НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » 8(2011) » Страница 3

Йырҙары йәнгә дауа
Новости / Мәҙәниәт // 1-02-2011, 10:43


Мин боронғо башҡорт халыҡ йырҙарын яратам. Иң яратып тыңлаған йырсым – Рамазан Йәнбәков. Сөнки уның кеүек аҫыл, моңло тауышлылар юҡ. Йырҙар тыңлап ултырғанда, ҡасан ошо оло йырсының сығышын күрһәтәләр инде, тип көтәм. Әгәр күрһәтмәһәләр, телевизор алдынан күңелһеҙләнеп тороп китәм. Тауышы, йырҙары – йәнемә дауа. Шуға уға оло рәхмәтемде гәзит аша еткергем килә. Уға һаулыҡ, оҙон ғүмер, телевизорҙан йыш йырлатыуҙарын теләйем. Ғөмүмән, оҙон башҡорт йырҙарын йырлаусыларҙың барыһына ла рәхмәт.
Гөлниса ҠОТЛОҒУЖИНА.
Күгәрсен районы....

ЙЫРСЫ ЛА, УҠЫТЫУСЫ ЛА, ҮҘЕШМӘКӘР КОМПОЗИТОР ҘА
Новости / Мәҙәниәт // 1-02-2011, 10:40


ЙЫРСЫ ЛА, УҠЫТЫУСЫ ЛА, ҮҘЕШМӘКӘР КОМПОЗИТОР ҘА– Йәғәфәр ағайыбыҙ беҙгә һәр яҡлап та өлгө булып тора, түңәрәккә лә бик ихлас йөрөйбөҙ, – Бөрйән районының Иҫке Собхан­ғол урта мәктәбе уҡыусыһы Азат Күлбаев үҙҙәренең «Арғымаҡ» вокаль ансамбленең етәксеһе Йәғәфәр Нәҙершин тураһында шулай ти.
Өлгө булырлыҡ та шул. Балалар ансамблен етәкләгән уҡытыусы – үҙе йырсы ла, үҙешмәкәр композитор ҙа, балалар өсөн йырҙар ҙа яҙа. Ике йыл элек ул ошо ансамблде тергеҙә. Тәүҙә малайҙар ғына булғанға «Арғымаҡ» тип аталған ансамблгә ҡыҙҙар ҙа килеп ҡушыла, тағы ла күңеллерәк булып китә. Әммә ансамблдең исемен үҙгәртеп тормай­ҙар. Әле 5-се синыфтан биш ҡыҙ, дүрт малай шөғөлләнә. Бәләкәй состав та бар. Балалар унда бик яратып йөрөй, һәр байрамдың сағыу биҙәге был ансамбль. Райондың 80 йыллыҡ юбилейына яҡташтарын өс телдә (башҡорт, рус, инглиз) йырлап ҡыуандыралар. 2010 йылдың февралендә Урал аръяғы ассоциацияһы һәм Баймаҡ районы ойошторған «Ирәндек ынйылары» конкурсында – 3-сө урынды, ә «Яҙғы тамсылар» район конкурсында ике йыл рәттән беренсе урынды яулай йәш йырсылар....

«Бер нәмәгә ҡарамай, алға атлаясаҡмын»
Новости / Мәҙәниәт // 1-02-2011, 10:38


«Бер нәмәгә ҡарамай, алға атлаясаҡмын»Искәндәр Ғәзизов «Ҡолон», «Өфө йүкәләре», «Ҡарағай урманында» һәм башҡа йырҙары менән тамашасы, айырыуса өлкән быуын яратып тыңлаған йырсыларҙың береһенә әүерелде лә китте. «Гәлсәр һандуғас» телефестивале уны Башҡортостан сәхнәһенә алып сыҡты. Ә тыңлаусылар шундуҡ йырсының тауышын бүтән әллә күпме башҡарыусыныҡы араһынан айырырға өйрәнде. Әммә Искәндәрҙең йырлы-моңло тормошо күпкә алдараҡ башланған. Бала саҡ хыялынан. Йырға һәләте атаһынан килә уның. Һоҡланып, ғорурланып телгә ала атаһын егет. «Әлегәсә атайым йырлап ебәрһә, аһ итерлек була ла ҡуя. Оло йәштә булһа ла, үәт тауыш унда!» – ти ул. Артабан Өфө сәнғәт училищеһында уҡығанда «Өфө егеттәре» вокаль ансамбленең төп солисы була. Дискылары ла сыға. Аҙаҡ сәнғәт академияһына уҡырға инә, үҙен «Гәлсәр һандуғас»та һынай. Әлеге мәлдә, уҡыуын тамамлап, филармонияла эшләй. Бер юлы икенсе юғары белем дә үҙләштерә. Уның әлеге көнитмешен, пландарын белер өсөн бәләкәй генә әңгәмә ҡорҙоҡ....

Беҙҙекеләр – беренсе. әлегә
Новости / Спорт // 1-02-2011, 10:36


«Салауат Юлаев» командаһы КХЛ беренселегенең 50-се турында Көнбайыш дивизиондың лидерҙарының береһе – «Динамо» /Мәскәү/ хоккейсыларын 7:1 иҫәбенә тар-мар итеп, рәттән һигеҙенсе осрашыуҙа еңеү яуланы.
Ошо уңышлы уйындан һуң юлаевсылар 101 мәрәй менән турнир таблицаһының йәнә юғары баҫҡысына үрләне. Береһенән-береһе матур голдарҙы өфөләрҙән ике тапҡыр Якуб Клепиш, берәр­ҙән Олег Твердовский, Виктор Козлов, Александр Радулов, Патрик Торесен һәм Игорь Григоренко индерҙе. Барыһы ла маҡтауға лайыҡ. Бигерәк тә беренсе звенобыҙ уйындан-уйынға дөйөм еңеүгә тос өлөш индереп, КХЛ-да иң мәргәндәре булып һанала. Улар өсөһөнә 68 тапҡыр уңышҡа өлгәшеп, 97 тапҡыр гол индереүгә булышлыҡ итә. Был – дөйөм команда күрһәткесенең өстән бер өлөшө, тигән һүҙ....

Йырҙы һаҡлау – халыҡты һаҡлау
Новости / Мәҙәниәт // 1-02-2011, 10:35


Әсмә Усманованы республикала белмәгән кеше юҡтыр. Һәр мәртәбәле майҙанда уның сәсән һүҙе, һирәк ишетелгән халыҡ йыры, мөнәжәте, бәйете тыңлаусыны ҡыуандыра, хайран итә.
Орскиҙа физика-математика факультетын тамамлап, 1965 йылда Аҡъярға күсеп килгәс, алһыҙ-ялһыҙ уҡытыусы эшенә егелә. «РСФСР-ҙың мәғариф отличнигы» тигән маҡтаулы исемгә лайыҡ була....

Табышайыҡ, ҡауышайыҡ
Яңылыҡтар таҫмаһы / Объявления // 1-02-2011, 10:34


Абонент 01.
Миңә 40 йәш, юғары белемлемен. Мәктәп йәшендәге ике балам бар. Насар ғәҙәттәре булмаған, балаларҙы яратҡан, тормош көтөүгә, ғаилә ҡороуға етди ҡараған, матди яҡтан етеш 40 – 45 йәштәрҙәге ир-ат менән танышырға теләйем. Хатҡа фото һалыу мотлаҡ....

Ай башы - февраль
Рубрикалар // 1-02-2011, 10:31


Иҫтәлекле даталар һәм байрамдар
Ай башы - февраль8 – Рәсәй фәне көнө.
10 – Дипломатик хеҙмәткәрҙәр көнө.
14 – Бөтә донъя ғашиҡтар көнө.
15 – Яугир-интернационалистарҙы иҫкә алыу көнө....

Хыялдарыбыҙ асҡысы
Әҙәбиәт // 1-02-2011, 10:30


Бер ир өйөнөң асҡысын юғалта. Ҡараңғы булғанлыҡтан ергә тиклем эйелеп тиерлек, асҡысын эҙләргә тотона. Күрше ҡатын, ярҙам итмәксе булып, ихласлап асҡысты эҙләшә башлай. Ҡатын бөтә мөйөштәрҙән, ағас-ҡыуаҡлыҡтар тирәһенән, урамдың икенсе яғына ла сығып эҙләй. Ә ир тик фонарь яҡтыһы төшкән урындан ғына эҙләүен дауам итә. Ул бер аҙым уңға, бер аҙым һулға барған була ла, алыҫ китмәй, яҡтылыҡҡа килә.
Ҡатын быға иғтибар итә һәм:
– Ни өсөн асҡысыңды тик ошо ерҙән генә эҙләй­һең, уны бит башҡа берәй ерҙә лә төшөрөп ҡалдырыуың ихтимал? – тип һорай.
– Әлбиттә, – ти ир, – уны башҡа ерҙә төшөрөүем мөмкин, тик бында бит яҡты!
Күп ваҡыт хыялдарыбыҙҙы бөгөнгө хәл-торош­ҡа ҡарап баһалайбыҙ. Ә бит уларҙың асҡысы бөтөнләй икенсе ерҙә ятыуы мөмкин, ә беҙ әлеге ваҡытта баҫып торған ерҙә түгел.

Рәмилә ТАЙСЫНОВА тәржемәһе....

Луиза ЗАКИРЙӘНОВА: «Камиллыҡтың юҡтыр сиктәре»
Конкурстар // 1-02-2011, 10:27


Луиза ЗАКИРЙӘНОВА: «Камиллыҡтың юҡтыр сиктәре»Мин – Әйле ырыуынанмын. Халҡымдың ғорурлығына, илемдең матурлығына, телемдең байлығына һоҡланып йәшәгән ҡыҙмын. Тыуып үҫкән яғым – йәмле Мәсетле районы. Әле Мифтахетдин Аҡмулла исемендәге Башҡорт дәүләт педагогия университетының башҡорт филологияһы факультетының инглиз бүлегендә III курста белем алам. Уҡытыусы булып, киләсәк быуынды әҙәпле, үҙ халҡыбыҙҙы, илебеҙҙе данларлыҡ шәхестәр итеп тәрбиәләү – бала саҡ хыялым.
Башҡорт әҙәбиәтен бик яратам. Бигерәк тә Вафа Әхмәҙиевтың, Рәйес Түләктең ижадын яҡын күрәм. Улар яҙған һәр әҫәрҙе күңел аша үткәреп, төплө анализ яһарға тырышам. Шулай уҡ башҡорт халҡының легендаларын, риүәйәттәрен, әкиәттәрен яратып уҡыйым. Рәшит Шәкүр, Әхмәт Сөләймәнов, Зәки Әлибаев һымаҡ уҡытыусыларҙа әҙәбиәт, фольклор серҙәрен өйрәнеүем менән ғорурланам.
Бала саҡтан башҡорт бейеүҙәренә ғашиҡмын. Шул һөйөүем иҫ китмәле бейеүсе Гүзәл Исламғолова етәкләгән «Гүзәл» ансамбленә алып килде. Шулай уҡ халҡымдың йырҙарын, ҡурай моңон яратып тыңлайым. Мандолинала, ҡумыҙҙа уйнайым. Мандолинала әсәйем уйнарға өйрәтһә, ҡумыҙҙа уйнау серҙәрен райондашым, данлыҡлы ҡумыҙсы Миңлеғәфүр Зәйнетдиновтан үҙләштерәм.
Камиллыҡтың юҡтыр сиктәре, тип, һәр тыуыр таңға шатланып, рухи иркенлеккә ынтылып, илемә кәрәкле кеше булып йәшәргә тырышам....

Үәт, ҡыҙыҡ!
Әҙәбиәт / Юмор // 1-02-2011, 10:21


Йыр дәресендә уҡытыу­сы:
– Бөгөн опера хаҡында һөйләшәсәкбеҙ. Кем белә, нимә ул опера?
– Мин беләм, – тип ҡул күтәрә Ирек. – Дуэлдә бер кеше икенсеһен үлтерә, ә тегеһе ҡолағансы, оҙаҡ итеп йырлай!...


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Маринадланған кәбеҫтә
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!
  • Үәт, ҡыҙыҡ! (6.10.2017)



  • Радио Юлдаш FM