НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Яңы тауыштар, яңы моңдар…

Яңы тауыштар, яңы моңдар…


Яңы тауыштар,  яңы моңдар…
Әҙәм балаһының күңеле, булмышы йыр-моң менән һуғарылған. Күптәр тормошон ҙур сәхнә менән бәйләмәһә лә, матур йырлай, тауыштары иҫ киткес моңло. Арабыҙҙа үҙе өсөн генә йырлап йөрөгән бик һәләтле кешеләргә ҡарап, ни эшләп артист булманы икән, тип аптырайбыҙ. Иң халыҡсан радио ойоштор­ған “Юлдаш” йыры” конкурсы йәштәргә оло сәхнәгә старт булһа, өлкәндәргә йәшлек хыялдарын тормош­ҡа ашырырға ярҙам итә. Унда йыр-моңға ғашиҡ төрлө һөнәр эйәләре үҙҙәрен халыҡҡа танытыу мөмкинлеген ала. Йылдан-йыл конкурс популярлаша, проект үҫешә. Бәйгелә еңеүселәр онотолмай.
Уларҙың йырҙары радио тулҡындарында даими яңғырай. "Юлдаш" радиоһы хеҙмәткәрҙәре уларҙың артабанғы ижади үҫешен күҙәтеп бара. Яңы йырҙарын тәҡдим итә, тапшырыуҙарға, эфирҙан тыш үткәрелгән сараларға, акцияларға саҡыра.

"Юлдаш" йыры – 2017" республика конкурсы 1 сентябрҙә старт алыу менән ҡатнашырға теләк белдереүселәр һаны бихисап йыйылды. 1 мартҡа тиклем төбәктәрҙә генә ишетелгән, һирәк яңғыраған йырҙар, үҙенсәлекле тауыштар, башҡарыу алымы менән айырылып торған һәүәҫкәр ижадсылар конкурста ҡатнашырға теләк белдерҙе. Үткән аҙнала ойоштороу комитеты икенсе турға үтеүсе кандидаттарҙы билдәләне. Күңелдәгеһен йыр-моң аша еткергән был замандаштарыбыҙҙың йырҙарын радио тыңлаусыларыбыҙ дүшәмбенән йомаға тиклем 11 сәғәт 15 минутта һәм ҡабатлап киске сәғәт 9-сы 15 минутта "Юлдаш" тулҡындарында ишетә ала. Икенсе турҙан һуң профессиональ композитор, шағир, музыкант, йырсыларҙан торған мәртәбәле жюри ябыҡ ултырышта килгән яҙмаларҙы тыңлай һәм өсөнсө турға үтеүселәрҙе һайлай. Конкурс география йәһәтенән күптән Башҡортостан сигенән сығып китте. Быйыл да Рәсәй ҡалаларынан, алыҫ себер тарафтарынан, Татарстандан, республиканың төрлө төбәгенән килгән һәләтле ҡатнашыусылар менән осрашырбыҙ. Ярыш булғас, уның еңеүсеһе лә билдәләнә, йәғни өсөнсө турҙа гала-концертта һығымталар яһала, тамашасыларға халыҡ араһынан сыҡҡан моңло йырсыларҙың концерты тәҡдим ителә. Был турға үткән ҡатна­шыу­сылар­ға оҫталыҡ дәрестәре үткәрелә, яңы йырҙар яҙҙырыла. Конкурс, һәүәҫкәр ижадсыларға иғтибар менән бергә, халыҡ ижадына, тамырҙарыбыҙға ҡыҙыҡһыныу уята. Билдәле булыу, хыялдарыңды тормошҡа ашырыу өсөн бер ҡасан да һуң түгеллеген дәлилләй.
С. Рамазанова.

Сығыу ваҡыты 22-03-2017, 11:18 | Ҡаранылар: 198
|
  • «Юлдаш» йыры – 2017» яңы йырсыларҙы көтә
  • Билдәле булыу өсөн бер ҡасан да һуң түгел
  • Теләктәрҙән хыялдарға тик бер аҙым – “Юлдаш” менән
  • «Юлдаш» йыры» таланттар аса
  • “Юлдаш”һөйләй, йырлай һәм таланттарҙы асыҡлай
  • Информация

    Комментировать статьи на сайте возможно только в течении 4 дней со дня публикации.


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM