»

05.10.2019 - Мәҙәниәт һәм сәнғәт «Төрлө сағым була минең дә...»


Шағирә, продюсер Светлана ШӘРИПОВА: “Тормош дауам итә!”

«Ғәфү ит мине,  әсәй!»

21.09.2019 - Мәҙәниәт һәм сәнғәт «Ғәфү ит мине, әсәй!»


«Тамашасы  ихласлыҡты күрә белә»

19.09.2019 - Мәҙәниәт һәм сәнғәт «Тамашасы ихласлыҡты күрә белә»


Вайнер ҙа – туған тел һаҡсыһы!

05.09.2019 - Мәҙәниәт һәм сәнғәт Вайнер ҙа – туған тел һаҡсыһы!


Күктә балҡый уның йондоҙсоҡтары...

25.08.2019 - Мәҙәниәт һәм сәнғәт Күктә балҡый уның йондоҙсоҡтары...


Туйҙарҙа яралған мөхәббәт

24.08.2019 - Мәҙәниәт һәм сәнғәт Туйҙарҙа яралған мөхәббәт


“Ябай кеше булараҡ уңыш яулап ҡара...”

17.08.2019 - Мәҙәниәт һәм сәнғәт “Ябай кеше булараҡ уңыш яулап ҡара...”


Рәсәйҙең атҡаҙанған мәҙәниәт хеҙмәткәре Рәйес ИСМӘҒИЛЕВ: “Һуғыш суҡмары булдым”

Ни өсөн Эльмира Юлдашеваны “Лунатик” тигәндәр?

“Драматургия – әҙәбиәттең иң ҡатмарлы жанры”

«Урал батыр»ҙы яттан һөйләнеләр

20.06.2019 - Мәҙәниәт һәм сәнғәт «Урал батыр»ҙы яттан һөйләнеләр


«Мәҙәниәт  хеҙмәткәрҙәре өсөн  ял юҡ»

15.06.2019 - Мәҙәниәт һәм сәнғәт «Мәҙәниәт хеҙмәткәрҙәре өсөн ял юҡ»


"Тормошҡа ашмаҫ хыялдар ҡормайым"

27.05.2019 - Мәҙәниәт һәм сәнғәт "Тормошҡа ашмаҫ хыялдар ҡормайым"


Йырсы менән бейеүсе –  шул тиклем пар килгәнсе

«Талантың булмаһа, шоу яһау ярҙам итмәй»

16.05.2019 - Мәҙәниәт һәм сәнғәт «Талантың булмаһа, шоу яһау ярҙам итмәй»


Көтөүсе булырға теләмәһәң, бейеүсе булырға мөмкин

Башҡортостандың атҡаҙанған артисы Лилиә РӘСҮЛЕВА: «Күңелем  романтикаға тартыла»

“Тормошомда осраған  һәр кешегә рәхмәтлемен”

Театр ишеген асҡас...

30.03.2019 - Мәҙәниәт һәм сәнғәт Театр ишеген асҡас...


Аҡыл менән хистәр береккәндә

25.03.2019 - Мәҙәниәт һәм сәнғәт Аҡыл менән хистәр береккәндә


Йәштәр театры һөйөндөрә

23.03.2019 - Мәҙәниәт һәм сәнғәт Йәштәр театры һөйөндөрә


«Бирешмә!» беренсе үҫмерҙәр премияһы

15.03.2019 - Мәҙәниәт һәм сәнғәт «Бирешмә!» беренсе үҫмерҙәр премияһы