НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » 47(2011) » Страница 2

Эшҡыуарҙар республика башлығын фронтҡа тәҡдим итте
Новости / Рәсәй // 18-06-2011, 16:59


«Эшлекле Рәсәй» йәмәғәт ойошмаһының Башҡортостан төбәк бүлексәһе «Халыҡ фронты»на кандидаттар исемлегенә БР Президенты Рөстәм Хәмитовты индергән.
Ойошма ағзалары фекеренсә, республика етәксеһе эшҡыуарҙар мәнфәғәтен төп ҡайғыртыусы һанала, ул килеү менән төбәктә инвестиция климаты ла яҡшы яҡҡа үҙгәргән. Президенттың эшҡыуарлыҡ өсөн мөһим булған асыҡ сәйәсәт алып барыуы ла «Эшлекле Рәсәй» ағзаларын ҡәнәғәтләндерә. Рөстәм Хәмитовтан тыш, кандидаттар исемлегендә Өфө дәүләт иҡтисад һәм сервис академияһы ректоры Александр Дегтярев, БР Эшҡыуарлыҡ ойошмалары ассоциацияһы советы рәйесе Алексей Щербацкий һәм «Рәсәй терәге» ойошмаһының төбәк бүлексәһе рәйесе Денис Мусин да бар....

Балаларҙы наркотиктарҙан һаҡлайыҡ
Новости / Һаулыҡ һаҡлау // 18-06-2011, 16:56


Республика йортонда БР-ҙың Наркотиктарға ҡаршы көрәш комиссияһының сираттағы ултырышы үтте. Сарала БР Президенты Р. Хәмитов та ҡатнашты.
Комиссия ҡарарынса, Башҡортос­танда социаль тайпылыштарҙы иҫ­кәртеү буйынса белгестәр әҙерләү ойоштороласаҡ. Был ниәтте Президент та хупланы.
«Наркотиктарға ҡаршы эшмәкәрлектең, айырыуса балалар һәм йәштәр араһында тейешле һөҙөмтә бирмәү сәбәптәрен асыҡларға кәрәк», − тине Рөстәм Хәмитов. Үкенескә күрә, наркодилерҙар әлегә балалар аңына ата-әсәләр, педагогтарға ҡарағанда һөҙөмтәлерәк йоғонто яһай. Рес­публика етәксеһе фекеренсә, наркотик ҡулланып ҡарарға теләүсе һәр бала − беҙҙең еңелеү. Енәйәтсе­ләргә профессиональ рәүештә ҡар­шы тороу мотлаҡ....

Ревматизм – хәүефле сир
Новости / Һаулыҡ һаҡлау // 18-06-2011, 16:50


Был инфекцион-аллергик харак­тер­ҙағы ялҡынһыныу ауырыуын стрептококктарҙың бер төрө ҡуҙғата. Шуға күрә ул йыш ҡына ангина, йә иһә өҫкө һулыш юлдары сирҙәренән, йә башҡа инфекция кисергәндән һуң килеп сыға. Ревматизм менән ауырығанда, нигеҙҙә, йөрәк клапандары зарарлана һәм төрлө йөрәк сирҙәре барлыҡҡа килә. Быуындар зарарланыуы (полиартрит) ауырыу барышында ҡыҫҡа ваҡытлы күренеш кенә. Ғәҙәттә, ул стационар­ҙарҙа дауаланғандан һуң үтә. Ләкин ауырыу­ҙың киҫкен формаһынан һуң ул һыҙлаусан булып ҡала. Бигерәк тә ул үҙен көн боҙолғанда һиҙҙерә. Был медицина телендә артралгия тип атала....

Япония, рәхим ит!
Новости / Рәсәй // 18-06-2011, 16:48


Япония, рәхим ит!Башҡортостанға Япония делегацияһы килеп ҡайтты. Алыҫ көнсығыш иленең утыҙлаған рәсми вәкиле менән осрашыу ваҡытында партнерлыҡ өлкәләре билдәләнде.
Тәү сиратта был – химия сәнәғәтенә һәм ауыл хужалығына ҡараған машина һәм станок төҙөү тармағы. Бигерәк тә химия йүнәлешендә һәйбәт проекттар булдырырға мөмкин, сөнки Башҡортостан был юҫыҡта Рәсәйҙә алдынғы урында тора. Төҙөлөштә лә ике яҡҡа ла ыңғай йоғонто яһаған эшмәкәрлекте үҫтереп була. Республика япондарҙың тәжрибәһен өйрәнергә әҙер. Беҙҙе айырыуса заманса экологик төҙөлөш материалдары ҡыҙыҡһындыра. БР Президенты Р. Хәмитов эре төҙөлөш компанияһының вәкиллеген асыу мөмкинлеге булыуын да әйтте.
Гүзәл тәбиғәт, уның һауыҡтырыу факторы – беҙҙең республиканың ғорурлығы. Быны ла алыҫ сит ил менән бәйләнештәрҙә файҙаланыр­ға була. Мәҫәлән, ер тетрәүҙән ҡаза күргән балаларҙы саҡырырға мөмкин. Киләсәктә берлектәге һауыҡтырыу учреждениелары төҙөү перспективаһы ла бар....

Минең ирем – миллионер!
Махсус бит / Проблема // 18-06-2011, 16:48


Энергияларҙың урындары менән алмашыныуы һәр саҡ насар эҙемтәләргә килтерә. Ир-ат, хәҙер уның ир-бисә-әсәһе ашарға алып ҡайтыр, мейескә яғып ебәрер, тамағына әҙерләп ашатыр, тип диванда көтөп тик ятып, үҙендә ҡатын-ҡыҙ энергияһын арттыра. Ә ҡатын-ҡыҙ ир-ат эше тураһында уйлап, дөрөҫөрәге, эшләп, үҙендә ир-ат энергияһын үҫтерә. Һөҙөмтәлә күңелдәре ҡата, асыуҙары ҡабара, үҙенең икенсе яртыһына ҡарата күрә алмаусанлыҡ тыуа һәм тормошона ҡарата ҡәнәғәтһеҙлек арта. Үҙеңде ошо хәлгә алып барып еткерергә кәрәкме һуң?
Һәр ҡатын үҙ иренә нисектер йоғонто яһар­ға, «тәрбиәләргә», уны үҙенсә әүәләп алырға тырыша. Ә ир кеше, үҙ сиратында, ирек ярата, кемгәлер буйһонорға, «сепрәк» булырға теләмәй. Ике яҡҡа ла уңайлы, рәхәт булырлыҡ мөмкинлек тыуҙырыу, хөрмәт һәм мөхәббәт тигән нәмәне оҙаҡ йылдарға һаҡлап ҡалыу форсаты бармы икән?...

Завод дәүләт заказдарына өҫтөнлөк бирергә тейеш
Экономика // 18-06-2011, 16:46


Башҡортостан Президенты Рөстәм Хәмитов Стәрлетамаҡҡа сәфәрендә хәрби техника һәм ҡоралды утилләштереү предприятиеһында булды.
«Авангард» заводында айына 120 мең снарядты утилләштерергә мөмкин. Һуңғы ике йылда бында Иглин районының Урман ҡасабаһында һаҡланған 308 мең снаряд килтерелгән.
Республика башлығы боеприпас­тарҙы зарарһыҙландырыу майҙансығын, преслау блогын һәм сәнәғәт шартлатҡысы цехын ҡараны. Уға утилләштерелгән ҡоралдың металл корпустарын һәм шартлатҡыс матдәләрҙән яһалған продукцияны − сәнәғәт зарядтарын, шашка-детанаторҙарҙы, шартлатҡыс состав­тар­ҙы күрһәттеләр....

Йәйге ялығыҙҙы ҡайҙа үткәрәһегеҙ?
Новости / Мәғариф // 18-06-2011, 16:28


Йәйге ялығыҙҙы ҡайҙа үткәрәһегеҙ?Беҙ барыбыҙ ҙа йәйҙе генә көтөп йәшәйбеҙ кеүек. Уны нисек итеп үткәрергә, ҡайҙа ял итергә алдан уҡ пландар ҡорабыҙ. Йәй миҙгеле ҡыҫҡа, тиҙ генә үтә лә китә, шунлыҡтан уны нисек тә матур итеп, иҫтә ҡалырлыҡ итеп үткәрге килә. Йәйге ялын кем ҡайҙа, нисек үткәрә, тигән һорау менән бер нисә кешегә мөрәжәғәт иттек.
Илнур ЮЛАМАНОВ, пародист, йырсы: Ҡара диңгеҙ буйына ял итергә барырға йыйынабыҙ. Ике йыл рәттән, диңгеҙ буйында ял иткәйнем, бик тә оҡшаны. Ундағы тәбиғәт, һауа, диңгеҙ барлыҡ мәшәҡәттәрҙе онотоп, рәхәтләнеп ял итеү мөмкинлеге бирә. Планлаштырылған эштәребеҙ ҙә бар, йәй бит – туйҙар мәле, тормош иптәшем Альбина менән туйҙар ойошторабыҙ, юбилейҙар ҙа үткәрәбеҙ, мөрәжәғәт итеүселәр күп. Бынан тыш, «Минута славы» тапшырыуына әҙерләнәм. Интернетҡа ҡуйған «Дворник-пародист» видеоролигы менән кастинг үттем, көҙгөһөн съемка башланасаҡ....

Нарыҫтауҙа уҡылған ҡатын-ҡыҙҙар доғаһы
Новости / Иман // 18-06-2011, 16:24


Әссәләмәғәләйкүм! Әғүзү билләһи минәш-шайтанир-ражим бисмилләһир рахмәнир-рахим!
Иң тәүҙә ошо изге байрамға йыйылған ағинәйҙәргә, аҡ яулыҡлы апайҙарға, иманлы йәш ҡыҙҙарға рәхмәт белдерергә рөхсәт итегеҙ. Совет йылдарында динебеҙ тап һеҙҙең тырышлығығыҙ арҡаһында һаҡланып ҡалды. Күпләп мәсеттәргә йөрөгән кешеләр ҙә, намаҙ уҡыған, ураҙа тотҡан кешеләр ҙә, башлыса, һеҙ булдығыҙ! Өйҙә алдарығыҙҙан намаҙлыҡтарығыҙҙы тартып алғанда ла, үҙегеҙҙе бесәй балаһындай намаҙлыҡ өҫтөнән елтерәтеп төшөрөп ебәргәндә лә иманыбыҙға тоғро ҡалдығыҙ.
Эй, Раббым! Беҙҙе был донъяға ҡатын-ҡыҙ, әсә итеп яралтҡаның өсөн мең рәхмәтлемен. «Йәннәт әсәләрҙең аяҡ аҫтында», – тиелгән, үҙебеҙгә лә ошо йәннәткә лайыҡ булырға яҙһа ине!...

НАРЫҪТАУҘЫ ҺУҢFЫ ТӨЙӘК ИТКӘН СӘХӘБӘЛӘР РУХЫ ҮЛЕМҺЕҘ
Новости / Башҡортостан // 18-06-2011, 16:21


НАРЫҪТАУҘЫ ҺУҢFЫ ТӨЙӘК ИТКӘН СӘХӘБӘЛӘР РУХЫ ҮЛЕМҺЕҘКөнө буйы ҡураныс, һалҡын ямғыр яуҙы. Кемдәрҙер байрамға барырға тигән уйынан һүрелде. Ә күптәр иртәгәһе көндөң матур булырына шикләнмәне – Хоҙай ризалығы өсөн изге ергә, сәхәбәләр ятҡан тау янына барырға йыйынғас, юлыбыҙ асылыр, тип уйланы. Шулай ҙа көндөң был тиклем дә матур булырын берәү ҙә көтмәгәндер. Күк салт аяҙ, ҡояш үҙенең йылы нурҙарын йәлләмәне, һалҡын, еүеш ер шунда уҡ йылынып кипте, тирә-яҡта сиңерткәләр, күбәләктәр оса. Мөғжизә! Күрәһең, бөгөнгө изге байрам алдынан Ер кисә ғөсөлләнгәндер… Ошондай мөғжизәле иртәлә Миәкә районының Илсеғол ауылы янындағы Нарыҫтауға халыҡ ағылды. Ҡайҙан ғына килмәгән улар – Хәйбулла, Баймаҡ, Йылайыр, Әбйәлил яҡтарынан, шулай уҡ сит өлкә, республикаларҙан, сит илдәрҙән төрлө милләт вәкилдәре − мосолман ҡәрҙәштәребеҙ килгәйне, йәмғеһе − өс меңләп халыҡ йыйылғайны....

Дуҫлыҡ һынала торған мәл
Гәзиткә яҙылыу // 18-06-2011, 16:07


«Йәшлек»тең дуҫтары тотош республикаға һибелгән инде ул. Ҡайһы ғына тарафҡа өндәшһәк тә яуап алыу мөмкинлегенә эйәбеҙ, рәхмәт төшкөрө! Гәзитебеҙгә оҙаҡ йылдар тоғро ҡалғандар ҙа, дуҫтарыбыҙ сафына яңыраҡ килеп ҡушылғандар ҙа байтаҡ. Бына, туғандар, әле бәйләнеште тағы ла нығытыу, тоғролоҡто һынау осоро. Ул тамамланыуға табан бара. Баҫмаға яҙылыу ваҡытын әйтәбеҙ: подписканың һуңғы аҙнаһы, донъя мәшәҡәттәренә сумып, «Йәшлек»кә яҙылырға онотманығыҙмы?...


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Ҡырау төшөүе ихтимал
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM